引用:
原帖由 一夜狂歡 於 2024-4-29 02:48 發表
嗯嗯Irene姐火氣旺盛,煉住我條大動脈,咁我唯有揸頸就命喺啦,一個唔小心激起佢把火,咁就含包散,我小心翼翼開口話:或者咁啦,可唔可以諗個辦法大家都接受到嘅,嚟解決呢個問題呢。Irene即時反駁話:依家係你有問題唔係我呀!乜你可以話到 ...
我問Irene : 可唔可以話我知,點解你會知道我喺現場,我已經好小心冇製造任何聲浪。Irene 話:你舖話法,若要人不知 除非己莫為,你做衰嘢更會有漏洞㗎,就係你喺外面啲呻吟聲囉,興奮過籠自己唔覺呢,有邊個呀!梗係你條仆街啦,邊個知我哋喺度呀!廢話少講,一口價八皮嘢,我要cash , 下星期今日同樣時間,喺下面大堂交錢,到時唔見人嘅話後果自負。一聽見八皮嘢我眼前一黑,幾乎休克咁滯,我反應激動話:你唔好去搶,八皮嘢,好狼啫。Irene 好串話:嫌貴呀?你可以唔俾㗎,冇人逼你喎。我放番軟聲氣話:我都冇錢,咁大條數,我去邊度搵俾你呀,可唔可以收順啲呀?Irene話:你都好似有皮幾未到兩皮一個月,計埋雙糧即係有成廿鬆啲萬年薪,咁八萬只係年薪三分一左右,你仲有大把錢駛,餓你唔死嘅。我強調話:我呢排仲掙緊人錢,要逐個月還,邊有餘錢呢。Irene 毫不動容話:呢樣嘢唔關我事,你自己諗掂佢,到時冇錢俾嘅話就你諗你喇。呢次仆街喇,人衰行路打倒褪,Amy條數都未清,八皮嘢喎,俾又唔係唔俾又唔係,點算好呢?今晚想瞓得着都幾難。