引用:
原帖由 一夜狂歡 於 2020-11-7 07:51 發表
多謝嗰位台灣女仔帮忙,其實好多台灣人都好好人嘅,好似你問路就一定有人答你,香港未必。到台中站之後第一件事同秋仔摷下睇下仲有冇多少港紙剩,用嚟換番啲台幣俾的士錢都好,好彩刮刮埋埋都有成舊水,換到三百幾四百頂住檔先,台 ...
秋仔問我正話高鐵上面條女正唔正,我答:唔錯呀!又嫩口人品又好,成個學生妹咁,咩呀,想溝人呀?秋仔好有興趣咁話:正呀!咁咪成個日本AV純情學生妹咁,我鍾意呀!我話:你都short short地,日本AV入面着住校服嗰啲,十個着咗九個都唔係學生妹嚟㗎,唔通你揾個阿嬋着住套校服又話係學生妹呀!你真係發緊夢,我估人地真係學生嚟㗎,嘥Q氣啦,而家先出聲,蘇州過後冇艇搭,打下飛機算啦!秋仔回應:頂你個肺,諗下都唔俾呀!我仲諗緊,不如你同我一前一後搞掂佢!我話:嘩!你谷精上腦呀!係咪弱小心靈俾小嫻折磨殆盡呀,點會想出呢啲邪惡行為嘅,醒下啦好心!一輪狗屎垃圾對話後,的士又到咗酒店,啱啱一舊水唔駛找,估唔到又幾近喎,去到柜面我問當值小姐:麻煩妳查一下是否有位張XX先生之前來check-in?小姐答:請稍等,我帮您查一下。好快小姐再話:是的,張XX先生沒多久之前已經check-in了,他是訂了兩個房間,有甚麼需要帮忙嗎?我取出passport話:這是我的護照跟入台証,我們是他的朋友跟他一齊的,他和女朋友先到,其中一個房間是我們的。柜枱小姐再話:兩張房門咭已經給他取走了,或者你們可以上去房間找他吧!好喇咁我地就上房揾佢啦,但暗地裏覺得有啲唔妥,隔離嗰件有啲懵然不知,仲輕鬆到吹緊口哨,去到房門口就撳鐘啦,點知...又再仆街啦呢次,撳極都冇人開門,冇人喺房呀阿哥,我開始有少少腳軟,秋仔亦都唔例外,仲鵰聲四起,問我點搞,我就話唯有落柜面問小姐究竟。