引用:
原帖由 free_hkben 於 2020-2-16 01:15 發表 
好故事👍👍👍👍👍👍
多謝鍾意。
引用:
原帖由 清晨忽然硬 於 2020-2-16 11:37 發表
大團圓結局！享盡齊人之福
故仔嘅功能就係滿足現實滿足唔到嘅遺憾。
引用:
原帖由 kowloon0810 於 2020-2-16 11:52 發表
happy ending👍
冇錯係好美滿，美滿中有遺憾。
* * *
現實版
呢個可能係我寫過最長嘅故仔。
我同小予（假名）喺3年前一月識。
認識嘅過程、互媾，一直到我同小予做咗愛之後最初期嘅經過，同故仔嘅描述有96%一樣（我簡化咗啲細節）。
現實裏面，小予個女真係跟佢男朋友去外國讀大學，個男仔亦的確係北京一個大集團嘅少爺。佢哋結咗婚，男家就以照顧新抱嘅名義照顧小予個女嘅學費。但個男仔沉迷打機唔讀書、唔返學，升唔到班就用錢攪掂，仲攞小予個女啲生活費去買打機嘅武器，同小予個女鬧得好不快。個女自然唔肯再同個男仔做愛。舊年年頭，小予個女唔喺度嘅時候，個男仔帶過女仔返去佢哋住嘅地方玩，小予個女返到去發現咗，於是鬧離婚。
發展到小予同個女返大陸，打算同男仔嘅屋企人講離婚為止，呢條路線大致上係真事（我改咗或者簡化咗啲細節）。
小予同個女返大陸之後，因為遇上疫情，佢哋到而家仲未有機會同男家見到面討論離婚嘅事。
所以由呢個位開始，之後所有情節，都係創作。
我寫小予俾阿軍強暴呢個環節嘅時候，嗰日之前嘅黃昏，阿女嚟咗香港。嗰朝早我同佢哋去房署辦事，喺佢哋住嘅地方樓下個公園等佢哋落樓嘅時候寫嘅。
嗰朝早之前一晚，佢個女為咗離婚嘅事同埋好多其它嘢，喊到半夜4點，基本上冇乜點瞓到覺。所以佢落到嚟嘅時候眼紅紅，心情好差。我帶佢哋去食早餐，之後就同佢兩母女去房署做事。
做完事之後就同佢哋散步，本嚟帶佢哋睇展覽嘅，見到一間咖啡室，就入去坐，坐咗好耐，商量吓夜晚帶佢兩母女去酒吧蒲。
喺咖啡室出咗嚟，佢個女發現有條山路堅持要上去睇吓，我哋就跟佢上去，喺上面，我哋睇番落九龍半島，呢個細節係真事嚟。
嗰日可算係我踏入50之後最開心嘅一日之一。
我嗰日加咗小予俾阿軍強暴呢啲情節，一來係想個故仔多啲官能刺激，二來係我諗嚟自虐。
故仔後來嘅情節，尤其係3P、淫亂情節，一來固然係滿足讀者嘅性幻想創作出嚟，亦為咗補償現實嘅缺失。
我的確好愛小予嘅，亦想同佢哋好似一家三口咁一齊生活。但正如之前有網友提出，男主角個老婆並冇做錯事，男主角要同屋企離婚的話，會傷害冇做錯事嘅屋企人，所以， 現實裏面佢實在做唔出呢件事情，亦都因為咁，影響咗我同現實中嘅小予之間嘅感情。我預咗有一日，有人娶佢的話，我就會失去佢。
於是，故仔除咗作為一個甜故儘量滿足讀者嘅性幻想，同一時間亦都係補償作者喺現實裏面唔會實現到嘅夢想嘅遺憾。
現實中嘅小予的確有個同佢好似樣嘅妹，不過未至於似到故仔所講咁。但係我的確識得另一對姊妹個樣（對我嚟講）似到一模一樣，於是我就將佢哋撈埋（創作嘅嘢有事就係咁，唔一定吓吓憑空創作，可以係將啲真事撈埋、重組）。
故仔後期嘅情節，喺初期已經大致諗到，介紹得小予個妹小希出場嘅時候已經諗定會安排佢哋3P。
不過，現實中，小希個妹個老公，喺大概農曆年時過身。當時我諗，假如我咁樣寫小予個妹，會否對已死者不敬？
但後來諗到，呢個係創作，唔係講真實生活中小予個妹。況且，喺冇人識得現實中呢啲人物嘅本人之下，佢哋同虛構人物根本冇分別。於是我就依照本來構思，寫埋後期同小希做愛嗰啲情節，純粹為個故仔埋尾要加多啲甜嘢而寫嘅。寫嘅時候，我亦冇諗現實生活中嘅小予個妹，所以，佢可以講係虛構人物。
正如婷婷呢個角式亦都係我將現實中識得或者知道好幾個人mix埋，唔係完全根據現實中嘅小予個女寫成嘅。所以，佢亦都可以講係虛構人物。
故仔裏面嘅時間亦都計錯咗數。
男主角同小希識咗兩年嘅時候就同婷婷返大陸同少強屋企人講數（之後小予俾阿軍佔有咗一年）。但如果根據故仔裏面發生過嘅事件，根本唔夠事間。
現實中係咁嘅，我三年前識現實中嘅小予。佢同佢個女係今年過年前先至返大陸，諗住同親家傾個女離婚嘅事情嘅。
點知遇著疫情。
因為個女嘅親生爸爸係武漢人，個女啲親戚都喺哂武漢，所以個女堅持要返一返武漢。疫情喺係呢個時候至開始嚴峻。佢哋喺封城之前出咗嚟，去咗小予屋企，一去到就同小予個妹一齊被隔離。
故仔寫到最後幾集嘅時候，本來佢哋就快隔離完，點知佢個女、佢個妹都一齊發燒咗幾日。當時，當地醫護話佢哋有好大機會中咗招，要再隔離。
我好擔心佢哋中咗招，有諗過我攞佢哋嚟作呢啲故仔會唔會影響到佢哋嘅運氣，唔知好冇寫落去，同埋點樣寫。
後來我諗，故仔早就去到大幅度創作嘅階段，已經同真實嘅人物冇關。
於是，純粹為咗埋尾，兼儘量帶俾讀者多啲官能刺激，我就根據最初嘅構思寫埋落去。
呢幾日佢哋都冇再燒，就快可以出離。但係而家上面好多交通都封鎖，都未知道佢哋能否返香港。個女讀書嗰個國家，已經唔俾佢入境，要停學。
所以呢輪，一路為呢個故仔埋尾嘅同時，亦到好擔心佢哋。
[
本帖最後由 dcat20 於 2020-2-17 07:37 編輯 ]
