nithan

得多多"弱配"可言勝   水中寶逢泥贏得好

目前星期六預測間中有大雨及狂風雷暴，但間中真係唔知佢係咪跑緊先間中，刨哂黏地馬佢先無落雨就慘，不過見佢連續幾日都話會落雨，我諗地應該唔會快，希望無估錯啦！
另外為報上次位置五串一斷一關之仇，今次再整條位置五串一，寶威軾、水中寶、幸運寶貝、得多多、贏得好，倍率上應無上次咁好分，但應該都會有點肉食，估計寶威軾會有點分頭，希望這條過關能補中啦！而今次推介既馬膽係水中寶、得多多和贏得好，W三串四有得諗下架！

第一場：今場隻隻都唔多起眼，當中應以駔驍之首經驗較佳佔優，但這匹馬連跑三場都無場話有好既走勢，上次第三都輸好遠下，加上今場必熱，難言信心，所以今場都係放棄算！

第二場至第四場海軍鬥水兵，雖云富向險中求，但這三匹真係無心水，頭四場一齊休息，遲d先開工吧！

第五場：今場萬成應該可以騎有前景既一切順利，但佢最後騎左寶威軾，此駒轉投神仙後，先在一場千二由萬成入位，再出用韋達係千六成熱門，排劣檔搶放返黎等收工，今次再配萬成跑千四，路程算係射程範圍，排一檔亦可守好位，見佢今場刻意唔用韋達而用萬成，韋達剛剛先騎過117磅既豐裕，應該唔關個磅位事，而萬成又無騎一切順利，我估佢今次會係交代時候，只要臨時唔係一面倒，半熱至半冷都應該可以優先留意；而今場本來屬意增程既飛劍，見佢上仗賽後停過下八日課齋游水，埋門晨操時間又唔夠好，所以雖然等左佢增程好耐，但仍作配較為穩陣，一切順利雖話可能係萬成放棄，但三戰俱有走勢，兩殿一第五，此駒我幾睇好佢前景，三班會有能之馬，目前有分係手，雖排外檔仍可作配；威霸龍千二嫌短，今場千四應該好d，近仗亦算穩定，唔用見習生而突然換上馬偉昌，賠率應不會大幅下降，可視為今場半冷腳！

第六場：水中寶上賽輸俾突然神勇既哲學家，今場雖然又係同程碰頭，但哲學家極之失準，未必能再有贏馬走勢，再者今仗有靚仔騎既三刀王和加州好運爭放，哲學家估計不能輕鬆帶領，水中寶既優勢比上仗好好多，而水中寶上仗賽後操而不戰，特登等番泥地千八先上陣，仲要book埋韋達，雖然排係十檔，但有上面三隻扯開少少，韋達走位又咁醒，應有機會cut埋黎，好泥濕泥都證明過，在此有力開齋贏馬而回，穩位望贏格；百利旺今年打比馬，本身跟本未得住，跑打比只係志在參與，上仗係嫌短田草千二出賽，遇上黏至軟地，卻見佢後上跑得唔差，看來三班應該有著數，今次馬上轉黎泥地千八，或許能有意外驚喜，能未有表現下入選打比，應該有d料到，今場冷腳；甜在心頭前仗仍在此程入位，屬首本路程，評分已高，但仍有力闖入一席；千禧之光八歲老馬蘇保羅仍肯收，再加上今場柏寶棄萬勝峰而就，應有點睇頭，此程係合適路程之一，拖一票無妨！

第七場：今場應該係幸運寶貝和皇仁飛駒之爭，兩隻真係都幾難選，皇仁飛駒十檔佔優，但我卻較喜歡幸運寶貝噸位重過皇仁飛駒近一百磅，跑短途噸位重d有著數，而且我一向都喜歡勝哥多少少，一於捧佢三連捷，首選；次選當然係皇仁飛駒，上仗頭馬燈膽王再出都贏，雖話輸得遠，但水準不算太差，和前駒同屬當起質優，有惡鬥；紅衣財星算係第三勢力，近況水準穩定，和前兩駒質素雖有距離，但應該有能力跑贏其他對手，今場就搏這三隻大熱返黎，十蚊單式三重彩玩下都好！

第八場：得多多前仗以三歲馬負百三磅跑同程贏勁財寶之走勢，升二班應該足夠應付有餘，估計今場如果係蘇銘倫策騎必又熱至十幾廿蚊，雖然杜鵬志差成班有多，但今仗只負118磅，排位又抽得好檔，相信以馬論馬贏面應該樂觀，再者杜鵬志雖然差，但跑千二排三檔，只要守好位返黎一衝便交到功課，見習生都做到既野，杜鵬志應該都應付到，而且由佢出策分多少少，值得捧場，照捧可也；紅旗威揚同系馬有不少泥地好手，雖初跑但都要搵來大師傅萬成出策，應有出擊之意，四檔好跑勿輕視；加州皇子同程亦有佳績支持，續配徐君禮輕上加輕，雖排劣檔但有速度可望克服，三甲有望；一出必勝同程一戰得亞，二班會係能力範圍之內，易配馬房愛將馬偉昌亦無不可，有班有路程，可作配！

第九場：贏得好上仗久休復出，在不利後追場地下仍能追入第四，算係有交代，今場換上會較喜歡守好位既柏寶，排五檔應該唔難做到這點，出賽至今六戰雖然未勝，但除上仗久休後跑第四外，其餘俱入三甲，準繩度極高，四歲馬正值盛年當打，有過一場熱身應該有更好表現，屬坐位望贏之選；水晶皇轉投葉楚航後，於兩仗不合適路程出賽，但俱由萬成出策，今場回師田草千四，好跑好多，萬成繼續效力，應是試準而來，有半冷機會；預計有雨，得日戰鬥力便大大提升，杜鵬志出策唔會熱得去邊，變化場地下正路配腳；落雨亦會對一路贏有幫助，上仗贏到無得追，排檔好亦有力憑地利放入一席！

第十場：高暢投大摩後四仗俱跑得唔差，今仗易配較唔起眼既賴維銘，應有點分頭，馬房志切交代，路程亦合，場地應付能力廣乏，在此可看高一線，可吼之；駕進連仗入位，態在勇點，續配萬成應會再見追勁，千八亦合適，三甲要闖一席不難；闖關東有質，但上仗爆冷今場算係追寶尾，兼又續負重磅，作配較穩；其餘可選得上手既馬不多，確叻寶算係較為可靠而又會有分頭既一匹，雖已見盡，但路合近況尚可，可搏一席半冷！

總結：
第一至四場：放棄！
第五場：寶威軾、飛劍、一切順利、威霸龍
第六場：水中寶、百利旺、甜在心頭、千禧之光
第七場：幸運寶貝、皇仁飛駒、紅衣財星
第八場：得多多、紅旗威揚、加州皇子、一出必勝
第九場：贏得好、水晶皇、得日、一路贏
第十場：高暢、駕進、闖關東、確叻寶

nithan

引用:

原帖由 JockeySmart 於 2006-6-8 03:38 PM 發表


早少少交低少少心水～

快而勁 : 上週泥閘勁到爆炸 , 起步即彈甩馬群再一放絕塵 , 姿態從容到痺 , 季初短途錦標能跟「步步勇」串Ｑ , 而壓倒「金岡盃」及「電光火力」等一百 ...

快而勁泥地當起時一戰排五檔但輸得遠, 於泥地上未必能發揮最佳水準, 我有少少介心! 同時得多多贏面唔差, 用這匹挑你應該可以還番杯奶茶俾你! :014:

nithan

引用:

原帖由 cissp 於 2006-6-8 03:48 PM 發表
For this Sat - 10 June

At first glance, 萬成 seem very outstanding

GO for 4x11WP R3菠蘿飽 x R5寶威軾 x R8紅旗威揚 x R9水晶皇

寶威軾, 紅旗威揚和水晶皇三隻都唔錯, 但菠蘿飽千二好似嫌短, 未必得住!

cissp

Brother Nithan - thanks for your analysis !
Seems like our choices are quite similar this time, hope I can win back what I lost this season la !

R1,2 - skip

R3 - WP 菠蘿飽
(reasons: 1. 韋達 not riding, but 萬成; 2. There is 1650m on 28/6, so why 蔡約翰 chooses this race?)

R4 - WP 齊齊發
(if too hot, then skip)

R5 - 寶威軾 > 大滿貫+一切順利+得眾

R6 - want to try $10 WP on 逍遙派 because of good draw, American horse and name of the horse owner

R7 - 皇仁飛駒>紅衣財星+幸運寶貝

R8 - 紅旗威揚>新東武士+得多多

R9- 水晶皇>贏得好+多利到+快捷勝

R10- 高暢>奮鬥心+闖關東+一口田

yelo@411

好...咁就跟nithan兄整番條大摩三寶先(保多絛3X4W,驚佢蝕水...嘻)

kc10412

分析好詳細...得多多合晒心水, 泥地性能出眾磅又輕。

siu_ma

又要買波又要買馬，呢期忙呀，呢排黑仔到暈，冷氣機、手錶、psp全倍都壞，所以今期純支持

第七場：皇仁飛駒、紅衣財星
第八場：紅旗威揚、加州皇子

唔玩鐵角，單頭 Q  同位置Q 2串3:017:

keith131

第一口孖t 有多寶 刨左陣 貼上 第三四場心水
首先在場地方面，今日黑雨 天文台亦預料聽日有雨，場地應該會跑黏軟地。
再加上季尾多數利放唔利追，所以三四場都揀o的放頭馬比較多。
泥地方面，今季都係利放頭多，再加上如果臨場都有雨，要追更難。

第三場 1.大喜訊 拖 5.三生有運 6.滿高 8.陽明統帥 9.精駿 12.多謝
第四場 4.齊齊發 拖 2,輕而易舉 6.快達 10.劍追風 11.凱旋煌

五蚊一注 total 300

nithan

成績表：
第一至四場：放棄！
第五場：寶威軾、飛劍、一切順利、威霸龍 W, Q
第六場：水中寶、百利旺、甜在心頭、千禧之光 W, Q $277.5, T $2,933
第七場：幸運寶貝、皇仁飛駒、紅衣財星 W
第八場：得多多、紅旗威揚、加州皇子、一出必勝 :006:
第九場：贏得好、水晶皇[退出]、得日、一路贏 W
第十場：高暢、駕進、闖關東、確叻寶 PQ

水中寶個場就一如所料, 但估唔到係佢自己放返黎! 而得多多可能濕泥唔掂, 一滴都無, 極失望! 贏得好上次輸遠以為只係休後初出而非黏地唔得, 今仗看來真係少少變化都唔掂, 又係一滴都無! 位置過關就斷這兩隻, 又衰一鍋! :022:

nithan

引用:

原帖由 JockeySmart 於 2006-6-8 03:38 PM 發表


早少少交低少少心水～

快而勁 : 上週泥閘勁到爆炸 , 起步即彈甩馬群再一放絕塵 , 姿態從容到痺 , 季初短途錦標能跟「步步勇」串Ｑ , 而壓倒「金岡盃」及「電光火力」等一百 ...

一注夾到應, 果然高手, 又輸多杯冷茶添.....................:022: