第五場: 黑鷹
前仗泥地因做唔到贏馬跑法, 沿途望空, 入直路更率先帶出, 以致後勁不斷, 但估唔到上仗又犯同樣錯誤, 一式一樣, 大概因為兩場都抽到中外檔, 加上騎師賴維銘未能克服檔位所致, 今仗抽番個五檔兼強配蘇銘倫, 斷估都唔會再犯同樣錯誤啦卦! 觀其贏馬一役, 留在中間鬥後勁, 如入無人之境輕勝而回, 此應該是目前最佳跑法, 可惜接著兩仗賴維銘礙於形勢俱未能再做到, 今場縱然快馬不多, 但檔位移入, 應該可以留到多少, 入直路才望空突圍而出, 馬有幾好已不用再多費筆墨, 相信話佢超四班已絕不過份, 加上蘇銘倫又超半班, 今場若然熱透應該可以輕勝而回, 同系馬谷草性能問題不大, 未成熟前已有渡江經驗, 相信移師谷草影響不大, 蘇銘倫早在五六號已親踱兩課, 一早已book定由佢出賽, 備戰周詳, 希望幕後暫不介意賠率, 但求穩穩陣陣贏多場! 不論馬質騎師路程俱壓一, 唯寄望鬥志一樣壓一吧! 首要配腳係初降四班的閃電駒, 用巫斯義死磅少, 在三班輸形勢下仍見經常接近, 四班惡氣足, 有力和黑鷹單Q而回, 次選要活國寶, 轉告仔上仗千二都撲上黎, 一哩咪睇少, 告仔漸入佳境, 可睇高半線, 再數落去要番隻奇寵, 跑法主動有著數, 初戴眼罩或對此死步頭馬有幫助, 單win加一拖三, 希望一場搞掂佢啦!
第三場: 開心假日
剛刨緊第三場, 發覺隻開心假日突然用巫斯義不容忽視, 今場過關博士扯開哂d飛, 開心假日前仗谷草一千以快步速自己領放, 結果最後一百才力弱, 輸俾原路人只兩個幾馬位, 上仗再跑谷草一千, 因放唔出且全程外叠才散, 今次118輕磅都要用巫斯義, 而且巫斯義亦要刻意特登減磅, 可謂騎練都極有誠意, 排五檔有利其跑法, 增千二更可以較易放出而不用太急, 加上快馬非多, 如能俾走輕輕鬆鬆放頭, 入直路能過佢的相信並不太多, 迄今只跑三仗, 有極大進步空間, 去希斯首仗即安排出戰新馬精英班, 可見自視不弱, 轉李易達後並不急進, 順其自然, 以前仗的出色表現, 加上強配巫斯義又增程, 相信應有一定機會, 目前有十倍左右, 可吼之! 對手方面, 過關博士雖熱, 但上仗連仗搏失, 必拼個明白, 前駒大敵, 至於紅衣凱旋田草級數較高, 移師谷草對手減弱, 但排檔差作配較宜, 而馬必威應有一定質素, 只係未到時間, 杜利萊摸實唔肯放手, 可視為大冷腳!
[ 本帖最後由 nithan 於 2006-1-10 03:17 PM 編輯 ]
