一夜狂歡

引用:

原帖由 一夜狂歡 於 2024-1-7 17:35 發表
拜拜之後冇人肯再落搭，最衰自己口才唔好，經常得罪女多稱呼女少，最終衰收尾，好似公司新嚟靚姐，無喇喇都會得罪人俾人吊埋老母，你話死唔死？有幾多個會好似茵茵姐咁大方先得㗎，玩極都唔嬲嘅，但係話時話，茵茵姐外表豪放但內裏保守，點 ...

心情非常惡劣早餐都冇心機食，趕完一輪地鐵終於到咗公司，門口Recept 阿姐同我講：喂你老闆返咗嚟喎，唔使鼓埋泡腮係嘛，嬲咗成村人呀？我有啲㷫話：你唔出聲冇人話你啞㗎！埋位做嘢啦。阿姐俾我辣㷫咗反寸我話：林仔你食咗屎呀？口臭成咁嘅，係咪琴晚溝女唔成今日搵我嚟出氣呀？本來想鬧佢八婆，但心諗陣間仲要應付老陳，於是忍住道氣直接入房費事啋佢，入到去只見靚姐老神在在坐喺度，自顧自輕描淡寫咁劃緊眼眉，眼尾都唔望下我，態度都好寸下，我走埋去同佢講：多謝你琴晚餐飯，唔使兩舊水咁多，有找65蚊俾番你，靚姐望都唔望我一眼話：唔駛找，你自己袋埋。我回應話：唔得嘅，數還數，個餐連凍飲135蚊，你又冇嗌嘢，所以要俾番你。姐仔開始拎個頭過嚟望住我話：話咗請你就請你啦，唔係我連兩舊都請你唔起係嘛，男人老狗咁婆媽都有嘅，叫你收就收啦講咁多嘢。嘩今日咩事呀？啲女人食咗火藥呀？個個都寸過碼頭咕哩嘅。

一夜狂歡

引用:

原帖由 一夜狂歡 於 2024-1-8 21:23 發表
心情非常惡劣早餐都冇心機食，趕完一輪地鐵終於到咗公司，門口Recept 阿姐同我講：喂你老闆返咗嚟喎，唔使鼓埋泡腮係嘛，嬲咗成村人呀？我有啲㷫話：你唔出聲冇人話你啞㗎！埋位做嘢啦。阿姐俾我辣㷫咗反寸我話：林仔你食咗屎呀？口臭成 ...

講多兩講房入面老陳大聲問話：係咪林仔返咗呀？快啲叫佢入嚟。嘩佢老味聲大大唔係幾好老脾咁喎，唉我都驚驚地，靚姐乘幾寸我話：死囉傳染老細吖嗱，呢次實俾人吊多過乜。我心諗係傳染你呀咁點吖，炒我吖笨！入到房都仲未開口，情勢有着一百八十度轉變，老陳非但冇惡言相向，仲好積極咁話：林仔快啲埋嚟坐低，我有嘢同你商量。正想循例開口向佢講聲對唔住，點知佢話：其他嘢唔好講住，講番啲正經嘢先。奇就奇在老陳狀態好好喎，一啲都唔似病過喎，佢話：話你知我琴日搵咗張太，成功冧掂咗佢，佢依家條氣順番好多，我仲約咗佢下星期出嚟飲茶，到時你同姐仔都要做陪客，順便幫我認下人，好似得你一個見過張太，另外借機向佢謝罪講聲對唔住咁啦。我問：陳生你唔係病咗嘅咩，仲有心機搵張太嘅，你唔驚佢發啷禮呀？老陳話：就係呢單野搞到我病上加病呀，一日唔搞掂佢，令我食唔安瞓唔落，有排煩呀，講番轉頭，好彩你嗰日肯捱義氣，病都幫我地撈番張太，冇人識佢冇人招呼佢，仲冇晒折扣，實聽仆街，我呢個位都唔慌坐得耐，所以要向你講聲多謝。

一夜狂歡

引用:

原帖由 一夜狂歡 於 2024-1-10 18:14 發表
講多兩講房入面老陳大聲問話：係咪林仔返咗呀？快啲叫佢入嚟。嘩佢老味聲大大唔係幾好老脾咁喎，唉我都驚驚地，靚姐乘幾寸我話：死囉傳染老細吖嗱，呢次實俾人吊多過乜。我心諗係傳染你呀咁點吖，炒我吖笨！入到房都仲未開口，情勢有着 ...

阿崩養狗轉性？老陳咁客氣搞到我有啲唔係好慣，我問佢：你冇乜嘢啦嘛！好番啲未呀？老陳好醒神咁話：你睇我，鬼打都冇咁精神，張太單嘢搞掂一天都光晒，乜病都好番晒啦。佢繼續話：其實張太為人直腸直肚，廢話唔多唔難應付，就住嚟湊好易話為，等我同佢建立咗良好關係，遲啲生意真係唔憂做。咁有信心？我問：張太為人幾燥底下，你搞得掂㗎嗱？老陳揞住半邊咀話：細細聲話你知呀，同佢傾開感覺佢有啲風塵味，可能以前歡場出身都未定，可能冧掂咗個大客，上番岸都未定。真定假？唔怪之得咁大波啦，我再問：出嚟撈嗰啲，你應付得掂㗎嗱？老陳滿有信心話：你鋪話法！你呀哥我出嚟捞咗咁多年，咩人未見過？我真心話：陳生你嗰日衰咗，電話入面張太炳到你上天花板，我都驚咗佢。老陳搖頭話：就係衰咗嗰鑊，唔知佢乜嘢底細吖嘛，以後唔會㗎喇放心。老陳又話：喂！聽張太語氣佢幾睇你，叫我唔好難委你喎，唔通𥄫中咗你，有啲路數咁喎。我即時澄清話：冇啲咁嘅事，我叫做幫到下手，你唔好亂講。老陳笑騎騎話：同你講笑㗎昨，睇你都唔似啦。

一夜狂歡

引用:

原帖由 一夜狂歡 於 2024-1-12 09:56 發表
阿崩養狗轉性？老陳咁客氣搞到我有啲唔係好慣，我問佢：你冇乜嘢啦嘛！好番啲未呀？老陳好醒神咁話：你睇我，鬼打都冇咁精神，張太單嘢搞掂一天都光晒，乜病都好番晒啦。佢繼續話：其實張太為人直腸直肚，廢話唔多唔難應付，就住嚟湊好易話為 ...

老陳心情靚到爆晒燈，繼續滔滔不絕話：我睇中嘅係張太喺其他公司嘅生意，佢分散幾間嚟做其實都幾頭痕，成日都要打電話同人講數，不如游說佢搬晒過嚟，佢都唔使咁麻煩啦，額夠大仲可以攞多啲折扣，達到雙贏局面又何樂而不為呢？講就易，實得㗎？我話：明知麻煩都要分散嚟做係有原因嘅，張太好精明冇咁容易落搭㗎，而且會得罪好多行家嘅。老陳不以為然話：你太保守喇！所謂同行如敵國，你今日唔搶人唔代表人地唔會搶你喎，到時咪喊得一句句！商場如戰場，睇吓邊個出手快咁解啫，你同張太關係咁好，嗱！我哋兩兄弟拍住一齊上，無往而不利嘅。哈！張太咁大波，我都想同佢發生關係呀！傾到呢度，我嘗試試探老陳話：稱兄道弟？似乎早咗啲喎，你唔係對我好有成見嘅咩？老陳呷咗啖茶然後話：呢個要歸究我上一任老梁先得，我未嚟前佢打電話同我講，話你做嘢好唔負責任，又hea又偷懶，仲成日請病假 ,話以後任憑我處置喎，我信以為真，所以一直以嚟對你態度都唔係幾好。唔係嘛？梁生咁仆街都有嘅！

一夜狂歡

引用:

原帖由 一夜狂歡 於 2024-1-15 22:05 發表
老陳心情靚到爆晒燈，繼續滔滔不絕話：我睇中嘅係張太喺其他公司嘅生意，佢分散幾間嚟做其實都幾頭痕，成日都要打電話同人講數，不如游說佢搬晒過嚟，佢都唔使咁麻煩啦，額夠大仲可以攞多啲折扣，達到雙贏局面又何樂而不為呢？講就易，實 ...

一時之間接受唔到呢個事實，我充滿疑惑話：咁大整蠱！我同梁生一向都冇乜兩句，總之交得俾我就一定做掂佢為止，好少甩拖嘅。老陳一臉正經話：世途險惡呀細佬！人心難測，睇怕可能你幾時得罪咗老梁自己都唔知，所以初初我都好睇唔起你，先入為主硬係覺得你耍耍滾，但時間一耐咗，又唔覺得你差成咁喎，除咗前日病咗未請過一日病假，至於教靚妹做嘢就真係做足工夫冇乜遺留，你睇依家佢唔駛靠你已經可以自己一個搞掂晒，證明你有用心而且冇乜私心嘅，呢點我好欣賞，總之一句講晒，加多兩錢肉緊拉埋張太其他生意過嚟，咁公司裁員都唔關我地事，分分鐘仲要加人都似，你話係咪？表面上老陳語氣係好咗好多，但背後意思係如果張太啲生意擸唔過嚟嘅話，咁就各安天命喇，聽落都危危乎，你估實得㗎，容易嘅話老梁一早擸咗啦，仲留番俾你？以為講完走得，老陳拉住我話：問你樣私人嘢，你係咪想溝阿靚妹？聽完嚇咗我一跳，我怱忙解釋話：冇啲咁嘅事，邊個話你知㗎？老陳再話：係嘅話我都干涉唔到嘅，不過人地已經有條仔，唔係諗住同人抝手瓜係嘛，仲有仲有，靚妹前兩日投訴，話你成日喺佢面前講咸嘢，喂你駛唔駛咁喉擒呀！喺邊度食唔好喺邊度痾先得㗎，好彩佢同我講啫，同總公司講或者報警真係唔得掂，你洗定PayPal都得喇。

一夜狂歡

引用:

原帖由 一夜狂歡 於 2024-1-19 18:34 發表
一時之間接受唔到呢個事實，我充滿疑惑話：咁大整蠱！我同梁生一向都冇乜兩句，總之交得俾我就一定做掂佢為止，好少甩拖嘅。老陳一臉正經話：世途險惡呀細佬！人心難測，睇怕可能你幾時得罪咗老梁自己都唔知，所以初初我都好睇唔起你，先 ...

老陳繼續話：你唔好睇靚妹外表斯斯文文，小辣椒嚟㗎，千祈唔好得罪佢呀！如果唔係寸到你甩骹。我心諗已經領咗嘢啦，家陣句句都玩針對，老陳話：講咗好耐喇，你出番去做嘢啦。我有啲寸佢話：有咩做吖！有都俾靚妹擸晒啦。老陳有啲尷尬話：放心啦，張太生意一到，到時做都做唔切啦。簡直廢話，佢再話：不如咁，你幫我落星記買杯㗎啡要Mocha，買多杯俾自己入我數。點話點好啦，橫掂都冇嘢做，依家變咗做外傭，要服侍佢兩父女，我問靚姐：要唔要咖啡呀？順便幫你買埋吖。死靚妹反應係：唔好煩住晒啦，你唔見我好多嘢做咩，要嘅話自己然會叫你啦。吖死靚妹寸得交關，好心著雷劈，老馮幫你買㗎，信唔信我將你就地正法吖嗱，谷住道氣落到星記，頂你咩事呀？咁Q多人嘅，唯有照排囉，周圍𥄫睇吓有冇靚女先，望望下見到門口有條女入緊嚟，咦唔係Irene咩！我大聲叫住佢：Irene!Irene! 過嚟吖！一齊排吖。Irene微笑向住我行過嚟，佢問：乜咁啱呀，你會喺度嘅？意外興奮我話：好耐冇見，你依家點呀？Irene一如以往氣定神閑話：冇呀！新近轉咗工，喺附近做嘢，你呢？我答話：上次見妳嗰陣咪話搵緊工嘅，收尾搵到份喺附近嘅，都做咗一段日子喇。Irene客套回應話：哦！原來係咁。大家沉默咗一陣，可能好耐冇見，唔知講咩好，好想打破沉默，我八卦問Irene話：妳仲有冇同Peter一齊呀？似乎崩口人忌崩口碗，Irene面露不悅話：你問嚟做咩呀！關你咩事呀？

一夜狂歡

引用:

原帖由 一夜狂歡 於 2024-1-20 19:10 發表
老陳繼續話：你唔好睇靚妹外表斯斯文文，小辣椒嚟㗎，千祈唔好得罪佢呀！如果唔係寸到你甩骹。我心諗已經領咗嘢啦，家陣句句都玩針對，老陳話：講咗好耐喇，你出番去做嘢啦。我有啲寸佢話：有咩做吖！有都俾靚妹擸晒啦。老陳有啲尷尬話：放 ...

有啲開口𥄫着脷咁款，我收一收話：冇，見咁耐冇見，關心下你地咁解啫。講完Irene有啲㷫，佢話：乜嘢你哋我哋呀？我同Peter 分手咗好耐啦，依家只不過係普通朋友你都知㗎，問嚟都多餘。普通朋友？嘿嘿！明知故問嘅我話：冇，見咁耐冇見，關心下朋友咁解啫，依家妳仲有冇成日上佢studio幫手呀？聞studio Irene 面色大變，梗係！寧俾人知莫俾人見吖嘛，美其名話上Peter間studio幫手做嘢，做乜鬼嘢原來扑嘢至真，例牌個個星期報到，通常會喺週末下午到夜晚不定，office 變身炮房，貪佢周圍冇晒人玩乜都得，唔使就住就住，好唔好彩一次偶然機會俾我識破佢哋好事，一出𨋢已經聽到studio 內殺聲震天，兩個人玩到唔係你死就我亡咁嘅程度，梳化成為犧牲品，俾Irene坐到散晒咁滯，睇怕唔駛一個月已經甩皮甩骨，點樣用嚟招呼客人？兩條友唔拍拖純粹做愛玩樂，亦都唔係乜嘢善男信女，睇怕揸棍、夾腸、食蕉、口爆、顏射、瀨撻，坐蓮，狗仔、男上，中出乜都玩齊，至於後欄就真係問過Irene先知，不過佢肯答你先奇，一個唔好彩俾Irene發覺咗我偷裝佢哋做愛，結果俾佢吊到開花咁滯，之後一路冇聯絡，直到啱啱買咖啡先碰番面。

一夜狂歡

引用:

原帖由 一夜狂歡 於 2024-1-25 03:33 發表
有啲開口𥄫着脷咁款，我收一收話：冇，見咁耐冇見，關心下你地咁解啫。講完Irene有啲㷫，佢話：乜嘢你哋我哋呀？我同Peter 分手咗好耐啦，依家只不過係普通朋友你都知㗎，問嚟都多餘。普通朋友？嘿嘿！明知故問嘅我話：冇，見咁耐冇見，關心下朋 ...

又係嘅，不停糾纏於人地嘅私隱，你想知啫，唔代表人地想講㗎。Irene 非常冇癮，開始唔係好想啋我，好快輪到我哋，星記姐仔問：下一位！小姐想要啲乜嘢？Irene點咗杯cappuccino, 而我就點咗老陳杯Mocha, 我自己同Irene一樣，到俾錢嗰陣我話幫佢俾，Irene 反應係：我自己俾，唔駛你請。好快Irene杯咖啡出先唔等我就走人，我追上去問：乜咁快唔等埋我，幾時請你食飯敍下舊呀？Irene停一停回咗句：唔使客氣喇，你唔使搵我，我呢排唔得閒。講完急急腳拜拜都冇聲就走咗去，話雖如此，我仍然好有興趣去探索下佢地嘅近況，不如就星期六傍晚上Peter studio 看個究竟，滿足下自己偷窺嘅慾望，諗起都覺得興奮，好嘞，欏番兩杯咖啡返公司先，門口Recept阿姐又多口話：真係廿四孝阿哥，對佢哋兩父女可謂無微不至。費事啋佢直接入房，靚姐見咖啡一改先前語氣，佢話：好香呀！邊杯係我㗎？我愕一愕話：妳之前唔係話唔要嘅咩，點解突然改變主意，冇預妳喎。講完將杯Mocha俾咗老陳先，靚妹繼續糾纏話：我冇份㗎！唔制呀，之前我話唔要係客氣，唔想麻煩你咁解，唔代表我唔想要，依家你真係咁孤寒，連一杯㗎啡都唔肯請我飲，我唔制呀！死靚妹有心玩嘢，嘈到老陳出嚟問咩事。

一夜狂歡

引用:

原帖由 一夜狂歡 於 2024-1-28 01:32 發表
又係嘅，不停糾纏於人地嘅私隱，你想知啫，唔代表人地想講㗎。Irene 非常冇癮，開始唔係好想啋我，好快輪到我哋，星記姐仔問：下一位！小姐想要啲乜嘢？Irene點咗杯cappuccino, 而我就點咗老陳杯Mocha, 我自己同Irene一樣，到俾錢嗰陣我 ...

老陳行出嚟問：你地咩事咁嘈呀？阿妹你最大聲喎。靚妹搶住回答話：都係林仔囉，大細超孤寒到死，買咖啡淨係買你同佢自己嗰份，我啲低級職員就冇份嘅，淨識擦鞋。你老味打橫嚟講，真係火都嚟，我反駁話：喂妳唔好噏得就噏喎，之前我問過妳妳話唔要㗎嘛，點解依家變咗我唔幫妳買呀。衰女包繼續扮嘢話：我話唔要係我客氣，唔好意思麻煩你幫我做咁多嘢咁解，唔代表我唔想要，既然你都買開唔爭在買埋我嗰份啦，結果係一杯都冇，仲有呀！我琴晚先至請完佢食謝師宴，埋單佢仲有錢落袋未俾番我，幾廿蚊杯咖啡其實咪又係我自己俾番錢。死靚妹將我屈到應一應，仲做戲做全套，扮到想喊咁款，無啦啦我乜都冇做過，結果變成罪人，你話死未？喺我無從反駁之下，老陳最終裁決話：林仔你又係嘅，人哋靚妹仔嚟㗎嘛，始終係新人而且又咁幫得手，幾乎幫你做晒所有嘢一啲怨言都冇，好難得㗎，你要對人好啲就下人先得㗎，不如咁啦，林仔你依家落星記買多杯咖啡，叫做補番俾阿妹囉。講多無謂，大石擲死蟹，唯有照做囉，死靚妹得戚到不得了，臨尾死死地出去買咖啡行過佢隔離，佢竟然借啲意喺我耳邊細細聲話：唔順呀！吊我呀笨！跟住再大聲話：林仔哥唔該晒你呀，你真係好人！

一夜狂歡

引用:

原帖由 一夜狂歡 於 2024-2-1 09:45 發表
老陳行出嚟問：你地咩事咁嘈呀？阿妹你最大聲喎。靚妹搶住回答話：都係林仔囉，大細超孤寒到死，買咖啡淨係買你同佢自己嗰份，我啲低級職員就冇份嘅，淨識擦鞋。你老味打橫嚟講，真係火都嚟，我反駁話：喂妳唔好噏得就噏喎，之前我問過妳妳 ...

死靚妹將我玩到殘一殘，記得初嚟埗到純情玉女咁嘅款，諗住食下佢豆腐無相干，結果食出個禍，條女開始露出本來面目，原來蠱惑妹一名，Amy都係蠱惑妹又屈我錢，但係直來直往擺明車馬，而呢條靚妹就耍陰招，背後捅你兩刀都唔知發生咩事，唔容易應付，況且佢又係老陳親自帶嚟隻私家馬，梗係信佢啦唔通信你呀？呢排唯有盡量就住佢囉，避免引起正面衝突，費事自己蝕底，見步行步咁啦，再嚟做多次阿四，落星記再排過，近中午時份星記人多到嘔，又係排咗一輪先至買到杯咖啡，返到公司已經係食晏時間，死靚妹人影都唔見，早知唔Q幫佢買，食晏妳自己唔識買㗎！成個朝頭早淨係喺度買咖啡，乜鬼都冇做過，點解淪落成咁？谷氣得滯冇晒胃口，求祁落7仔買份三文治食算9數，冇耐晏就食完嘞，只見老陳同靚妹一齊番，原來兩條友約埋一齊食晏，靚妹同老陳講：嗱陳生你話㗎，唔好呃我喎。老陳回話：儍嘅，我幾時令過你失望先得㗎，放心啦。條友講完入返房，兩個人都唔知斟緊啲乜嘢，靚妹見到枱面杯咖啡，又寸咀話：係囉！咁先至係㗎嘛，唔該晒你喎林仔。我心諗吊你啦！