扑鎚啦! 熱熱地要第六場喜樂趣啦! 務求要再捷, 為本帖省靚招牌, 成為名氣品牌之一 :014::014::014:
第六場: 喜樂趣
此駒乃希斯遺留下既大寶藏之一, 上季係希斯手上跑至季尾才漸見成熟, 最尾個兩場只係輸俾馬友寶和時分秒等之輩, 已見份量, 今季成熟更兄, 深信必能大放異彩, 在四班已可以話係超班, 今仗更負到113磅最底磅, 簡直係著數到暈, 上仗本亦有機會取勝, 可惜受困錯過了一次贏八倍超值賠率既機會, 今次可能已經無咁好分, 但馬實在太超, 熱都照買! 因磅輕, 可用大師傅選揀不多, 白布朗也算是一個不錯既配搭, 騎後上馬也有一手, 今次由於對手不強, 而且馬實力又足夠, 所以轉入直路索性掟出大外檔衝仲正, 起碼叫蝕得起, 若貪心走中內欄, 怕又會被困, 到時真係偷雞唔到蝕把米, 不過這都是我個人既想法, 點跑當然由白希朗去決定, 希望唔會再出錯吧! 初步我介定佢賠率會係三至五倍之間, 有隻福星拱照係度, 應該可以扯散少少飛, 但我己決定不論咩賠率, 都必然係單win之選! 我對佢好有信心! 同馬房同日仍有不少實力馬, 各位可以自己多加留意, 例如原路人, 乖巧和馬照贏, 當中我對馬照贏都有d憧憬! 講番今場主要對手當然係新勝同程既福星拱照, 大家都係有虛分既馬, 今場係五五波, 但係喜樂趣卻能受讓十二磅, 所以已佔有上風, 估計福星拱照可予威脅, 但仍是喜樂趣勝望較高, 另一隻開心錢, 巫斯義有主任馬房既德裕之勝無騎, 為開心錢效力, 真係唔知這對馬搞乜, 所以拖埋就最穩陣, 今場我諗QT拖福星拱照, 開心錢和德裕之勝已足夠, 重心當然係簡簡單單買喜樂趣獨贏啦!
[ 本帖最後由 nithan 於 2005-12-15 06:36 PM 編輯 ]
