一夜狂歡

引用:

原帖由 一夜狂歡 於 2023-8-26 14:51 發表
好嘢又得米！雖然約得係勉強啲，始終係出師有名，台灣返嚟好難有藉口約佢出嚟，呢次佢做主動仲唔把握機會咩，約夜啲仲好，玩到夜一夜攰到抽筋，再返屋企開行冷氣，唔病真係跟你姓，好嘞，今晚節目搞掂，依家最好瞓番個靚覺，養精畜銳今晚再同 ...

好彩仲有雲石花糟可以坐下，咁等法真係腳仔軟，分分鐘開炮都冇力，前後text 兩次俾Amy毫無反應，好快過咗半粒鐘，決定call佢冇失拖，弊在電話都唔接一下，唔通變咗冇尾飛陀？唉！俾啲耐性啦，佳人有約係咁架喇，況且佢有求於我，你驚佢唔出現！放心啦，俾啲耐性等下啦，原來安慰自己係冇用嘅，條女成粒鐘都未蒲過頭，別無他法，唯有繼續等喺啦，仆街等下等下已經過咗兩粒鐘，後尾直頭瞓着埋，當好夢正酣，突然有人失驚無神喺耳邊大聲嗌話：死人頭！起身喇。嘩大佬，嚇到幾乎心臟病發咁滯，死女包原來Amy嗌我，差少少爆粗吊佢咁滯，衰女包話：瞓醒嗱！爽唔爽啊！真係聽話，叫你9點等就9點等。正想鬧條衰女包，佢搶先話：條氣好唔順呢？係咪想吊我呀？随便。我反寸話：點敢吊妳呀！唔俾妳吊都算偷笑啦。衰女包話：都算你知情識趣！喂好肚餓呀，快啲去食消夜咯。望下個鐘，頂你成十一點有多，足足等咗成三粒鐘。

一夜狂歡

引用:

原帖由 一夜狂歡 於 2023-8-29 00:43 發表
好彩仲有雲石花糟可以坐下，咁等法真係腳仔軟，分分鐘開炮都冇力，前後text 兩次俾Amy毫無反應，好快過咗半粒鐘，決定call佢冇失拖，弊在電話都唔接一下，唔通變咗冇尾飛陀？唉！俾啲耐性啦，佳人有約係咁架喇，況且佢有求於我，你驚佢唔出現 ...

始終意難平，我問：點解搞到咁夜阿姐，我足足等咗成三粒鐘，成本蝦你波突都睇得晒呀。Amy反寸話：你呀蠢到爆！俾晒貼士你，話明9點過後等得就等，即係話會遲好多囉，係你咁憨9一早到，人蠢冇藥醫唔識執生。唉唔好抝，費事再俾人寸，我問阿姐有咩好提議，佢話：我想去食夜粥，你點睇？我反問：妳唔係想去打交係嘛，食夜粥？Amy又寸我話：你今晚理解能力低L到令人難以想像，咁夜仲去打交？我忙L到晚飯都未食呀阿哥，你當我有心整蠱你呀？憑你呀？慳啲啦。又俾人窒到一面屁，阿姐今晚心情麻麻，就下佢算喇，Amy話：嗱灣仔道嗰邊有間食夜粥嘅，啲嘢唔錯，可以過去試下。講完即時截咗部的士，再同我講：仲等乜嘢？上車啦，唔通仲熬電車過去呀孤寒鐸！

[ 本帖最後由 一夜狂歡 於 2023-8-30 13:44 編輯 ]

一夜狂歡

引用:

原帖由 一夜狂歡 於 2023-8-30 13:21 發表
始終意難平，我問：點解搞到咁夜阿姐，我足足等咗成三粒鐘，成本蝦你波突都睇得晒呀。Amy反寸話：你呀蠢到爆！俾晒貼士你，話明9點過後等得就等，即係話會遲好多囉，係你咁憨9一早到，人蠢冇藥醫唔識執生。唉唔好抝，費事再俾人寸，我問阿姐 ...

阿姐今晚心情極壞，唔知受咗咩剌激，我變成出氣袋，的士上一改以往口若懸河表現，粒聲都冇，好快到咗灣仔道，例牌又係我科水，Amy介紹嘅係一間地痞細舖，冇裝修兼老闆兩公婆冇厘聲氣愛理不理，叫咗兩碗及第粥、炸兩同蝦腸，衰鬼味道又真係掂檔喎，Amy繼續一反常態，齋食嘢唔出聲，好嘞食到飽飽埋埋單，咁點呢？阿姐終於開口話：陪我去飲杯嘢！我話：好夜囉喎，聽日唔使返工呀？不如你話俾我聽咩事啦。Amy啤住我話：乜你怕夜嘅咩？依家係咪好難委你先，係就散band算嘞，各行各路。講完口噏噏，唔知係咪講啲四字粗口吊緊我，我怱忙解釋話：我唔係咁嘅意思，我驚妳聽朝返工冇精神咋，我陪你通宵都冇所謂。Amy自言自語話：係囉！唔發火唔識收嘅，秋仔都唔知好你幾多。又攞秋仔嚟撻我，趟着也中槍，唯有乖乖回應話：不如咁啦，我地就去Richard間吧飲嘢啦，妳話點？Amy再次開炮話：妳就想喇，又想搵我過橋搵着數！好唔好意思呀？未待我開口Amy又再話：過兩條街有間清吧，夠靜又幾好坐，就咁啦。講完又一手推我背脊起行。

一夜狂歡

引用:

原帖由 一夜狂歡 於 2023-8-31 12:44 發表
阿姐今晚心情極壞，唔知受咗咩剌激，我變成出氣袋，的士上一改以往口若懸河表現，粒聲都冇，好快到咗灣仔道，例牌又係我科水，Amy介紹嘅係一間地痞細舖，冇裝修兼老闆兩公婆冇厘聲氣愛理不理，叫咗兩碗及第粥、炸兩同蝦腸，衰鬼味道又真 ...

真係好近，唔使五分鐘已經行到，間吧有兩個舖面開間，入面幾深下，Amy入到去周圍望，大概睇下有冇人識得，然後揀咗個角落頭位一齊坐低，可能係啱啱食完啲油器食品好口渴，大家啤啤佢啦，於是叫咗半打啤酒，打量咗Amy一陣，先至發覺佢冇換到衫，set 埋頭一身行政look，同平日唔同，正經咗好多，少咗casual look 嘅邪氣同野性，未開口講嘢啤酒已經送到，大家搶住隊晒第一支，我話：正話間嘢啲味精都好重手，頸渴到死。Amy認同話：係呀今晚都唔知搞乜鬼，好鬼死頸渴。Amy隊啤隊到成口泡，習慣性地伸條脷出嚟，將咀唇周邊啲泡慢慢舔番入口，呢下震撼性動作令我打咗個冷震，下面即時硬晒，Amy伸前個頭問我：你做乜嘢呀？眼甘甘望住人，唔識我呀？我笑住話：妳咁靚女，梗係要望多兩眼啦。Amy有啲開心話：把鬼，第一次見我呀？係咪喺度諗埋啲衰嘢呢？我反問話：如果我話唔係，咁你信唔信呀？Amy即時隊高中指，細細聲向我話：吊你呀！我不甘示弱話：嚟呀！怕妳呀！睇下邊個投降先。Amy搶白話：再講打柒你吖嗱，死仔包。嘩Amy今晚唔係點玩得，都係到此為止。
：

一夜狂歡

引用:

原帖由 一夜狂歡 於 2023-9-2 11:44 發表
真係好近，唔使五分鐘已經行到，間吧有兩個舖面開間，入面幾深下，Amy入到去周圍望，大概睇下有冇人識得，然後揀咗個角落頭位一齊坐低，可能係啱啱食完啲油器食品好口渴，大家啤啤佢啦，於是叫咗半打啤酒，打量咗Amy一陣，先至發覺佢冇換到 ...

耍完一輪開始言歸正傳，我問：妳今次好似好認真咁喎，有咩可以幫到妳咁呀茵茵姐？Amy灌兩啖酒話：其實好簡單啫，你幫我call 秋仔，叫佢俾電話我，話我有事搵佢。吓唔係掛，我問：就咁簡單咋！我仲以為有咩緊要嘢想搵我添。Amy有啲動氣話：咪就係咁簡單囉，根本唔使約我出嚟嘥我時間，做嘢攰L到死仲要應酬你，你安樂啦。我賠笑臉道：唔係嘅，妳有事我梗要幫忙㗎，順便出嚟見下妳面都好㗎，保持番啲友誼先得嘅，講真去完台灣之後，妳會有幾何主動搵我先得㗎，仲唔把握機會咩。Amy 話：係哦呵！搵籍口，慳啲啦你。我又問：好奇怪，妳都有秋仔電話啦，點解唔直接打去搵佢，要經我咁轉接呢？Amy答話：問咁多做咩？總之我唔想主動搵佢，要佢主動搵我先得，咁你幫唔幫呀？阿姐叫到我話：幫點敢唔幫呀？想冇friend做咩，其實我同條縮骨友唔係咁friend㗎昨。Amy話：我理得你哋有幾friend啫，我開到聲佢敢唔搵我？

一夜狂歡

引用:

原帖由 一夜狂歡 於 2023-9-8 13:29 發表
耍完一輪開始言歸正傳，我問：妳今次好似好認真咁喎，有咩可以幫到妳咁呀茵茵姐？Amy灌兩啖酒話：其實好簡單啫，你幫我call 秋仔，叫佢俾電話我，話我有事搵佢。吓唔係掛，我問：就咁簡單咋！我仲以為有咩緊要嘢想搵我添。Amy有啲動氣話：咪 ...

自從嗰次俾Amy揭發咗秋仔喺背後繼續用侮辱性說話鬧佢之後，秋仔嚇到鼻哥窿都冇肉，從此對Amy必恭必敬，變成佢隻兵不敢放肆，兩條友以前好似貼錯門神咁，每次見面都面左左，講嘢針鋒相對，正所謂不打不相識，偶然一次吹頭機會，令佢兩個冰釋前嫌，有傾有講friend起上嚟，真係始料不及，條衰仔仲好似鍾意起Amy上嚟添，當我講到Amy同條仔晚晚戰況激烈，玩到滿床精液，仲掟到成地避孕套，條友心有戚戚焉，表情落漠鬼咁唔開心，梗係！鍾意嗰個女仔晩晚同人扑嘢扑到咁開心，個男仔係幾咁難過先得㗎，我問Amy:茵茵，可唔可以講俾我知妳咩事搵秋仔？佢俾妳條仔打到口腫面腫，都唔知好番晒未，睇怕冇咩幫到妳個噃。Amy話：咁多事做乜，你同我定，總之佢唔係癱咗就得㗎嘞。講講下Amy打晒喊路，佢話：唔得嘞！好L攰呀！不如早啲走，聽朝仲仲要走去見客，你去埋單。

一夜狂歡

引用:

原帖由 一夜狂歡 於 2023-9-11 02:38 發表
自從嗰次俾Amy揭發咗秋仔喺背後繼續用侮辱性說話鬧佢之後，秋仔嚇到鼻哥窿都冇肉，從此對Amy必恭必敬，變成佢隻兵不敢放肆，兩條友以前好似貼錯門神咁，每次見面都面左左，講嘢針鋒相對，正所謂不打不相識，偶然一次吹頭機會，令佢兩個 ...

開嚟三舊半四舊有找，阿姐今晚叫做手鬆，成半夜兩點幾，例牌又係打的返美孚，使多兩三舊走唔甩，成晚消夜連落吧飲嘢加埋交通費，盛惠一千大元有找，依家約Amy 去街一千蚊幾乎係最低消費，有時唔止，加多倍都有，為乜呢？做女朋友？冇希望！做炮友? 更加係諗都唔使諗，無端端做咗佢隻兵，真係欏嚟賤！好快上咗部的士過海向美孚進發，又係例牌夜晚黑媽媽加埋Amy攰到死，欏番小小福利冇走雞，於是一手叠住佢膊頭，等佢順勢挨埋嚟覺覺豬，咁今晚就一定值回票價啦，點知事與願違，今晚唔work 噃，Amy一手将我fing 開，然後撟埋雙手瞓覺，你同我定，茵茵妹攰到扒街再俾架車熬兩熬，你驚佢唔自動挨埋嚟？果然不出所料，條女好快瞓着，我攤開隻手等佢自動波挨落嚟，咁就軟玉溫香抱滿懷矣，過足晒癮冇得頂，老二亦都順理成章成個扯起晒，你話如果Amy姐肯出手助我一臂之力嘅話，我標到上車頂係絕無疑問。

一夜狂歡

引用:

原帖由 一夜狂歡 於 2023-9-12 18:40 發表
開嚟三舊半四舊有找，阿姐今晚叫做手鬆，成半夜兩點幾，例牌又係打的返美孚，使多兩三舊走唔甩，成晚消夜連落吧飲嘢加埋交通費，盛惠一千大元有找，依家約Amy 去街一千蚊幾乎係最低消費，有時唔止，加多倍都有，為乜呢？做女朋友？冇希望！做炮 ...

諗吓啲開心嘢連自己都瞓着埋，懞懞鬆鬆間有人嗌：喂阿哥，到美孚喇，起身喇，原來的哥嗌緊我地，睡眼惺忪之間Amy見到我攬住佢，即刻扎醒嘈住話：做咩攬住人呀，幾時話過俾你攬㗎？我借題發揮話：冇喎！我冇郁過手喎，係妳自己挨埋嚟咋。Amy再反駁話：仲话冇，我挨埋嚟你隻手會抱實我㗎？搏晒懵。的哥有啲不耐煩話：俾咗錢先啦，落車慢慢再傾啦。Amy即時話：俾錢啦柒頭，阻住人地做生意呀。盛惠兩舊，呢次Amy嬲得滯連手仔都唔准拖，我只有旁實佢行百老匯街返屋企，到咗閘口我再問Amy: 到底妳咩事要搵秋仔，仲好似好急咁喎。Amy俾我问正亮點，反而肯企喺度講：仲好講，喺我去台灣嗰陣，公司起兵變呀，我組幾隻fit馬俾人成功遊說拉隊走人，仲拉走一批大客，再積落大把孤兒單等我處理，做到嘢嘅人唔多，新人完全搞唔掂，得罪人多稱呼人少，再咁落去我都冇定企，聞戰鼓而思良將，秋仔好啱我用，佢應該可以幫到手。有得玩仲唔玩咩，我話：咁妳錫啖我先啦，如果唔係我都唔知搵唔搵到佢㗎，Amy鼓起泡腮話：死仔包，要脅我呀。結果最後都係錫咗我一啖，然後開閘走人。

一夜狂歡

引用:

原帖由 一夜狂歡 於 2023-9-15 11:42 發表
諗吓啲開心嘢連自己都瞓着埋，懞懞鬆鬆間有人嗌：喂阿哥，到美孚喇，起身喇，原來的哥嗌緊我地，睡眼惺忪之間Amy見到我攬住佢，即刻扎醒嘈住話：做咩攬住人呀，幾時話過俾你攬㗎？我借題發揮話：冇喎！我冇郁過手喎，係妳自己挨埋嚟咋。Amy再反 ...

老實講點會想秋仔痴埋Amy度先得㗎，不過朋友有難梗要幫忙嘅，不過搞掂自己單嘢先，聽日有時間再搵秋仔，通宵巴有排等，搭的返歸算橫掂近，返到屋企已經成4點咁滯，按照計劃開行冷氣先得，最凍加最大風，仲係要全身赤祼，嘩頂你兜頭吹落嚟唔係嘢少，凍到牙關打震好很凍，掂喇咁吹法睇怕唔使一粒鐘已經變雪人，睇吓你話我詐病吖嗱，唔玩番你轉頭先奇，凍到好難瞓得着，死頂到最後勉強𦕲着一陣已經要起身，嘩口水鼻涕一齊流，個頭仲赤到嘔，暈陀陀沾寒沾凍，發燒都冇走雞，成功第一步得咗，係辛苦啲，死頂都要，求祁食啲嘢帶番個口罩，帶住蹣跚步伐搭地鐵返公司，一路上又咳又呻鼻涕，面色蒼白，係人都怕咗我盡量避開，終於有個阿嬸忍唔住開口：喂先生！你病得咁緊要去睇醫生啦，地鐵咁多人好容易傳染人㗎。我唯有扮嘢解釋話：唉唔好意思呀，依家搵食艱難，我老细冇人情講，話病都要返，唔係就豉椒炒魷。阿嬸好正義話：乜鬼老細嚟架，病成咁都要人返工嘅，東家唔打打西家好過啦。之後有人起哄，一啲話同情我，有啲就話我好鬼自私，快啲落車唔好傳染人，擾攘一番之後終於到咗銅鑼灣站。

一夜狂歡

引用:

原帖由 一夜狂歡 於 2023-9-19 17:34 發表
老實講點會想秋仔痴埋Amy度先得㗎，不過朋友有難梗要幫忙嘅，不過搞掂自己單嘢先，聽日有時間再搵秋仔，通宵巴有排等，搭的返歸算橫掂近，返到屋企已經成4點咁滯，按照計劃開行冷氣先得，最凍加最大風，仲係要全身赤祼，嘩頂你兜頭吹落嚟 ...

原來帶病返工真係好很辛苦，車廂入面逼到隻狗咁，仲係要帶住口罩連呼吸都有困難，再加上不停俾人單打，真係夠你受，行到返馬師道公司大廈𨋢口等𨋢，大把人喺度等，到輪到我入𨋢嘞，發覺非常礼讓，冇乜幾個人同我爭𨋢，嘩世界變！梗係！見你個樣病成咁，不停咳又鼻涕又乞嗤，係人都怕咗你啦，寧願等耐啲都費事同你一部𨋢，成功返到公司一入門口，Reception姐姐見到我即刻話：林仔你返嚟嗱，嘩你好病喎，喂唔該唔好企咁近，你老細發晒火喇，快啲入去受靶啦。死女包寸我！入到辦公室，靚女同事見到我又話：林仔哥你返嚟嗱，好多謝你呀琴日。佢一路講我一路咳猛呻鼻涕，靚女嚇到揞住個口同我話：林仔哥你冇嘢吖嘛？真係好病喎。我咋帝發火話：你鋪話法病都有假㗎，你估我想病㗎，唔信嘅話我除口罩，你過嚟咀啖我啦好冇？靚女嚇到耍手擰頭話：哎呀唔好呀唔好呀，我驚呀。講兩講房入面傳來一把粗魯聲，佢下命令話：係咪林仔返咗嚟呀！快啲叫佢入嚟搵我。靚女殊一聲同我講：老細今朝發晒火，唔知係咪琴日單嘢？你快啲入去啦。