nithan

引用:

原帖由 yickchingw 於 2006-6-28 10:13 AM 發表
韋達兩隻同永同之寶都ARM心水..
點睇納帕?

納帕星期日已報左名, 今次補出可加位留意, 只係未必俾佢慢放到, 而且呈祥有底質兼且全程可咬住佢黎跑, 贏應該唔易, 但三甲可考慮!

nithan

成績表：
第一場：永同之寶
第二場：呈祥、更奇妙、晨曦彩虹、手袋精英
第三場：鴻運至尊、幸運派彩
第四場：夠信心、真叻仔、英明大師、綠駿之威
第五場：高暢、時分秒、安翹、確叻寶
第六場：幸運鑽石、功力勝、先機、友誼第一 :006:
第七場：藍基因、青蝠王、我來也、黃鑽石
第八場：森威力、機緣之都、上海金、鑽飾年代

森威力跑來加速力欠奉, 睇黎下季要再跑長d, 千八都稍短! 目前評分必有頭馬進帳!
幸運鑽石排靚檔, 入直路竟然飛埋出去, 輸形勢, 下季樂觀!
藍基因輸少少, 又係飛出去衝, 不過黃鑽石仲蝕, 明顯質不如人!
夠信心已唔到毫無錯漏, 但入直路望空卻一滴都無, 失望兼不明!
唯有寄望最後一次沙田賽事啦! :017:

nithan

引用:

原帖由 siu_ma 於 2006-6-29 11:18 AM 發表
nithan 兄，禽晚有冇執返o的？ 我今年最甘就係禽晚，由頭輸到尾:020::019:

俾佢執我d骨就有! 無陰公!
呈祥和鴻運至尊中W但買得少, 到夠信心買多d時諗住過口三關, 佢個富貴係威係勢, 但入正直路就一滴都無, 將之前兩W既輸埋! 跟住搏時分秒WQ又無! 幸運鑽石諗住贏得, 齋W又輸, 再搏藍基因W棄Q, 又輸個鼻! 尾場森威力WQ買, 埋場谷住拖冷腳, 三重彩都中, 不過係買Q唔係T呢! 死PK! :angry::angry:

nithan

引用:

原帖由 siu_ma 於 2006-6-29 01:20 PM 發表
頂！岩岩睇報名表先睇到鷹隼原來報左星期日2班賽跑1400米，早知係咁就禽晚唔買啦，依氐尬w玩:022:  唔通又係15/16唔買唔舒服？:dumpfound

應該係15/16, 唔"輸"唔舒服! :014::014:

nithan

引用:

原帖由 名劍風流 於 2006-6-29 01:18 PM 發表
俾心機起尾注,我到時跟晒你買:014:

引用:

原帖由 kinyeung 於 2006-6-29 01:30 PM 發表
大家最後賽馬日都要都力哦!

咁大家努力d睇清楚d刨啦! 一齊努力!! 不過明後兩晚都要睇波添! :014:

nithan

最後一次賽次，已俾足心機刨和寫，希望有好成績吧！睇下標唔標到尾會！是日熱門推介富貴玲瓏、皇帝出巡和永利好，冷推佳景飛駒！

第一場：富貴玲瓏四班必有能力，更何況三歲續有進步，所以神仙係肯也不為奇，神仙收貨後馬上係千二出手，一來想試馬二來想貪賠率，神仙一向都係喜歡由短出手，接著再跑千二用韋達，明顯係想整估人，所以輸一場不奇，上次終於正正經經報場一哩，守中段後上第二，輸比我心目中既「超班馬｣喜樂趣也不算差，只係稍嫌贏第三名飛來寶太少，但整體時間係四班尚可接受，今仗匆匆一星期後再戰同程，對手當中已無喜樂趣之輩，加上有過一次經驗，應有更佳表現，更何況此類馬雖熱但不會乏味，三倍以上已值搏獨贏，可WQ投注，膽材；瀟灑王子千四最正宗，千六只算恰可，但近況係好地下仍算有追勁，今場雖然負重上陣，但對手和近幾場相比，已減弱不少，用高雅志亦夠硬淨，看看能否藉對手減弱下，後上爭一席位置；風火輪叫做由一班減分減到落四班，但其間只跑過十三場不算多，只係健康曾受挫，今季初係蘇保羅手上更已可密密跑，看來健康問題已解決，季中因仍未有成績而轉投苗禮德，結果第二場便於二千二輸個幾馬位，乃本身和頭馬最短距離，接戰二千強配韋達，但仍失望而回，上回縮至千八用馬偉昌又未得，今場跑番一哩用史科菲，係外地曾兩勝此程，看看是否找對出路，加上估計近仗持續用大師傅上陣，而非用見習生減磅，估計係想搏只係未開到竅，今場勢成冷門，半冷佳配；八對半千六偶有佳作，前仗便在鄧迪跨下跑入冷位，今次再配此君應收人馬合拍之效，同場可揀得上手既馬不多，應有點機會闖入三甲。[富貴玲瓏應熱可買單W，另作膽拖腳。]

第二場：御名燈上仗一出便惹來不少人注意，獨贏更熱至五倍，雖然最後只能跑回一席第四，但全程走勢不差，本身血統早熟，應會盡早交代，自四月初賽後只操而不戰，埋門再試課大閘省下佢，看來是想俾多點時間佢成長再謀出擊，本來一切已準備充足，可惜最後卻抽個十四檔，唯有考考鄧迪走位功夫，同時寄望憑本身較佳潛質克服劣檔；陽光上仗捉到正，可以隻膽常歡笑跑第三，論前景分分鐘比前駒仲高，但上仗幕後一注夾中爆出冷門，今場必無上仗之分頭，加上負磅增至131磅，對三歲馬有影響，然而排檔比此駒好，如能克服重磅兼唔怕追寶尾當屬首選，但我就驚驚地佢剛爆完再出，所以淪為次選；好到極千二最首本，上仗泥地大敗情有可原，今場負磅輕飄飄兼排檔四正，同場強手俱各有缺點，此駒輕磅或許能爆出半冷；密令神駒底質厚，近況賽後操得跑得，看來腳患受控，今場乃轉投黃汝安後首度強配大師傅，未知是否已介出擊之時，成冷咪走雞。[兩隻有潛質之馬御名燈和陽光俱各有隱憂，今場四隻互串較穩陣。]

第三場：今場快馬不多，皇帝出巡應可跟得較鬆容，上仗末段一望空增速力強，埋門更彈甩風雲浪子贏馬，今仗賽後兩星期再戰同程，馬本身仍處勇境，加上季尾對手較少，體力又佔優，估計係想藉這等優勢再搏一場，雖然和風雲浪子磅位來回相差五磅，但上場大家同樣守好位，入直路後發先至，輕鬆贏馬，看目前彼此能力，應該讓得起這磅位，連捷機會樂觀；風雲浪子接連兩仗屈居第二，首仗爆冷不成上仗成熱仍搏入亞冠屬好指標，前景樂觀，初戴眼罩表現如何實屬未知之數，但跑法主動排檔亦唔差，應可持續有好表現，有機會和前駒再串成翻版連贏；皇仁飛駒屬第三勢，四出兩冠兩季，評分未盡，此駒前速非快，增程二百會有正面幫助，分分鐘順序三隻返黎唔奇；新里程今場強手林立，理應成冷，實力級數俱輸一皮，但見萬成操一號種籽操到足哂，韋達無故走去騎隻三歲面對強手兼超分齡讓磅既極速之星，依我個人估計，有點似韋達棄騎刻意搵萬成騎新里程，新里程已見盡必不引來注意，反而韋達選騎質新馬會引來憧憬，所以萬成肯棄一號種籽應有理據，搏新里程為是場冷配無妨。[皇帝出巡屬膽材，搏一拖三單式三重彩，如新里程闖入一席便有得分下，另將本錢可投皇帝出巡W，如輸三重彩而中W都唔駛輸。]

第四場：雙T亂局，只想再追隻銀鑰匙，如賠率有所回升可小注搏單W。

第五場：放棄場合，頂多投注時代明星一W三P。

nithan

第六場：佳景飛駒如能留住衝一段，不可睇少其後上能力，賽前萬成操到十足，排劣檔可更全心全意留前鬥後，上仗跟前左都輸唔遠，今場換萬成必加強後上威力，加上自由鳥和加州好運等馬扯快步速，對其跑法極之有利，再者是場活力威有機會再成熱門，小心萬成先係真波，成冷要吼實；活力威屬四平八穩，但稍嫌均速，加速力不多，如跑千八會更佳，今場排六檔會安心留守放頭馬之後，繼續好位競跑，三甲穩陣；金獅勇將似係萬成一早預左騎佳景飛駒而分身乏術，論馬近況準繩兼當打，評分應仲有虛分，但易配杜鵬志偏弱，戰鬥力會有影響，限於作配；開心錢王兆旦都贏得之馬，係呂健威手上應不止一場頭馬，田草一哩經常跑得接近，近仗看似評分已盡，但只係輸谷草千八和泥地十三檔，今賽回師田草可重新考慮作冷配。[佳景飛駒如真的和預期一樣成冷，可冷吼單W及作冷膽拖Q或PQ，若然成熱仍可捧W但只需補Q而棄PQ。]

第七場：威猛情人有靚檔兼強配韋達，論馬必有評分係手，雖然分分鐘係一面倒熱門，但估計黃汝安似係想收鑼前做好個勢，此駒今季唯一一次用大師傅便大熱輕勝，今場也許再熱食一場；紅皮柚上仗上三班跑到一滴都無，今場難有信心，但見埋門試閘而來，而且走勢輕鬆吸引，有過一次三班經驗，可再給予一次機會，但限作配；代言人上仗輸黏軟地，賽績可抹去，今場跑番好正應可重新上名，起碼上仗前每仗俱有走勢，當打之馬恰可考慮；馬將軍上仗初跑千四，對三歲馬初出即跑千四有難度，早段完全跟唔到步速，今場排四場易配洗毅力，如早段能守好位，或有意外驚喜，前景不差。[威猛情人若熱得透贏面樂觀，可作WQ投注。]

第八場：開心之星上仗前已提過下季二班必有能力，但估唔到咁快係煞科賽即報二班，連外地只跑過八場卻已贏三場，加上一向覺得爆冷唔成既馬再出受注意下若能補中，評分必有大幅上升能力，今場排靚檔兼升班後對手未有顯注增強，若能和佳景飛駒一冷一熱起孖便好了，預計成熱但未至於一面倒，坐位望贏之選；壹子彈實力足以在二班立足，今場千六會比上仗千四好跑，但本身乃中長途馬，加上跑開已無新鮮感會嫌短，但季尾可選擇路程不多，慶幸質比對手優秀，三甲可期；尚方寶馬係外地出賽後休近一年才再係上仗出賽，三歲馬休咁耐即跑千四但仍見接近，應有一定級數，開氣後再跑千六預計會更好跑，霍達騎功硬淨有幫助，有力再跑得接近；小武士跑九場有六場入三甲，準繩可靠，今場增程而來，埋門頻試三段練氣，意識良好，但衰在抽個十四檔，寄望快馬不多下可跟住糖果精英切入黎守好位，若走位理想當有三甲能力。[開心之星路程和質素乃全場最四正，應可作膽，加上同場對手多有缺乏競爭力，可試一拖三單三重彩，不貪心則玩下WQ。]

第九場：哈哈妙初二班兼增程，表面睇有點難度，但在三班所贏對手具說服力，本身實力未盡，早前跑密左小休有助，最緊要功夫無停，是日神人實力馬眾多，可配合攻勢而來，有力三連捷；財到得勝上仗全面取勝優勢卻屈居第二，今場馬上換走黎海榮而易配當旺既王志偉，是黎海榮棄騎還是幕後棄黎海榮不得而知，但論卡士卻全場數一數二，前駒大敵；勁好聲負重用見習生減磅有幫助，九戰七入三甲，若作配棄之屬不智，本身應有點分頭，QT配腳；紙醉金迷中距離馬今場回路千四理想，上仗小休一千開氣仍強配萬成，看來試馬味濃，今場萬成續騎應有睇頭，冷勿棄。[哈哈妙若和財到得勝賠率差太遠，可搏後驅W，否則應以哈哈妙W為首選，另外可考慮小注紙醉金迷單W，或有驚喜，QT則仍是以哈哈妙和財到得勝賠率較佳作先決條件。]

第十場：煞科戰由永利好鬥好利威有睇頭，兩驅負磅只差一磅，亦是一起初跑一哩，乃真正實力比拼，主觀角度當然希望永利好贏，但客觀角度分析，永利好三歲讓四歲好利威一磅，先輸一陣，永利好由柏寶初跑，而韋達騎開好利威，再輸一陣，但慶幸永利好唔難騎，曾初配黎海榮下跑到亂亂地仍能後上輸少少俾當起之龍冠，加上永利好三月尾後便操而不戰，休養生息，雖然上月十三號因呼吸系統問題退出，但已馬上於十五號踱步，廿五號快操，埋門更試埋大細閘，準備功夫做足，反而好利威卻由四月至五月尾跑左三場，體力季尾佔重要因素，此消彼長下贏回一陣，只忌永利好排一檔會塞實，這要寄望走會雕鑽既柏寶克服，因為好利威排六檔入直路應可長驅直進，而永利好則要看騎師發揮和運氣，另一點係好利威自爆冷後每仗俱一枝獨秀，未受考驗，但永利好則試過遇著當打兼熱透既幸運戰駒和俊歡騰，仍能以較被看淡下贏馬而回，今場估計形勢相若，好利威不論氣勢和號招力都有壓倒性條件成為大熱，預許永利好會以次熱門姿勢出賽，回報率亦必較佳，所以在五五波既客觀條件和個人鍾愛既主觀件下，堅持以永利好作首選，好利威次選，希望永利好能打破好利威不敗之身；駕進近三仗在萬成跨下發揮理想，今場遇強分頭必佳，千六千八均屬射程，曾一度考慮過若前兩騎熱倒，此駒便有超賠率既贏馬回報，但最後仍不敢發夢，作回第三選擇；新力升上仗強手林立下輸得唔遠，算有交代，今次回師一班有卡士，但稍嫌少許回落，作配較佳。[單W支持永利好贏馬之餘，亦可買單Q，本人會再試下指定永利好第一，好利威第二，駕進和新力升守第三位，指定三三重彩小注玩下，考考眼光都好。]

nithan

總結：
第一場：富貴玲瓏、瀟灑王子、風火輪、八對半
第二場：御名燈、陽光、好到極、密令神駒
第三場：皇帝出巡、風雲浪子、皇仁飛駒、新里程
第四場：銀鑰匙
第五場：時代明星
第六場：佳景飛駒、活力威、金獅勇將、開心錢
第七場：威猛情人、紅皮柚、代言人、馬將軍
第八場：開心之星、壹子彈、尚方寶馬、小武士
第九場：哈哈妙、財到得勝、勁好聲、紙醉金迷
第十場：永利好、好利威、駕進、新力升