cissp

引用:

原帖由 nithan 於 2006-6-9 12:38 AM 發表

寶威軾, 紅旗威揚和水晶皇三隻都唔錯, 但菠蘿飽千二好似嫌短, 未必得住!

寶威軾 & 菠蘿飽 win as expected but 紅旗威揚 is very disappointed ! :009:

nithan

引用:

原帖由 cissp 於 2006-6-12 09:44 AM 發表




寶威軾 & 菠蘿飽 win as expected but 紅旗威揚 is very disappointed ! :009:

菠蘿飽我就中唔到啦, 好野! 紅旗威揚估計泥地應該幾掂, 點知睇錯左! :022:

cissp

Maybe he does not suit wet 泥地. Anyway he is a good horse, and he should have a few more "win" next season.

For the remaining 4 racing days, watch out the followig 蔡約翰's "not yet win" B,C,D,E horses:

B horses : 大文豪, 豐裕 - to be honest, they are hard to win but could place
C horses: 新強之寶 - depends on the weather, also hard to win
D horses: 悅目, 正隆, 印度之寶 - could win
E horses: 今日之星, 多利到, 金融小子 - could win

Change stable horse: 富貴玲瓏 - sure win


;)

nithan

剛睇完報名表, 場場都要花時間刨下, 但初步就實買銀鑰匙, 佢報四班二千二, 負129磅, 睇埋同場對手, 應該贏面好大下, 但大熱門機會亦都好大, 而且應該無上次咁好分! 然而應該係贏馬交代之時! 介時應可熱捧! :017:

cissp

I agree 銀鑰匙 should win this time, the other horses in that race are too "rubbish".
發財金寶 is back to C+3 track, 2200m winning distance and 115 pounds (last time win at 114 pounds).
I will bet Q,QP on 銀鑰匙+發財金寶!

At first glance:

For 第2班, 1400m, 龍冠 should surely have a "place".

For 第3班, 1200m, 真叻仔>風雲浪子+皇帝出巡 +酒勝.

For 第3班,, 1600m, 活力威>勇中寶+開心之星+金獅勇將.

Agree?

Anyway, 好望角 & 駿河 已告退役 today!

JockeySmart

點睇勇威星 ? 已攀至安全線 , 竟打牌報名週六極不利後追的 C+3 欄 1400 米 , 博乜 ?

nithan

引用:

原帖由 JockeySmart 於 2006-6-13 09:32 AM 發表
點睇勇威星 ? 已攀至安全線 , 竟打牌報名週六極不利後追的 C+3 欄 1400 米 , 博乜 ?

其實剛加分既馬再出輸左甚少會即時減分, 佢上仗第三加兩分, 今場即輸都未必會即減!
論爭分, 五歲個隻愉快旅程應該不甘後人, 只差兩分上岸, 除非有心等死, 否則應該會搏入黎!
另外仲有隻承基上, 佢三十分都仲報名, 大可安安定定等下次先再出黎玩, 如果今場輸遠少少減三分真係唔奇, 所以預計可能都會有d表現!
然而論質素當然唔及勇威星, 這隻野係五班確係唔少野, 轉入蘇保羅後三仗俱入位, 成功由廿三分加到去廿八分達標, 其實我覺得廿五號個場千八, 應該會較適合佢, 依家整場千四, 覺得會係蘇保羅想盡快交代, 隻馬廿三分轉去佢手, 我諗馬主除想救馬外當然係想拉頭馬, 所以如果係好個方面睇, 當然係蘇保羅應該係有信心最少有坐位望贏資格, 就算今場贏唔到, 仲有場千八後補盡快求交代, 但如果從壞個方面睇則有機會想熱死, 因為預計佢上陣應會成熱門份子, 不過我則抱樂觀態度, 應會係好既方面較高!
今場再加埋隻實力係五班賺卡士但負重磅既得令將軍, 咁四隻應該夠哂!

nithan

休息左一個星期三，但卻有世界杯，結果一樣係唔得閒..........
仲有四次賽事，各位緊記把握機會作最後衝刺啦！有咁多就贏咁多，留番抖暑慢慢洗！場地方面預計會係天晴居多，正常情況下應在好地進行，目前練馬師伍碧權和黃汝安俱欠一場上岸，為左唔會因為一場頭馬而收信，必在餘下賽事搞掂埋佢，所以此兩馬房不論冷熱，只要有實力都應該可看高一線，起碼戰意十足！而跑法方面C、3欄彎位較長，可供前領馬回氣，加上直路較窄，所以對前領及守好位會較有利，且看是否如此！
而今期推介既馬膽有四隻, 分別係贏面樂觀既卡加小子和銀鑰匙, 有穩位望贏資格既皇帝出巡和活力威, 另外今次條位置五串一加埋隻乖巧, 上次兩條輸幾多今次買番咁多, 實行要報仇咁報!

第一場：卡加小子上次輸俾突然神勇兼走到甩哂既草上飛，可謂輸得不明不白，但相信也有少許輕敵，入直路前只有草上飛，德雲才智和力奇之寶係前面，我相信騎者可能滿以為可以係直路輕易咁過埋佢地直返終點，點知入正直路草上飛突然輕甩，就咁追唔切，然而卻已贏第三名一條街，今次條件賽，對手實力方面有減無增，雖排十一檔，但對住這堆馬即使走外面蝕少少都讓得起，鄭雨滇已連騎兩場應已熟習馬性，加上上次搏輸都仲俾機會佢，跑來必會更小心謹慎，務求穩穩陣陣贏馬而回，再且馬房方面仍欠一場頭馬上岸，可謂鬥志鮮明，今場此駒雖然勢成熱門，卻有熱捧價值，絕對有力為馬房贏馬達標而回；靈機一觸上回谷草輸得極之難看，但睇在此見盡之馬告仔仍肯收留，今場回師田草，希望可以追得好點，正路熱配；鴻運寶駒上仗谷草早段跟得唔差，入直路仲頂得住下，初見有走勢，今仗雖未必係時候，但冷配一席已可留意；一聲嘯一千比千二好，但近仗表現穩定，兼且今場對手都上幾仗都較弱，勝在會有分頭，拖埋無妨！

第二場：承基上目前三十分，但放棄安安定定等下季先再出黎玩，卻走來報名跑今場，真係一下唔覺意輸遠少少減三分一點都不奇，所以相信幕後預計會有好表現才走黎跑，而且可能係有信心贏得個種，此駒雖然唔係好料，而且經常大敗，最叻都係跑過一次第三和三次第四，然而都係係田草千四既路程，可謂係最首本，再加上善於守好位競跑，於低班兼季尾場合有利，既然唔會熱得去邊，一試無妨；勇威星係五班有優勢，轉入蘇保羅後三仗俱入位，成功由廿三分加到去廿八分達標，其實我覺得廿五號個場千八，應該會較適合佢，依家整場千四，覺得會係蘇保羅想盡快交代，隻馬廿三分轉去佢手，我諗馬主除想救馬外當然係想拉頭馬，所以如果係好個方面睇，當然係蘇保羅應該係有信心最少有坐位望贏資格，就算今場贏唔到，仲有場千八後補盡快求交代，但如果從壞個方面睇則有機會想熱死，因為預計佢上陣應會成熱門份子，不過我則抱樂觀態度，應會係好既方面較高；愉快旅程只有五歲，只差兩分上岸，除非有心等死，否則戰意應該不甘後人，此程雖非首本，但可選擇路程已無，搏得就搏，拖埋；今場再加埋隻實力係五班賺卡士但負重磅既得令將軍，搵徐君禮減去十磅屬良好意識兼明智之舉！

第三場：十隻馬角逐今屆既新馬短途錦標，駕馭上仗於強手盡去下贏有志者，而後者則經常負於今場實力份子，此兩駒於實力較弱下仲要讓對手磅，俱不樂觀；熊中雄上回輕取勁爆力和特區寶，實力大躍進，二檔能跟能守，前列份子；勇猛神駒上仗爆冷後等到今場先再跑，雖然話係爆冷後換騎師兼必成熱門係極之不利，但上仗留咁後入直路一段咁衝上黎過哂，其姿勢實在驚人，時間亦唔慢，埋門功夫仍做到十足十，用韋達算係馬房熟人，可以話係刻意搵佢熱死，亦可以話係穩穩陣陣搵返個熟拍檔搏殺，但見黃汝安爭上岸，信佢今鋪戰意好，反正今場非一枝獨秀，賠率唔會太過熱，仍有可搏之道，會係首選；特區寶三戰未脫三甲，曾輕取創惑，應比創惑較好，三甲份子；創惑除首仗贏馬後，其後雖有兩仗第二，但俱毫無招架之力，今場只算係邊線馬；馬友利三戰又係未脫三甲，最後一仗只負質高既勇猛神駒，今場又再同場，會再有惡鬥；招積仔一出便在此強手林立下上陣，經驗輸哂，志在參於而矣；山東好馬上仗追得唔差，但完全無威脅，下季應會係中距離最少兩場頭馬，今場未得住；勁爆力上仗初出即跑第二，受讓七磅下贏特區寶，但輸俾熊中雄一條街，然而今仗仍受讓對手最少六磅，威脅力仍在，屬邊線馬！今場較看好實力份子，未必爆得出，順序會要勇猛神駒、馬友利、熊中雄、特區寶！

第四場：放棄！

第五場：銀鑰匙上仗谷草千八排外檔，沿途走位跑法可謂一絕，入直路若非受困，頭馬已手到拿來，輸得極之不值，今場回師?雲鶗觓鞳A兼增程而來，對此均速馬應該更為有利，而且幕後戰意鮮明，志切盡快贏馬交代，密密再跑開齋在望，贏馬機會高唱入雲，對手不強下更具把握，贏得；發財金寶休息已輕身兩仗，今場即跑射程範圍二千二，分分鐘有出擊之意，在此負輕有力闖入一席；新英上仗走位被動，最後末段才望空但為時已晚，韋達仍肯再度效力，應有睇頭，可威脅；常山鎮寶細馬負重不利，但勝在路程合適兼近況尚可，預期會追得接近！

nithan

第六場：乖巧近仗表現出色，係五班贏馬開竅後，已順利於四班再入位及贏馬，上仗輕取第三既駿馬繽紛，後駒再出亦已補中，看來此駒已真的成熟乖巧起來，今場仍於四班作賽，磅位稍增影響不大，看來仍具坐位望贏資格，有力和上場串一口賀賢孖寶；晶片王前仗無故成熱而負，上仗成冷果然有好成績，今場冷熱未知，意識仍不明朗，但千四正宗，上仗表現亦唔差，肯搏會入三甲；強駒上仗終於贏馬為黃汝安接近上岸線，今場加八磅去到130磅，對三歲馬會有影響，但慶幸仍有進步及潛質會比對手優厚，三甲仍有望；瀟洒叻龍上仗雖贏五班，今場四班對手增強，但跑法主動兼上仗姿勢不差，排外檔必搶放以免沿途蝕位，除非留到包尾，否則今場可視為冷配！

第七場：海之逸十戰三勝四位，準繩度高，跑來跑去未能扶搖直上乃可能進度未足矣，目標只三歲，可望繼續成熟進步以待下季二班再戰，上仗初配鄧迪即能重奪久違了既頭馬，今場續電此君而對手又未見增強，看來連捷上二班機會甚高，穩位望贏之選；先力之城賀賢接手後六戰五位但仍未勝，今場千二嫌短，但小休後有助，五檔好跑，有力一爭；幸運派彩算係今場餘駒中較四正一駒，二檔有利，用黎海榮減磅亦好，可爭一席三甲！

第八場：皇帝出巡上仗三歲初出即跑千四，但仍放得有聲有色，最後殿軍已足夠交代有餘，今場縮程千二對三歲馬更有利，排檔好有力一放絕塵；真叻仔質高體弱，今季只跑過四次，但卻已有兩冠一亞佳績，可謂殊不簡單，今場有快馬可扯散步速，有利後上，論質可正選，但健康有慮，作配較宜；紅衣財星個人認為非正宗一千馬，千二應該會仲好，之前跑黎跑去都唔多掂，至近仗才正式步入正軌，同系馬非早熟早殘一族，雖然此駒質素不高，但勝在當起近況吸引，可作配；風雲浪子一出已能入亞，而且走勢和水準都係上佳之作，有潛力之馬，只忌由冷成熱，作配較穩！

第九場：財到得勝成熟後近九場有八場入三甲，只上仗係變化場地輸左，可謂輸地無輸馬，至今只一勝未足以交代，可乘勇於季尾再爭成績，屢和強手對手俱有好成績，賽績有說服力，今場對手多見盡，排三檔增加競爭力，兼且負磅又輕，黎海榮已騎慣駒熟，應有水準表現，屬坐位望贏之選，賠率會有分頭，勿錯過；龍冠上仗於好地下大敗而回，卻沒有健康問題，屬無故大敗，賽後休至今場才出，論質面對今場對手，當有橫掃之力，埋門連番試閘，功夫做足而來，但如果成一面倒熱門作配為宜，始終有過一場無故大敗兼之後未證明跑得番，因為反正今場能勝，往後必有得再追，一樣都係熱架啦，然而若有點肉食，卻有可搏之道，現在因素未明，故為次選；同馬房既同心拍檔近仗經常負130磅以上出賽，但仍有好成績，上仗終係極慢步度再贏一場，四歲馬當起，八戰已有三場頭馬，膽敢係一千作底出馬出擊兼贏埋，可謂自視不弱，今場上二班負磅驟減，未容輕視，要分清馬房正副，有拖埋必要；小武士近兩仗俱跑得唔差，千四屬目前最佳路程，用馬偉昌排檔會幾好跑，可闖一席三甲！

第十場：活力威跑法主動有彈性，上仗休近半年復出，只輸埋門一步，屈居亞軍，今場115磅都用到韋達，看來補中決心極大，一檔可守好位，估計會係慢步速，大可安穩陣在二位待入直路一攻而破，場地性能廣範，負磅又輕，跑過兩場後，有助提升水準，大有機會熱食尾糊；貴蝦王質素非高，每仗贏來依靠賺形勢，上仗三班贏此程時間唔差，只增三磅再戰同班同程，可謂極之著數，應會再佔慢速度之利，有力和前駒速成連贏；金獅勇將近三仗一勝兩位，踏入成熟期應未收夠籌，再配萬成後上有助，乘勇而來有一爭之力；開心之星上仗幾乎爆大冷，可惜埋門僅負，最後撲上黎既走勢驚人，時間亦好，二班會有能力之馬三班負重亦可留意，今場續配鄭雨滇有好檔應屬實力份子，但爆冷不成若成熱便有介心，但成配則無妨！

總結：
第一場：卡加小子、靈機一觸、鴻運寶駒、一聲嘯
第二場：承基上、勇威星、愉快旅程、得令將軍
第三場：勇猛神駒、馬友利、熊中雄、特區寶
第四場：放棄！
第五場：銀鑰匙、發財金寶、新英、常山鎮寶
第六場：乖巧、晶片王、強駒、瀟洒叻龍
第七場：海之逸、先力之城、幸運派彩
第八場：皇帝出巡、真叻仔、紅衣財星、風雲浪子
第九場：財到得勝、龍冠、同心拍檔、小武士
第十場：活力威、貴蝦王、金獅勇將、開心之星

nithan

嘻! 交功課, 第1000個回覆等我自己覆番, 希望利利是是, 四隻馬膽順順利利贏返黎, 為了係最後四次推高本帖既勝出率和入位率, 所以偏作穩陣, 而且仲貼夠四隻! 等陣放工便會去深圳睇阿根廷, 在此預祝各位贏馬又贏波! :014::014: