引用:
原帖由 bigmouthlady 於 2019-5-16 09:48 AM 發表 
其實D兄所講既野 , 我都明白 , 但正如係#6小弟所講咁 ,
有D故仔其實係人物設計 , 仲先於個故事構想 ...
好似我係樓上所講咁 : "我想寫一篇女傭題材既文"
其實就係女傭既角色設計既大方向 , 之後再去唸故事既發展
另外 , 可能我#1表達得唔好 , 但我其實唔覺得要寫1型 ,
就一定要有1型既特點 ... 因為1型既性格 ,
好難係一篇色文上直接表達出來 , 所以 ...
我知道你講乜。
個人認為，理想嘅創作，不論人物個性、角色間嘅互動，同情節，都係創作者跟據個人閱歷、人生經驗等等得出，而且容許好闊嘅演譯空間，觀眾/讀者可以從唔同角度睇到唔同嘅故事。即使話從人物個性發展出嚟嘅故仔亦然。
好似九型人格呢類性格類型學其實有好多種，但呢類系統，比較適合用嚟解讀，而唔係用於創作。
但每一個創作人有自己嘅創作方法，有啲人根據經歷，或現實裏面嘅「原型」，然後寫出人物，性格、行為、故事自然就出咗嚟。有啲人會參考一啲框架，學你話齋，未必係X型人係咁樣，於是就用X型人嚟設計一個角式，因為咁樣會好死版而且太易睇哂、冇乜演譯空間，但係喺創作人物嘅時候大概知道佢係咩嘢人，然後以呢樣嘢嚟做出發。
我估其實好多人都係呢兩大類方法互相混用，只係唔一定會用邊一個特定框架（例如九型人格），而係好多自己識得嘅嘢。
講到最後，其實每一個創作人創作嘅時候都係搵自己嘅方式。
* * *
講開Enneagram，順便講吓。
我本身大學時係讀社會科學嘅，主修心理。大概24年前開始接觸九型人格，我有一啲朋友大概10幾年前係外國九型人格大師所認證嘅導師，所以，對呢方面有啲啲睇法。
九型人格裏面每一種人格嘅dynamics非常複雜，而每一種人格同其它人格之間嘅dynamics又非常複雜，再加上每種人格都有佢哋嘅“翼”/側型，之間嘅變化非常精細，而成套系統可以好精準咁講到。
如果想掌握到九型人格呢啲咁精密嘅dynamics，然後運用到佢哋，最好盡量弄明白原創者同埋初期嘅九型人格大師對呢啲型嘅定義，好似Helen Palmer，Riso Hudson呢啲。
更加好係直接研究最早將呢個學說從回教蘇菲派傳統帶入西方嘅
古哲耶夫嘅學說，有好多深入嘅嘢係近10幾年坊間好多商業化九型人格導師所教嘅版本忽略嘅。
例如，3號，佢哋競爭心、表現欲好強，假如將3演譯成陰險、狡猾，咁就扭曲/偏差咗3號，就好難運用到九型人格精細嘅地方。
1、2、6號等等亦一樣。
個人意見only。
[
本帖最後由 dcat20 於 2019-5-16 06:44 PM 編輯 ]
