引用:
原帖由 一夜狂歡 於 2021-7-7 08:51 發表
返到屋企門口諗住細細聲開門費事俾人知,點知讀緊中學嘅細佬已經棟咗喺度,我問佢點解仲未瞓,佢話:阿媽叫我等妳門,佢地一早瞓咗喇,放心啦!我唔會爆響口話妳咁夜返嘅,不過...妳識做啦!妳唔係話唔返嚟瞓嘅咩?我同佢講:唔好問咁多, ...
Amy話:故事全部講完,我走喇,記住還錢唔好走數呀!出面色慾男同秋仔喺度嘈話成個鐘頭你地咩事呀?Amy賴話我又痾又嘔阻晒啲時間,秋仔似乎有啲唔忿氣話:咪係囉,要人等成粒鐘,愛都做完啦。Amy反駁話:你講咩呀!咪以為同我熟咗就可以亂咁噏,唔信你入去睇下。秋仔不良嘅說話挑動咗色慾男敏感神經,佢沉默咗一輪話:咁你check完林仔未呀?秋仔呢邊又點呀?Amy得到好處,順理成章話:搜過喇冇事,佢冇偷到,至於秋仔就我信得過佢,唔駛搜喇。秋仔隨即大聲話:多謝Amy姐信任!唔同你地講咁多,佳人有約我走先。然後滾水淥腳一支箭走咗去,色慾男似乎暗火上升,自然自語話:都唔知為乜,搞出一場大龍鳳又草草收場,嘥時間。我心諗你條女借你過橋搵着數,你都仲懵然不知,可能你連自己個頭綠咗幾耐都仲未知。