一夜狂歡

引用:

原帖由 一夜狂歡 於 2023-9-20 13:02 發表
原來帶病返工真係好很辛苦，車廂入面逼到隻狗咁，仲係要帶住口罩連呼吸都有困難，再加上不停俾人單打，真係夠你受，行到返馬師道公司大廈𨋢口等𨋢，大把人喺度等，到輪到我入𨋢嘞，發覺非常礼讓，冇乜幾個人同我爭𨋢，嘩世界變！梗係！見你個 ...

放心我有備而來，唔驚你發爛渣嘅，入房前醒目掟走口罩先，入到去但見條友玄壇咁嘅面，用指責口氣話：林仔你有冇搞錯…..。未等佢講完我第一時間坐低，將個頭伸到前一前同佢講：早晨呀陳生！咳咳咳咳！又打乞嗤再狂呻鼻涕，條友驚一驚問：喂你咩事呀？好唔妥喎，咁都返工？我當然發揮病嘅威力啦，不停咳住話：陳生你唔係懷疑我詐病嘅咩！咳咳！我琴日感冒發燒到依家都未好番，仲好似嚴重咗，我一路講一路伸到個頭越嚟越前，再話：呢樣嘢可大可小喎，你懷疑我詐病曠職喎，咁我梗係要驗明正身先得㗎，你估病係好玩㗎。講完再對到條友正一正狂咳一輪，條友驚到係咁縮，揞住紙巾惺惺作態話：你唔好誤會我唔係咁意思，我只不過係關心同事咁解啫，你係我下屬，你病我都唔安樂㗎。吊你啦假成咁，面皮幾丈厚，講到呢度條友先至恍然大悟，即刻話：你做咩唔戴口罩呀？想傳染人呀？我心諗我梗係想傳染你啦pk, 益你呀。我扮嘢話：先前有㗎，不過呻鼻涕呻濕晒揼咗，我又冇士啤。條友好緊張問靚女有冇口罩，靚女話冇之後再call人話：喂你嗰邊有冇口罩，快啲欏幾個過嚟。好快有同事攞咗口罩過嚟，原來得一個咁多，條友質問話：得一個咁多？你哋平時唔準備多啲㗎？同事有啲唔順話：係得咁多咋，一向都係咁架啦，好少會用到。條友悻悻然接過口罩，然後叫走個同事。

一夜狂歡

引用:

原帖由 一夜狂歡 於 2023-9-26 12:00 發表
放心我有備而來，唔驚你發爛渣嘅，入房前醒目掟走口罩先，入到去但見條友玄壇咁嘅面，用指責口氣話：林仔你有冇搞錯…..。未等佢講完我第一時間坐低，將個頭伸到前一前同佢講：早晨呀陳生！咳咳咳咳！又打乞嗤再狂呻鼻涕，條友驚一驚問：喂 ...

估唔到有啲人可以自私成咁，正常淨番個口罩嘅話，梗係俾病人用啦喺咪，但係條pk竟然自己戴上，我嘗試質問佢話：陳生個口罩唔係俾我嘅咩，我依家病緊喎。條友理直氣壯話：梗係我用啦仲駛講，唔通俾你傳染呀。我再質問話：你戴咗只係你一個唔俾我傳染，但我可以傳染其他同事，但如果我戴嘅話，個個都唔會俾我傳染，包括你在內。唔知真定假，條友似乎sense 到啲嘢，即刻改口風玩9我話：係喎！差啲唔記得病嗰個係你添，嗱俾番個口罩你戴嘞。仆街口臭成咁俾我戴？我抗拒話：陳生你戴過個喎，有口水又有口氣，點戴呀？條pk笑笑口話：放心喎！我冇病又冇口氣，你唔駛驚喎。咪講笑，戴你二手口罩？仲慘過食屎呀，我係咁耍手擰頭，條友食住上話：嗱咪怨我唔幫你呀，係你唔接受咋，到時有人俾你傳染到係你冇公德心咋。果然係老江湖，硬食咗佢一記悶棍。

一夜狂歡

引用:

原帖由 一夜狂歡 於 2023-10-4 22:23 發表
估唔到有啲人可以自私成咁，正常淨番個口罩嘅話，梗係俾病人用啦喺咪，但係條pk竟然自己戴上，我嘗試質問佢話：陳生個口罩唔係俾我嘅咩，我依家病緊喎。條友理直氣壯話：梗係我用啦仲駛講，唔通俾你傳染呀。我再質問話：你戴咗只係你一 ...

條友以為自己好醒，順理成章戴返個口罩，其實已經中咗招都未定，一輪對拆之後開始嚟料，佢頓起個款話：唔好再同我講無謂嘢，阿林仔哥！請問邊位受權你可以俾折頭阿張太㗎，仲利息計低八分一添，到底邊個係老細呀？你定我呀？你只不過係一個小職員，未問過我自把自為越晒權，要我幫你揹飛？知唔知好大罪㗎，有損失邊個負責呀？係咪搏炒呀？一輪機關槍掃過嚟，我好驚呀！睇吓我點駁你：阿陳生你言重喇，我承認我係越咗權，不過我係為公司亦係為咗你㗎咋。輕挑浮燥唔再掩飾嘅陳生話：為咗我？講笑唔好講到自己咁偉大啦，我幾時要你幫呀！你依家自身難保，唔好旨意我幫你揹飛。我定過枱油話：陳生你知唔知我琴日幫你搞掂咗張太呀？如果唔係你會好大鑊㗎。條友仲未識死話：張太？咪講笑啦！啲生意細到唔細，你仲夠胆越權俾咁多着數佢，係咪私相授受咁呀？嘩你老味，即係話我貪污啫，我隨即反駁話：陳生，嘢可以亂食說話唔可以亂講喎，你即係話我貪污啫，你知唔知我救咗你呀，你隨時玩完呀。條仆街，唔怪之得張太話要吊爆你。

一夜狂歡

引用:

原帖由 一夜狂歡 於 2023-10-7 21:33 發表
條友以為自己好醒，順理成章戴返個口罩，其實已經中咗招都未定，一輪對拆之後開始嚟料，佢頓起個款話：唔好再同我講無謂嘢，阿林仔哥！請問邊位受權你可以俾折頭阿張太㗎，仲利息計低八分一添，到底邊個係老細呀？你定我呀？你只不過係一個 ...

我再問Pk陳：陳生你到底知唔知張太係咩人呀？佢毫不在乎話：佢講來講去都係一個細到唔細嘅魚毛客，根本唔值得花咁多時間喺呢啲人身上面，花時間開拓多啲大客好過啦。聽佢口氣似乎前任梁生冇同佢講過張太啲嘢，咁真係大整蠱，可能佢同梁生有啲過節都未定，梗係啦，樣衰口賤係人都唔妥你啦，胸有成竹嘅我話：咁你就有所不知喇，張太生意额係細咗少少，但係佢係一個好有潛質嘅大客嚟㗎，只不過佢係將生意分開幾間做，如果可以拉埋其他生意過檔嚟我哋公司，生意一定唔細會大好多。Pk陳仍然好整以暇話：講就易，點拉呀？逐件拉呀？有冇咁多人手同時間呀？公司請着呢啲仆街真係前世唔修，不負責任又懶到出汁，我嘗試嚇佢話：陳生你真係唔知張太係乜嘢人，張太淨係自己喺油麻地同旺角已經有成十幾間街舖收緊租，每年租金收入起碼過億，個人身家有成十幾廿億走唔甩，佢老公係開建築公司嘅，兩公婆總資產分分鐘過百億唔出奇。當條友聽到過百億三個字之後，差啲成個跌咗落地咁滯。

一夜狂歡

引用:

原帖由 一夜狂歡 於 2023-10-9 23:18 發表
我再問Pk陳：陳生你到底知唔知張太係咩人呀？佢毫不在乎話：佢講來講去都係一個細到唔細嘅魚毛客，根本唔值得花咁多時間喺呢啲人身上面，花時間開拓多啲大客好過啦。聽佢口氣似乎前任梁生冇同佢講過張太啲嘢，咁真係大整蠱，可能佢 ...

Pk陳終於放低傲慢，好認真咁問：張太咁把炮？你講真定講假，點解我一啲都唔知㗎？大把嘢你都唔知啦懵炳，我答話：以前跟開梁生先知道張太咁多嘢，有時梁生放假張太都會搵我。Pk陳深深不忿話，死老梁咁大個客都唔單聲，簡直靠害，咁到底仲有幾多隱藏大客未蒲頭架？知都唔同你講啦，等你繼續揩嘢都好，更何況我真係唔知，我理所當然話：咁我真係唔知咁多喎，所有嘢都係梁生一個人擸晒嚟做。我嚇佢話：不過琴日張太真係好嬲，話你哋十問九不知，仲話你陳生態度惡劣，可能當佢細客睇唔起佢，不停帶佢遊花園。仲話要吊9你添，不過呢句野唔講得，我再嚇佢話：張太嬲到話要向總公司投訴你，佢問埋你全名咩職位。嚟到呢度老陳開始腳軟，個寸樣完全冇晒，我兜番話：不過好彩靚姐姐醒目，即刻急call我救駕，見張太勢兇夾狼嘈到拆天，咁我唯有硬着頭皮自己揸主意俾番足折扣佢，再幫你講番啲好話囉，好彩佢後尾條氣叫做順番啲唔再追究，如果唔係後果真係不堪設想，睇怕陳生你都有排解釋，呢鋪實揩到應一應，果然Pk陳真係聽到抹汗咁滯。

一夜狂歡

引用:

原帖由 一夜狂歡 於 2023-10-14 22:58 發表
Pk陳終於放低傲慢，好認真咁問：張太咁把炮？你講真定講假，點解我一啲都唔知㗎？大把嘢你都唔知啦懵炳，我答話：以前跟開梁生先知道張太咁多嘢，有時梁生放假張太都會搵我。Pk陳深深不忿話，死老梁咁大個客都唔單聲，簡直靠害，咁到底仲有 ...

我再強調話：你最好多謝阿靚姐姐，好彩佢臨危不亂，識得急call我幫手，佢話你係咁隊阿張太俾佢應付，靚姐咁嫩口又唔熟業務，點搞得掂張太咁強勢先得㗎，條死友粒聲唔出當聽唔到，沉默咗一陣先開聲話：你俾張太個電話我，我想同佢搞番好啲關係，睇吓可唔可以拉多啲生意過嚟。死友對唔住都冇一聲，靚姐跟着你真係仆街。佢又話：你病仲未好，晏晝唔好返喇，放你半日假返屋企休息啦，聽日先返工啦。哈條死友阿崩養狗轉性，對我咁好？梗係！冇我你瓜得啦，短期內佢仲要靠我欏料，我個位仲係安全嘅，求祁多謝一聲之後，第一時間鬆人，出到去見到靚姐笑咪咪，越睇越靚，我問：點呀？幾時請我食飯先？靚女話：你仲病緊喎點請呀？不如遲啲先啦。死女包忘恩負義，我寸佢話：唔好咁冇義氣啦，過兩日我就好㗎啦，不如就呢個星期五放工之後啦好冇？靚女諗咗一陣語氣有啲勉強話：好啦就咁啦，多謝你係啱嘅。算妳識做，我又問：有冇諗過請我食乜嘢呀？靚女唔知講真講假話：好易啫！就樓下茶記常餐或者碟頭飯搞掂。死女包咁求祁？我寸佢話：咁馬夫㗎！驚我食咗你咩？靚女突然之間彈咗句：係咩？你食到先算啦！

一夜狂歡

引用:

原帖由 一夜狂歡 於 2023-10-16 13:23 發表
我再強調話：你最好多謝阿靚姐姐，好彩佢臨危不亂，識得急call我幫手，佢話你係咁隊阿張太俾佢應付，靚姐咁嫩口又唔熟業務，點搞得掂張太咁強勢先得㗎，條死友粒聲唔出當聽唔到，沉默咗一陣先開聲話：你俾張太個電話我，我想同佢搞番好啲 ...

同靚女講聲拜拜準備離開公司，靚女話：林仔哥！你好似好番好多咁喎，冇乜點咳咯喎。係喎唔講唔覺，同Pk陳週旋一輪反而好咗，真係！頭都冇咁赤，咁呢半日happy好多喇，落到街發覺好肚餓、於是就喺附近茶記整番個常餐當晏晝，食飽先醒起點解唔約Amy呢？佢就係附近返工，於是嘗試打俾佢睇吓點，點知劈頭一句話：你又想點呀？日日都好似冤鬼纏身咁冤住晒。我話：冇，下晝唔使返工，諗住約妳食晏啫。Amy寸咀話：你就得閒我呀忙L到抽筋，搵咗秋仔未呀？快L啲啦，我等人用呀。我駁佢話：邊有咁快呀，啱啱琴晚先至講完，陣間我會搵佢。Amy心情有啲煩燥話：我唔理咁多，總之盡快叫佢call我。我嘗試玩佢話：幫妳搵到佢嘅話，有咩獎賞先？死女包話：有！下次見到你咪吊少你一次囉，仲有呀，冇咩唔好搵我呀，我好L忙呀。死八妹寸到爆，早知唔鬼好搵佢。

一夜狂歡

引用:

原帖由 一夜狂歡 於 2023-10-17 17:30 發表
同靚女講聲拜拜準備離開公司，靚女話：林仔哥！你好似好番好多咁喎，冇乜點咳咯喎。係喎唔講唔覺，同Pk陳週旋一輪反而好咗，真係！頭都冇咁赤，咁呢半日happy好多喇，落到街發覺好肚餓、於是就喺附近茶記整番個常餐當晏晝，食飽先醒起點 ...

俾Amy窒完一輪我再問：妳依家喺公司喎，句句都爆粗嘅，妳唔怕俾人聽到呀？燥動嘅Amy話：癡L線！我自己有房㗎，高級職員嚟㗎，鍾意點講就點講囉，點似得你啲散仔要坐大房先得㗎。駛唔駛踩到咁盡呀？差啲想鬧佢死八婆，最後我有少少質問話：咁妳出唔出嚟食晏先？我請喎。火氣旺盛嘅Amy再一次爆粗話：吖吊你你聾㗎？我都話咗我好L忙呀，要食就食自己啦，駛L你請呀憨9。死女包講完即刻cut我線，唉超级冇㽼，鬧足全程，冇法啦唯有返歸啦，都好橫掂仲有少少唔舒服，返屋企唞下都好，路上一路諗，Amy咁燥火連晏都唔食，係咪真係承受好大工作壓力呢？爆粗爆得咁勁可能想釋放下自己都未必定，算啦原諒下佢啦，咁心急搵阿秋仔可能係有啲原因嘅，一場朋友都要幫下佢㗎，都係嗱嗱聲打電話俾秋仔先。

一夜狂歡

引用:

原帖由 一夜狂歡 於 2023-10-19 11:22 發表
俾Amy窒完一輪我再問：妳依家喺公司喎，句句都爆粗嘅，妳唔怕俾人聽到呀？燥動嘅Amy話：癡L線！我自己有房㗎，高級職員嚟㗎，鍾意點講就點講囉，點似得你啲散仔要坐大房先得㗎。駛唔駛踩到咁盡呀？差啲想鬧佢死八婆，最後我有少少質問話：咁 ...

返到屋企洗番個面然後第一時間打俾秋仔，冇人聽喎，咁食番粒感冒藥瞓番個晏覺先啦，遲啲再打，唔知係咪俾Amy鬧得勁得滯，竟然發咗個惡夢扎醒咗，睇吓個鐘原來都瞓咗成三粒鐘，人再精神番啲，乜都唔好做住打俾秋仔先，呢次佢聽嘞反應係：吊你老味依家先打嚟，又話上我嗰度人影都唔見，等你開飯咪餓死都未天光？跟住一輪炒蝦拆蟹唔停口，啱嘅，等你發洩完再講都未遲，最後我講咗句：Amy 搵你喎！條友當堂嚇到收晒聲，成個好似觸咗電靜晒，隔咗幾秒先至口震震話：你你你講真定講假？真係搵我？幾幾幾時同你講㗎？我答話：就呢兩日囉，好似搵得你好急咁喎。條友聽完好似失常咁話：你癡L線呀！點解唔早啲同我講呀？佢可能有緊要事搵我呀！Amy妳唔好有事呀。條友緊張成咁真係嚇親我，之後定番啲落嚟再問：佢有我電話個喎，點解唔直接搵我啫，等我可以早啲幫佢吖嘛。我答話：佢呀擺晒姿態扮晒嘢，唔肯直接搵你，call我要你做主動俾電話佢呀！飛屎問題呀！超低能。彈條女兩句啫，秋仔竟然大動干火話：主動搵佢係我心甘命抵嘅，警告你唔好再抵毀Amy呀！否則同你唔客氣㗎。嘩咩事呀？發花癲呀？我未及回應條友已經冚我電話。

[ 本帖最後由 一夜狂歡 於 2023-10-20 13:50 編輯 ]

一夜狂歡

引用:

原帖由 一夜狂歡 於 2023-10-20 12:52 發表
返到屋企洗番個面然後第一時間打俾秋仔，冇人聽喎，咁食番粒感冒藥瞓番個晏覺先啦，遲啲再打，唔知係咪俾Amy鬧得勁得滯，竟然發咗個惡夢扎醒咗，睇吓個鐘原來都瞓咗成三粒鐘，人再精神番啲，乜都唔好做住打俾秋仔先，呢次佢聽嘞反應係： ...

睇秋仔個儍相，呢次的確嚟真，單方面墮入愛河，咁即係變咗我嘅對手？好彩Amy從來冇對佢有任何表示，代表我仲有一線生機，原本秋仔已經係死症，Amy公司變動反而提供咗機會俾佢接近Amy，依家要䏲Amy嘅態度，佢條仔色慾男角色似有若無，唔知佢哋分咗手未，秋仔溝女一向好有心得，成日無事獻殷勤，可謂技勝一籌，反而最弱嗰個係我，俾Amy彈多過讃，真係未許樂觀，自己知自己事，我唔敢有咩苛求，但求得閒同佢拍下散拖，抽下佢水，咁已經心滿意足㗎喇，佢咁飲得，借酒都未能行兇，同佢上床嘅機會係微乎其微，平日又話留藥又話留精，只不過係自己安慰自己而已，Amy姐有樣好處，貌似豪放不羈，鍾意同男仔玩埋一齊又講咸嘢，其實有九成時間係忠於自己條仔，只有一成係留俾對佢有特別吸引力嘅人，好似Richard嗰啲，但人生入面有幾何有Richard 咁嘅人出現先得㗎？或者咁佢同你分手，於是就會對下一個男人負責，咁佢可以拍到幾多次拖就另計，Amy姐樣靚身材正，裙下逐鹿之臣一定大不乏人，冇拖拍難過有拖拍。