引用:
原帖由 一夜狂歡 於 2024-9-2 16:59 發表
張太話中有話,即係有錢好還,冇有拖冇欠呢支歌仔唱,今日借八萬,聽日已經要還八萬八,張太你咁有錢,收順啲唔得嘅,無謂難委我哋啲打工仔呀,借得咁唔順,唔好借呀笨,冇L用講嚟講去咪又係死死氣咁問題人借,怨人不如怨自己𢲡屎上身, 與 ...
弊家伙,嘥咗成粒鐘傾電話,嗱嗱聲去星記買咖啡先得,都唔知咩事今日咁Q多人,結果用咗超過半粒鐘先買到三杯咖啡,返到上去門口recept 阿姐又多咀話:你坐飛機去買咖啡嚟呀?今次有難呀你。一入房靚妹首先發難話:你都算把炮,足足用咗兩粒鐘去買咖啡,你話你冇吞泡真係搵鬼信,陳生都等到好唔耐煩好鬼㷫,冇嘢做走去買咖啡仲要吞泡,你冇得救架喇,執定包袱啦pk ,咖啡呢?欏嚟啦,仲一碌木咁企喺度。靚妹我唔受你影響嘅,繼續忍,打開個袋一共三杯咖啡,老陳Mocha, 我拿鉄,靚妹就…. 咦!cappuccino 嚟個噃,又買錯,唔理得咁多,隊俾佢算,跟住想行入老陳房,靚妹怒火中燒大聲喝話:有冇搞L錯,你又買咗啲咩呀?cappuccino? Mocha 呀,係咪有心整蠱呀!我唔制呀!好快衰女包激動到喊出嚟,準備入房向老陳投訴,老陳聽到咁嘈即時行出嚟話:靚妹冷靜啲,林仔我對你好失望,買咖啡用咗粒幾兩粒鐘,冇嚟担當,係咪對份工好唔滿意咁呀?叫我點幫你呀?此情此景,我非但冇任何對抗,反而仲蓮子蓉咁嘅面口,將佢兩個吹到啤一聲。