一夜狂歡

引用:

原帖由 一夜狂歡 於 2021-5-10 04:04 發表
秋仔又問:點解妳淨揾我唔揾佢兩個，佢兩個唔得咩？Amy跟住喺手袋攞咗張咭片遞俾秋仔，秋仔一睇話:咦高級代表喎，失敬失敬！Amy接住話:你入嚟係跟我嘅，我嗰組叫Amy team，我係team leader，我負責湊大你嘅。秋仔笑問:嘩我係成年人，妳 ...

色慾男發火話:林仔你食咗屎呀！把口臭成咁。Amy打圓場話:好嘞，正經啲啦，唔好拉開話題喇，秋仔仲有呀，依家入職你有新人獎，我就有入職介紹獎，一家便宜兩家着。秋仔問:有冇咁jackso呀？有幾多先，萬一我做冇耐劈砲點計？Amy答話:獎金唔細㗎，不過有條件就真，最少做半年同達標先得。秋仔不以為然話:咁多限制揾笨咩！唔達標咪乜都冇。Amy解釋話:又唔係咁講呀，如果個個入到嚟由朝坐到晚，唔做嘢錢照收，我公司咪餂水，放心啦，我已經安排咗幫你打響頭炮，有你着數。秋仔問此話何解，Amy話:你個好朋友小林會幫你開單。嘩唔係啩，我即刻截住話:Amy妳講清楚，我係幫妳買，點會變咗係佢㗎？Amy語氣認真話:有乜分別啫，我係佢上司，佢開到單我都有份，你唔駛講咁多，我已經決定咗。到此色慾男終於同我同一陣線，佢醋意大增話:Amy妳做乜對秋仔好成咁，佢之前不停鬧妳係殘菜同八婆喎，妳唔記得嗱？此話一出，秋仔表現十分尷尬，而Amy就面色大轉，似是山洪將要暴發，果然，在失驚冇神之下，Amy將手頭一杯清水兜口兜面潑向色慾男，搞到頭面同前面T恤全部濕晒，非常狼狽，Amy盛怒之餘再話:以後邊個再提起呢四個字實冇面俾，記住呀！

一夜狂歡

引用:

原帖由 一夜狂歡 於 2021-5-11 08:56 發表
色慾男發火話:林仔你食咗屎呀！把口臭成咁。Amy打圓場話:好嘞，正經啲啦，唔好拉開話題喇，秋仔仲有呀，依家入職你有新人獎，我就有入職介紹獎，一家便宜兩家着。秋仔問:有冇咁jackso呀？有幾多先，萬一我做冇耐劈砲點計？Amy答話:獎金唔 ...

經此一潑，可能色慾男開始後悔點解自己咁L蠢，帶埋自己件私伙嘢出嚟俾人玩，依家番唔到轉頭，你說怎麼辦？兩條狗公首先係林仔起痰在先，然後輪到秋仔接力，家陣返香港仲有後着添，真係該煨咯！懾於Amy嘅潑辣，大家唔敢再出聲，為了打破沉默，Amy再次打圓場同秋仔講話:你唔駛咁驚喎，冇嘢喎，你睇我幫埋你揾工就知啦，我只不過唔妥有人故意挑起仇恨啫，嗱我要提醒你，跟我做嘢唔好諗住hea呀，咪以為同我friend就求戀期呀，我會時常鞭策你㗎。秋仔見冇嘢就嘗試玩嘢話:乜妳都鍾意用鞭㗎，好有feel喎！Amy明知條仔睇住都故意接招道:咩呀驚呀？用鞭係最基本㗎喇，唔係咁都頂唔住係嘛，你點交功課呀？秋仔繼續玩嘢話:妳同我定，喺鞭鞭有力之下，我會勇往直前全力以赴，有幾多功課就交幾多俾妳，盡力滿足妳為止，咁得未呀？Amy帶點淫笑話:你咪下巴輕輕貪口爽呀，到時滿足唔到我嘅話呢，我實一腳伸你落地。

一夜狂歡

引用:

原帖由 一夜狂歡 於 2021-5-12 02:44 發表
經此一潑，可能色慾男開始後悔點解自己咁L蠢，帶埋自己件私伙嘢出嚟俾人玩，依家番唔到轉頭，你說怎麼辦？兩條狗公首先係林仔起痰在先，然後輪到秋仔接力，家陣返香港仲有後着添，真係該煨咯！懾於Amy嘅潑辣，大家唔敢再出聲，為了打破沉默 ...

一段段有味對話令色慾男㷫過火屎，卻敢怒而不敢言，只好變成一隻谷氣青蛙，Amy知道過份咗而亦都玩夠喇，佢開始收話:夠皮喇，返上房仲有好多嘢要做，散啦！我問Amy話:有咩咁多嘢做呀？Amy不答一語即時起身走人，我甚感冇癮之下秋仔同我講:你冇行㗎喇，死咗條心啦。一眾人如貫進入電梯內，Amy似乎想補番鑊，一嘢攬實色慾男條腰，喺狹窄嘅空間內氣氛顯得有些尷尬，大家亦沉默不語，去到房門口我終於開聲問:你地陣間係咪去科學博物館呀？我都去！Amy冷淡地答覆:你去到咪去囉！秋仔搶答話:唔好預我，我約咗人。Amy好奇地問:約咗邊個咁呀？我冇應承你喎。我話:秋仔佳人有約，就琴晚柜面嗰件台灣妹囉。Amy讚嘆話:好叻仔喎，三唔識七一次就約到人。Amy旁若無人再話:你把口咁犀利，睇下幾時幾日你氹得掂我陪你去街？色慾男在旁，Amy挑逗性嘅說話令秋仔十分尷尬，我拉住秋仔話:唔好再講喇，快啲入房執行李。

天郎

引用:

原帖由 籠中粗俗的OL 於 2019-1-10 07:45 發表
*** 作者被禁止或刪除 內容自動屏蔽 ***

在家慢慢屌😍

一夜狂歡

引用:

原帖由 一夜狂歡 於 2021-5-15 08:34 發表
一段段有味對話令色慾男㷫過火屎，卻敢怒而不敢言，只好變成一隻谷氣青蛙，Amy知道過份咗而亦都玩夠喇，佢開始收話:夠皮喇，返上房仲有好多嘢要做，散啦！我問Amy話:有咩咁多嘢做呀？Amy不答一語即時起身走人，我甚感冇癮之下秋仔同我 ...

入到房大家開始整整理行裝，今日係最後一日，心情難免有些落漠，諗起呢幾日發生過嘅人與事，真係感慨萬千，正當想至入神之際，忽然叮咚叮咚之聲響起，秋仔走去應門，原來係Amy姐駕到，問佢有乜貴幹啦，佢話:琴晚沖完涼漏咗條底褲喺浴室，我想攞番。秋仔話:好似唔係好見喎，林仔你有冇見到呀？我覺得奇怪就話:我都唔見喎，妳有冇記錯，不如自己去睇下。Amy入到浴室就話嘞:冇理由㗎，我明明除低掛喺毛巾架上面嘅，你地有冇攞到？我同秋仔異口同聲話:冇呀，我冇攞過呀！Amy聽完粒聲唔出就走咗去，我記得明明琴晚佢沖涼前，我俾番之前佢送俾我新嗰條佢，而舊嗰條一早喺7仔就除低落嚟塞喺我後袋送俾我，摸摸下依家仲喺度，佢係真空入去沖涼嘅，冇理由佢唔知嘅，至於插贓秋仔就更加唔成事啦，條蠱惑妹都唔知搞乜鬼，唔好理佢，執埋啲行李先，而秋仔即將佳人有約，之前又得到Amy垂青，心情靚到爆燈，口哨聲不絕於耳，點知唔夠十分鐘，叮咚聲再次響起，呢次係色慾男女一齊出現，仲表情嚴肅，Amy首先開聲帶指責話:Honey你要幫我主持公道呀！佢地有人偷咗我條底褲呀。嘩！我心諗呢下真係可大可小，明明唔玩㗎，Amy妳搞乜東東呀！

一夜狂歡

引用:

原帖由 一夜狂歡 於 2021-5-18 05:57 發表
入到房大家開始整整理行裝，今日係最後一日，心情難免有些落漠，諗起呢幾日發生過嘅人與事，真係感慨萬千，正當想至入神之際，忽然叮咚叮咚之聲響起，秋仔走去應門，原來係Amy姐駕到，問佢有乜貴幹啦，佢話:琴晚沖完涼漏咗條底褲喺浴室，我 ...

對於Amy無端嘅指控，秋仔即時作出嚴正聲明話:喂Amy妳唔可以冇憑冇據就話我偷妳底褲喎，呢啲指控可大可小㗎，我唔會認㗎！我唔明Amy目的何在，只好一旁附和話:係呀！我地根本連條底褲都未見過，何來偷呢？Amy堅持話:我唔理呀，總之我條底褲就喺呢間房唔見嘅。秋仔不滿話:咁妳依家想點先？Amy話:有咩點呀！搜行李咯。秋仔開始動氣話:搜行李？咁即係信我地唔過啫，憑乜嘢搜我地行李呀？我地冇私隱㗎？Amy寸咀話:做咩身有屎呀！驚呀？喂honey，佢地唔制喎，咁點先？色慾男回應話:好簡單啫，既然有人唔合作，咁咪call酒店職員上嚟幫手咯。我見勢色唔對就話:算啦秋仔，無謂搞大件事啦，為表清白，咪俾佢地搜咯，費事俾人話我地身有屎啦！最後秋仔只好勉強答應，我深知自己冇事，於是自告奮勇話:嗱為表清白，Amy妳搜我先嘞！Amy面露得意之色話:咁勇呀！你仲未知俾我搜到有咩後果呢。

一夜狂歡

引用:

原帖由 一夜狂歡 於 2021-5-20 04:31 發表
對於Amy無端嘅指控，秋仔即時作出嚴正聲明話:喂Amy妳唔可以冇憑冇據就話我偷妳底褲喎，呢啲指控可大可小㗎，我唔會認㗎！我唔明Amy目的何在，只好一旁附和話:係呀！我地根本連條底褲都未見過，何來偷呢？Amy堅持話:我唔理呀，總之我條 ...

秋仔心有不甘無喇喇比人搜行李，於是連問帶寸話:咪住！妳仲未講妳嗰條係乜嘢底褲喎，容乜易到時摷到另外一條唔係妳又話係妳嘅，咁我咪蒙上不白之寃。Amy答話:我嗰條係紅色T-back嚟嘅，滿意未呀？

一夜狂歡

引用:

原帖由 一夜狂歡 於 2021-5-23 16:15 發表
秋仔心有不甘無喇喇比人搜行李，於是連問帶寸話:咪住！妳仲未講妳嗰條係乜嘢底褲喎，容乜易到時摷到另外一條唔係妳又話係妳嘅，咁我咪蒙上不白之寃。Amy答話:我嗰條係紅色T-back嚟嘅，滿意未呀？ ...

秋仔又玩嘢話:哈Amy姐原來妳着T-back㗎，我以為妳着開大大條嘅阿婆底褲添。講完引來個個哈哈大笑，Amy俾人玩完勁嬲話:你老母就着阿婆底褲！咪以為同我熟咗就可以肆無忌憚，冇面俾㗎！色慾男開聲話:Amy佢地想引開妳注意力咋，開工先啦！色慾男冇樣叻摷行李最叻，梗係！最好我斷正呀嘛。當個喼一打開，Amy揞住鼻話:嘩頂你吖臭成咁！Honey你嚟摷，我睇住算喇。我回應話:冇法啦，幾日冇洗過衫係咁㗎喇，不如唔好搜算啦！Amy話:你就想，唔好話你污糟，唔用膠袋包住亂咁塞。色慾男當自己係海關，係咁翻箱倒籠逐件驗，連底褲都唔放過，當摷到Amy台南幫我買嘅紙底褲時，我向Amy打個眼色話:仲記唔記.....。Amy迅速截斷我話:大把人旅行着紙底褲啦，有乜咁出奇呀，收聲啦！色慾男話:你地講乜呀？我唔係好明。Amy再話:唔鬼駛理佢，快啲手啦，摷到出嚟佢就死。結果喺色慾男驗屍咁驗之下，都係一無所穫，色慾男非常失望，我得意地話:冇喇嘛，我都話咗我係正人君子啦又唔信。Amy凌厲眼神一閃而過話:靚仔唔好咁得戚！

一夜狂歡

引用:

原帖由 一夜狂歡 於 2021-5-24 09:11 發表
秋仔又玩嘢話:哈Amy姐原來妳着T-back㗎，我以為妳着開大大條嘅阿婆底褲添。講完引來個個哈哈大笑，Amy俾人玩完勁嬲話:你老母就着阿婆底褲！咪以為同我熟咗就可以肆無忌憚，冇面俾㗎！色慾男開聲話:Amy佢地想引開妳注意力咋，開工 ...

一無所穫之下，我態度變得囂張不已，語帶諷刺話:咁就摷完嗱，嗰邊仲有三大袋成三十盒手信未摷過喎，我都驚我自己會唔會將條底褲收埋喺入面，不如逐盒摷啦，我唔介意㗎，橫掂我又唔趕時間嘅，色慾男女俾我潤完非常冇癮，Amy谷埋谷埋最後竟然付諸行動，好粗暴咁出手將三大袋手信一次過倒晒落床，然後逐盒拆開，故意將所有食品不分種類大兜亂散到周圍都係，我阻都阻唔切，呢次真係欲哭無淚，一萬蚊台幣一下子付諸流水，Amy倒寸我話:你滿意未呀？係你叫我咁做㗎咋，唔好怪我呀！都兜亂晒咯，我嗰十幾盒唔會再要，留番晒俾你慢慢歎，睇下！嬲得你個樣吖，打我呀笨！一旁嘅秋仔幸災樂禍話:林仔呢次你真係衰多口，我都唔撐你。

一夜狂歡

引用:

原帖由 一夜狂歡 於 2021-5-25 08:58 發表
一無所穫之下，我態度變得囂張不已，語帶諷刺話:咁就摷完嗱，嗰邊仲有三大袋成三十盒手信未摷過喎，我都驚我自己會唔會將條底褲收埋喺入面，不如逐盒摷啦，我唔介意㗎，橫掂我又唔趕時間嘅，色慾男女俾我潤完非常冇癮，Amy谷埋谷埋最後 ...

一輪針對性破壞帶來滿足，Amy神態輕鬆話:next，秋仔輪到你喇，打開個喼啦。秋仔見前車可鑒，不敢怠慢迅速將行李打開，Amy看後大讚話:睇下人地幾整齊，用膠袋包好晒井井有條，同小林差得遠，唔駛搜我信得過你。秋仔得到Amy如此信任自然大喜過外，但厚此薄彼既做法令我心有不甘，明知秋仔冇偷過我都話:好唔公平喎Amy，咁妳即係針對我啫。Amy寸咀話:擺到明㗎啦，吹呀！秋仔你可以收埋喇。點知Amy似乎昅到啲嘢就話喇:咪住！呢個筆織布袋乜嘢來㗎？秋仔見狀即時想攞番，但Amy撳住話:唔得！咁神秘，莫非真係你偷咗？秋仔迅即解釋話:唔好誤會，呢啲係普通手信嚟㗎咋，俾番我啦。Amy話:見你咁緊張，我更加要睇喇，咦！袋面寫住多春魚情趣商店喎，正嘢嚟噃，打開睇過，一大舊喎。我旁邊插咀話:一睇就知，空戰用㗎！Amy問乜嘢空戰，色慾男加把口話:咪即係打飛機囉！Amy恍然大悟笑秋仔話:哦！原來有人精力過剩寂寞難奈，我想拆開睇得唔得呀？秋仔略顯尷尬但不置可否。