爛尾可

第十三集
今次亞傑特別準備咗幾種香草造成的香囊，由夏荷放去李貴人的床頭，呢種香草係可以令人放鬆，瞓得好D的，皇宮中的所有人，其實都瞓得唔好，所以亞傑打算由呢一點出發，只要皇上嚟到李貴人呢度都瞓得好，自然就會嚟多D，瞓多幾晚，埋牙肉搏的機會都會增加。即使暫時吸引唔到皇上，至少李貴人瞓得好，身體都會好，佢哋做下人的都會輕鬆好多。

幸運地，掛香囊呢個計劃出奇地順利，李貴人連續幾晚都瞓得好好，而皇上嚟到瞓咗一晚，足足瞓咗八個鐘，比起平時瞓兩三個鐘就醒，實在好太多了，而且起身後精神奕奕，唔似平時飲安神湯之後咁頭重重，佢高興之下就賞賜咗李貴人幾匹布，雖然呢幾匹布唔值錢，但李貴人有幾年未收過皇上的特別賞賜，呢幾匹布的意義非常重大。

呢個時候，夏荷主動提出：「貴人主子，估唔到小安子的香囊咁好用，不如我哋問下佢仲有冇其他嘢丫，可能有其他可以討皇上歡心的。」

「好，你叫佢嚟啦。」

亞傑估唔到咁快就可以直入李貴人的寢宮，佢懷住緊張又興奮的心情去到寢宮，跪低請安後一直低頭，等侯李貴人問話的同事，望住自己精心調製的幾支香露，雖然咁早就拎呢隻香露出嚟有D冒險，但佢都決定賭一舖了，因為佢發現自己的機心喺皇宮入面，只係幼稚園等級，根本鬥唔過其他人。所以佢打算搏一搏，只係希望求個恩典出宮。

佢打聽過，呢度的太監同宮女要出宮都唔難，基本上25歲的宮女，未被皇上寵幸過都可以離宮。而太監就更簡單，年滿20歲，有主子批准就可以出宮。雖然係咁，但皇上登基至今超過十年，只有3個太監出宮，有兩個係因為年邁，無能力侍侯，被主子嫌棄，求其比幾兩銀打發出去的。另外一個係知道老父同姪兒患病，兄長又上咗戰場，佢特意申請出宮照料，不過佢的主子心善，比咗幾十兩佢，算係可以安享晚年。咁少太監出宮，係因為佢哋身體有殘缺，而且多數冇親人，又冇錢，喺皇宮等死，至少有個溫飽。但亞傑呢個現代人唔同，佢要選擇自由自在的生活，而唔係生活在陰影之中，隨時比打罵。

「主子，呢幾支係奴才調配的香露，只要男人聞到，就會渴望一親芳澤…」亞傑知道呢次的調配好成功，因為佢自己聞到時好想要，但作為一個太監….連飛機都打唔到…………

(待續)
愈來愈緊張了，而家出到第13集，但我仲寫緊第15集...點算...

另外呢~由於明天比較忙，所以今日提早更新~~

lostergundam

有慾望冇撚用，慘慘!

大頭仔Gordan

係時候太醫出塲喎！

爛尾可

引用:

原帖由 lostergundam 於 2019-4-2 02:43 AM 發表
有慾望冇撚用，慘慘!

你形容得好貼切呀！

爛尾可

引用:

原帖由 大頭仔Gordan 於 2019-4-2 06:21 AM 發表
係時候太醫出塲喎！

寫緊⋯⋯但可能第16集先出到

kclai35

引用:

原帖由 爛尾可 於 2019-4-1 09:05 PM 發表
第十三集
今次亞傑特別準備咗幾種香草造成的香囊，由夏荷放去李貴人的床頭，呢種香草係可以令人放鬆，瞓得好D的，皇宮中的所有人，其實都瞓得唔好，所以亞傑打算由呢一點出發，只要皇上嚟到李貴人呢度都瞓得好，自然就會嚟多D，瞓多幾晚，埋牙肉搏的機會都會增加。即使暫時吸引唔到皇上，至少李貴人瞓得好，身體都會好，佢哋做下人的都會輕鬆好多。

幸運地，掛香囊呢個計劃出奇地順利，李貴人連續幾晚都瞓得好好，而皇 ...

機心咁明，會唔會比貴人睇穿佢龍野

爛尾可

引用:

原帖由 kclai35 於 2019-4-2 12:58 PM 發表


機心咁明，會唔會比貴人睇穿佢龍野

睇穿佢d咩？亞傑好明顯係想上位啦，全無掩飾喎

大頭仔Gordan

引用:

原帖由 爛尾可 於 2019-4-2 08:38 AM 發表


寫緊⋯⋯但可能第16集先出到

一個年青靚仔但咸咸濕濕嘅太醫。。。🤣🤣

爛尾可

引用:

原帖由 大頭仔Gordan 於 2019-4-2 04:10 PM 發表


一個年青靚仔但咸咸濕濕嘅太醫。。。🤣🤣

你覺得年青靚仔又有JJ的太醫可以入後宮?

大頭仔Gordan

引用:

原帖由 爛尾可 於 2019-4-2 08:19 PM 發表

你覺得年青靚仔又有JJ的太醫可以入後宮?

太醫如果幫到皇上夜夜7炮。。。地位可能吾同d。。。