上次貼兩隻一win一第二, 成績雖算唔錯, 但贏唔哂兩次則有點美中不足, 今次破天荒貼三隻, 希望再有好成績啦!
第二場: 喜樂趣
喜樂趣應該有唔少人知道為本人銀行馬, 今季三場俱未能入位, 近兩仗更熱到得三倍, 但不但未能贏馬, 更位置都無, 然而我沒有失望亦沒有低估其實力, 今次易配戴勝將會係致勝關鍵, 且亦能從中看到幕後不滿白布朗既情況, 故易配後勁型既戴勝, 必會有更佳演出, 應該係見真面目既時候! 至於場地方面, 谷草亦曾接近, 場地性能問題不大, 我對其信心可謂有增無減, 今場對手比上三場都弱好多, 加上接連兩場熱倒, 已嚇退唔少人, 今次熱極都會有個譜, 排個十二檔配戴勝, 相信更可令鞍上人一心一意留到包尾, 等直路再展車輪鞭, 一鼓作氣後上殺敵, 今場單計質素, 根本沒有甚麼最強對手, 所以我不作配腳推介, 大可單win捧之!
第六場: 鑽飾年代
此駒今季轉為後上跑法後, 首戰即爆出冷門, 其後一仗白布朗卻跟在中斷競跑, 結果表現未如理想, 但經此一役亦證明了此駒要留前鬥後方能發揮出其威力, 之後接連兩仗白布朗都能做到留前鬥後, 可惜先後俱遇上自然好, 只得一季一殿, 但敗不足辱, 跑第三個場受困, 遲望空卻能和有資格幾乎同到, 第四個場則和自然好的勝負距離縮近至一個馬位, 其後再跑兩場賽事, 分別係谷草二千二和田草千八, 兩項俱非強項, 大有可能因接連入位已引來不少注意, 若馬上又跑谷草一哩就會熱得乏味, 用兩場黎洗下底, 間成兩個月先再黎谷草搵食, 可謂用心良苦, 目前隔夜有成十三位, 唔知幕後人合不合胃口, 但卻甚合我意, 就預臨場有飛落都相信有一定分頭, 正合我一win三place既策略, 可冷敲! 拖腳可選有底質既晨曦彩虹和另一後勁馬打邊爐!
第八場: 自然好
此駒上次贏馬一役曾推介, 可謂不負所託, 輕勝而回, 更跑出1.39.70既好時間, 姿態比想像中輕鬆兼時間比想像中快, 的確有更進一步之感, 季初曾一個月內三捷, 今次小休半月, 體力應該不成問題, 今場加八分而只多負四磅, 影響不大, 對手無疑比上仗強少少, 但並不算是大幅增強太多, 只算略為增強而矣, 以自然好的實力和進度, 應足夠應付有餘, 而且本身唔怕蝕位, 最緊要係轉彎時能咬緊前列位置, 故此排九檔有利而無害, 可安心等入直路能有望空位置競跑, 而不需要左穿右插, 再加上只要再贏埋今場, 便大大增加了贏取跑馬地百萬大元獎金的機會, 兼且本身馬主今季又旺鬥志又佳, 所以今次再次推介, 屬坐位望贏之選! 最強對手應為勁好聲, 由冼毅力變蘇銘倫, 戰鬥力大大增強, 冷腳為威騏, 雖然千八比一哩好, 上次輪一場一哩, 馬上由四倍變廿倍, 今次載番個眼罩, 分分鐘可闖入冷位!
