一夜狂歡

引用:

原帖由 一夜狂歡 於 2020-12-18 04:41 發表
睇怕Amy應該已經入番房，於是再撳鐘揾佢，又係Amy過來應門，我問佢:做乜咁快入番房唔等我？Amy話:着住浴袍企喺門口貪好睇咩，唔知仲以為我係出嚟做喺度兜客。我笑住話:咁又幾似嘅，睇妳，又嫵媚又冶豔，我第一個就幫襯妳，Amy接招道:好 ...

冇幾耐入面傳來色慾男問:Amy外面邊個呀？Amy答道:係呀小林呀，佢嚟咗喇，佢問你幾時俾番張房門咭佢喎！色慾男隨即回應道:Amy妳又係嘅，叫咗妳唔好hold住人地張咭咁耐㗎啦，妳睇妳，搞到佢兩兄弟成晚拖住喼，好似無主孤魂咁周街逛，就嚟做埋乞兒要瞓街咁滯。呀頂你呀！講嘢駛唔駛咁啜核呀？又唔見你Amy俾人蝦嗰陣咁勇猛出頭？仲有色慾男女說話推莊意味甚濃，冇人肯承認係自己出嘅主意，講真一句，就算呢次係Amy出嘅主意，作為佢個男明友，仲攞咗Amy咁多着數，係咪應該出嚟頂咗佢，唔係縮喺後面扮無辜，見微知箸，Amy跟着你都冇乜前途可言。好快Amy就入房攞番張咭俾我，好嘞，終於可以有覺好瞓喇，臨尾Amy提醒我話:記得陣間俾番啲証件柜面登記。跟住Amy小心地望一望色慾男有冇昅住，然後細細聲喺耳邊同我講:我想半個鐘頭後約你喺大堂見面，我會話落去攞飲料，你就去登記証件，到時有嘢同你講，記住唔好失約呀，唔係打柒你㗎！Amy條蠱惑妹，神神秘秘咁，都唔知有咩景轟。

一夜狂歡

引用:

原帖由 一夜狂歡 於 2020-12-19 07:23 發表
冇幾耐入面傳來色慾男問:Amy外面邊個呀？Amy答道:係呀小林呀，佢嚟咗喇，佢問你幾時俾番張房門咭佢喎！色慾男隨即回應道:Amy妳又係嘅，叫咗妳唔好hold住人地張咭咁耐㗎啦，妳睇妳，搞到佢兩兄弟成晚拖住喼，好似無主孤魂咁周街逛，就嚟 ...

最後趁Amy喺我耳邊講嘢陣時，乘機咀咗佢面珠一啖，Amy冷不及防發嬲話:吊你呀！搏L晒懵，佢喺度㗎，想死呀？我嬉皮笑臉話:好正呀！我今晚唔洗面喇。最後向Amy講聲多謝就走咗去，佳人有約剩番半粒鐘，咁就嗱嗱聲揾秋仔攞番房先啦，落到大堂，只見條友一條冷木無表情咁呆坐喺梳化上，一見我出現即刻爆粗話:有冇搞L錯呀你，仲有冇耐啲呀，你搞乜春呀！做嗰少少嘢都搞咁耐，唔怪得知你喺香港俾人炒魷魚咯。我反駁話:我幾時俾人炒魷魚呀！係我自動辭職好唔好。死人秋仔再潤我話:自動辭職？正確係你喺被人炒之前自炒先啫，好睇啲吖嘛。秋仔條友冇句好嘢，都費事再同佢坳，佢再問:咁而家搞掂未先，張房門咭攞番未呀？我chok住道氣話:成日有彈冇讚話我唔掂，而家張房門咭咪喺度，咁多嘢講。條友仔見咭眼開，態度扭轉話:你終於做番次好嘢，俾個讚你，喂快啲上房先喇。

一夜狂歡

引用:

原帖由 一夜狂歡 於 2020-12-20 08:30 發表
最後趁Amy喺我耳邊講嘢陣時，乘機咀咗佢面珠一啖，Amy冷不及防發嬲話:吊你呀！搏L晒懵，佢喺度㗎，想死呀？我嬉皮笑臉話:好正呀！我今晚唔洗面喇。最後向Amy講聲多謝就走咗去，佳人有約剩番半粒鐘，咁就嗱嗱聲揾秋仔攞番房先啦，落到大堂 ...

秋仔繼續癲三倒四話:林仔呢次你果然學到嘢呀，辦得咁出色，幾乎有我一半功力咁勁。我糾正佢話:你講清楚啲好喎唔該，你除咗整喊Amy之外，你乜都冇做過喎！全程都係我跟嘅。條友死撐話:就係信錯你先至搞成咁，早知我親自出馬好過，肯定一早已經攞番間房，啲時間去埋夜市仲綽綽有餘，駛搞到咁晏！喂到咗喇，爽啲手開門啦！條友一啲廉恥都冇，正pk，我話:你俾啲証件我，我要攞落大堂登記。秋仔如獲至寶話:啱喇！我都有啲肚餓，你落開大堂順便過隔離7仔幫我買啲宵夜上嚟，好似滷味，茶葉蛋，燴蕃薯，關東煮咁，樣樣都買啲，最重要記得幫我買支台灣金牌生啤番嚟，等我啤啤佢，嘩認真爽皮！真係佢滷味我即刻話:喂你當我工人咁駛呀，自己唔識去買㗎！自私自利嘅秋仔話:今日行咗成日攰到死，而家沖番個靚涼唔係唔得係嗎？講咁多嘢，action啦！我心諗頂你個肺，真係想問候你娘親，費事同你抝，都好去開7仔，不如拉埋Amy過去傾，反而冇咁礙眼。

hkg369

咁長, 其實有無人睇呢?

大舊強

多謝 brother, 跟住點呀 ? 同 Amy  出去又小番鈑鑊 ?

hkg369

起碼有一個, 吾系零.

一夜狂歡

引用:

原帖由 一夜狂歡 於 2020-12-21 08:18 發表
秋仔繼續癲三倒四話:林仔呢次你果然學到嘢呀，辦得咁出色，幾乎有我一半功力咁勁。我糾正佢話:你講清楚啲好喎唔該，你除咗整喊Amy之外，你乜都冇做過喎！全程都係我跟嘅。條友死撐話:就係信錯你先至搞成咁，早知我親自出馬好過，肯 ...

死人秋仔阻頭阻勢，落到大堂已經遲咗成十分鐘，只見Amy牛咁眼望住我話:我早到咗十分鐘，加加埋埋等咗你4個字，你都好大牌喎！似乎你都唔係好重視呢次約會，咁算啦，我返上房喇。我梗係唔制啦，於是猛向Amy灑冧講對唔住，話係秋仔唔熟性阻住晒原故，Amy又扮嘢話:咁你即係重視你朋友多過重視我啦，咁你返上去陪佢算嘞，唔駛理我，我都心淡嘞

hkg369

冬至完, 平安夜將到

一夜狂歡

引用:

原帖由 一夜狂歡 於 2020-12-22 08:23 發表
死人秋仔阻頭阻勢，落到大堂已經遲咗成十分鐘，只見Amy牛咁眼望住我話:我早到咗十分鐘，加加埋埋等咗你4個字，你都好大牌喎！似乎你都唔係好重視呢次約會，咁算啦，我返上房喇。我梗係唔制啦，於是猛向Amy灑冧講對唔住，話係秋仔唔熟性 ...

邊個話唔重視妳呀，全世界最重視妳嗰個就係我呀！我同Amy講:妳乖乖地坐喺度，等哥哥登記完証件再過嚟陪妳，聽聽話話知唔知道！Amy話:做咩呀，扮man呀，爽啲手啦！然後就托住下巴左顧右盼四圍望，離遠望過去，Amy水汪汪嘅眼珠不停轉動，流露出來嘅美妙神態，令我不期然再一次向佢行注目禮，凝望良久而不自知，搞到柜面小姐要不停嗌我先至清醒過來，柜面小姐好奇地問:她是你女朋友嗎？情深款款的眼神逃不掉耶！我話:還不是，還在努力當中。柜面小姐好好人話:加油啊！你會成功的。向柜面小姐講聲多謝之後，準備同Amy下一個行程，Amy似乎有少少疑惑，佢問我:同個台灣小姐咁好傾嘅，有講有笑，傾啲咩啫！我氣定神閑故作輕鬆話:冇！橫掂聽日得閑，個小姐又咁靚女，咪試下約人去街揾人陪下囉，好過睇住人地出雙入對，自己就形單影隻咁慘呀！Amy語帶譏諷話:嘩真定假呀！學人溝女呀，唔似你喎。我故意地話:唔得咩，我又冇女朋友，妳咁緊張做咩呀，呷我醋呀！Amy開始有的扯火話:鬼得閑呷你醋，你係我邊個呀，話知你日日去溝女呀，關我叉事呀，吊X老母！Amy呢次真係動真火啦。

hkg369

而家真系連一個都無?