fattg

好正寫得好精彩，令人好投入去睇。

sscyhk

這兩星期比較忙，會繼續更新

cow1985

加油~~~期待新作^^

fattg

期待師兄的update

sscyhk

之後我們起身食晏。
Y：你覆左文仔未？
我：覆咩？
Y：你唔係應承佢做兄弟咩？
我：佢揾左你？
Y：係R，你想借我過橋唔做ma🙊。我唔比你得逞。
我：咁又唔係，唔想煩姐，仲有唔夠兩星期就係，咩柒都唔知。
Y：算la，同你一齊後，你做兄弟，我做姐妹，都未試過，玩下。
我：咁我應承佢。
之後打比文仔話ok，之後好彩佢地仲有一次聚會傾下野，我地join左，順便睇下有咩幫手。
其實文仔都好識做，其實都沒咩揾我地幫手，全部大圍野，沒咩特別係要個別負責。係Y件晚裝急少少，我就好沒新意的黑西la。
我仲記得佢地結婚前二晚，Y已知接新娘玩咩，佢預先同我講左，話有d你唔好飲，佢話佢睇都覺得她們唔知係邊到抄返黎………
不過講開又講，由唔知幾時開始，結婚要攪到做show咁，又唱k，又bingo，又跳舞，又司儀，又成長片段。其實都唔知攪黎做咩？我同Y之前都有過共識，一定唔攪呢d，簡單食飯就ok。

我仲好懷念細過父母帶我地去飲情況，細路（互不相識）一齊玩，個個大人著到好靚去飲，最正係果碗蝦球伊面。都係影下相，玩新郎都係咁e（記憶所及佢地重點係飲酒）。
仲有果時睇得出，去親飲果d，係成場都好開心，真心弓喜同見面。近十幾年我飲過好幾單，真係好似夾錢食飯，走過流程。真係悶到一個點。

5GPlan

引用:

原帖由 sscyhk 於 2020-6-14 10:35 發表
之後我們起身食晏。
Y：你覆左文仔未？
我：覆咩？
Y：你唔係應承佢做兄弟咩？
我：佢揾左你？
Y：係R，你想借我過橋唔做ma🙊。我唔比你得逞。
我：咁又唔係，唔想煩姐，仲有唔夠兩星期就係，咩柒都唔知。
Y：算la，同你一齊後，你做兄弟，我做姐妹，都未試 ...

擺酒果晚如果係咁呢….....
https://www.facebook.com/news.ebc/videos/994254324262324

sscyhk

到了文仔結婚果日，我比兄弟集合時間早左去，因為我要Y去先，之後我等埋成仔同班兄弟上去接新娘。
由於我已預先知道佢地邊d係人玩邊d唔係（Y已預先通水，叫我行埋一邊🙊），所以我係唔會沖出黎😅😅😅。講真接新娘，究竟係玩新郎定玩兄弟，真係慘不忍睹（ 奉勸各位一句，如果d姐妹事前同你講d games沒咩就要多小心，同自備大量支裝水）。
又過完一朝殘酷命運，又到晚上。由於文仔請左司儀（個人覺得好無謂）過左一d公式流程，咁其實都沒咩可做，等敬酒同埋尾。
之後我同Y及兩個做兄弟的舊同事坐返舊同事個圍到，反而呢個時候先係最開心，講返當年今日幾開心下。席間都有舊同事提起。
舊同事A（以下稱舊A,B,C,D……………）:幾時到你同Y ar？你地都好la耐wow（事實唔係好太耐）。
我：都要Y肯先得，我呢d待嫁青年黎。
Y：你又擺我上枱ar！今晚你又知死（紐緊耳仔）。
舊B:你睇佢地，應該就快，咁快係到耍花槍（依家叫派狗糧）。
我：人地大婚日子，我地唔好講呢d。我地飲杯la。
有幾位舊同事即時起哄：今晚係米不醉無歸先。
我：誰怕誰。
Y：你地等陣飲大左，睇住文仔嬲你地，你地仲同佢日對夜對（文仔同幾位舊同事仲係舊公司做）
舊B:我地坐咁遠，沒事架！
（交代返，我地係酒鬼黎，果時成日飲到間吧打烊，之後第二日起身返工果隻）
有兩三個女同事及有兩個揸車就唔參與。事後佢地有講我地果晚都溝到亂哂龍，紅白beer咁，文仔遠處見到我地咁，都沒行埋黎。總括黎講果晚都係好開心，散席後當然有好同事送我地返去la，其實Y果晚都飲左唔少😆

vi_123123

寫得好好，期待更新中

muzzi

近期難得一見好文，感謝樓主

sscyhk

唔好意思，近來比較忙，會再update