kinyeung

第8場霍達累事..........冇野好講,佢竟然擺將軍前面走...........

sssstttt

引用:

原帖由 kinyeung 於 2006-1-15 16:15 發表
第8場霍達累事..........冇野好講,佢竟然擺將軍前面走...........

其實佢今場都係睇住 4 做目標黎跑, 如果將軍用番上次既跑法, 一定有 place

(不過呢個都係個人睇法)

Vincent~~~

勁,再中11喜利多

kinyeung

15/1賽馬日"kinyeung馬膽心水"成績總結

勝出 : 6/19 (32%)  入位 : 10/19 (52.63%)

第1場    新石磨藍   :   第1 [Win : $88.50 Place : $26.50]
第2場    紅酒至尊   :   第1 [Win : $27.50 Place : $15.00]
第3場    紅酒甜心   :   落第(12),純粹冷博
第4場    東方遊戲   :   第2 [Place : $16.50]
第5場    新力升       :   第1 [Win : $39.50 Place : $15.00]
第6場    利是錢       :   第1 [Win : $83.00 Place : $19.00]
第7場    將軍           :   落第(4)
第8場    真好𤪻       :   落第(7)
第9場    喜利多       :   第1 [Win : $29.50 Place : $13.50]
第10場  魄力之城   :   落第(12)

3個賽馬日每隻心水跟WP,0底金起家,共WIN$131.5(夠食4餐飯ccc).下次試下提供Q,QP,T俾大家參考....


第1場新石磨藍輕鬆勝出,比上場進步甚大......如加分不多,勇態持續,再追擊亦無仿,田草一千為最佳路程.

第2場紅酒至尊沿途走三疊,入直路中檔直追前面2隻 放領馬  榮利俱全同陽明先鋒,最後以1.22.6秒前過終點.要再贏不易,只要有態仍是馬膽之選.

第3場紅酒甜心尚未跑出狀態,有待跟進.

第4場東方遊戲沿途走蝕位,直路抽出大外檔追,最後仍得第2,估計加分不多,如狀態佳跑田草1400仍可留意!

第5場新力升大勝而回~擊敗永利好.......憑質素可見上一班........但估計加分甚多,再出要勝不易~除非而對較弱一班馬,才有可勝之因!

第6場利是錢田草1400仍可追捧!

第7場將軍,霍達擺得太前,呢隻馬唔識轉灣,所以抽左出去,最後力有不繼被內檔有聲氣過頭.此馬換騎師可望有大發揮...

第8場真好𤪻今場見底,,,,,,,,,再勝尚要一段時間減分.

第9場喜利多今場勝出,估計會加相約分數,變相再出會加磅......只可作膽選.

第10場魄力之城,今日全日不利後追......留得太快,C+3,C欄會對此馬更有利.

[ 本帖最後由 kinyeung 於 2006-1-15 06:52 PM 編輯 ]

kinyeung

今晚推介

第一場  高明王 (WP): 同場惡馬不多,此馬1000-1200米途程特佳,出賽23次,共得1冠1亞4季~全部都係呢個途程奪標.
上場配白布朗,再前一場配韋達,兩場都騎第3番黎,證明呢隻馬只要有位發揮得好後勁既騎師,就好有機奪冠.....今場離上賽有1月左右~配萬成輕磅上陣,而且仲有個2檔...........同場金玉駿駒上仗表現有問題,但今仗亦要留意!!

第二場  過江龍 (WP): 上場此馬敗於慢步速手上,過終點只得第2,賽後只加了2分,雖說再出太快,但佳態仍續.今場改配韋達..
同場惡馬利駿寶上場偷雞成功,今場唔會再有機會!!

第三場  飛快贏 (WP) : 上場態弱,但仍能在1650米谷草力拼第2,可見潛力不少.雖然鞍上人仍配桑迪斯,但上場都係佢騎生隻馬..而且上場賽後呢隻馬加得3分...但係質新馬見光.............又有倍率...抵買!!!以往8場都係最近呢場先跑番個第2~!

第四場  愛得威,喜樂趣(建議Q,QP) : 喜樂趣雖然大勇.........上場跑第3加分不多,但愛得威呢隻3歲馬連贏2場,仲未見底.........睇黎呢場都係 此倆之爭........

第五場  驍勇奔騰(WP) : 呢隻馬上場129磅大外檔起步......搵唔到位入內欄,沿灣走3疊,直路飛出去蝕哂位,最後都輸4 1/2馬位跑第十番黎~睇到呢隻馬只要留到有利位置衝番黎,就3甲穩入.......今場仲排2檔,天助此馬.

第六場  影之武士 (WP): 上次出賽已經係11月5號既事.......有2個月充分準備部署呢場賽事,今場配洗毅力~因為呢隻馬開齋係谷草1200米....仲跑出同場第2快既1.09.9秒時間....不過呢隻馬出過6次賽事咁大把..而且今場賽事118磅1檔....
谷草1200米C欄內檔佔極大優勢....此馬可望再打開勝利之門.

第七場  好輝煌(1) 富有心得(2) 卓暉(3) (單T,三重彩.  Q,QP互串): 富有心得上場跑第2,輸俾隻至勇名駒冇加分,今場3檔配蘇哥,再次力爭第一. 好輝煌上場田草1200米大勝4 1/2馬位,深不可測. 卓暉改配 洗毅力,可望交出成績.

第八場  大贏家 (WP): 上場1800米谷草大勝3 1/2馬位.今場面對3班馬,明顯超哂班........鋼鋼鋼鋼鋼鋼鋼鋼鋼鋼鋼膽.

[ 本帖最後由 kinyeung 於 2006-1-18 06:47 PM 編輯 ]

kinyeung

萬成真係令人又喜又悲........停賽都應得=.="""大家睇到第2場佢點騎嘛?

Vincent~~~

成日都係咁,蠱蠱惑惑,跟得蔡神多,hehe

kinyeung

[18/01成績] ：
第一場  高明王 : 第二 [Place : $16.00]
第二場  過江龍 : 第三 [Place : $34.00]
第三場  飛快贏 : 第二 [Place : $19.00]
第四場  喜樂趣 第一,愛得威 唔見影 (第10),被愛得威斷左過關飛=_____="
第五場  驍勇奔騰 : 第三 [Place : $26.00]
第六場  影之武士 : 第一 [Win : $39.50 Place : $15.50 ]
第七場  卓暉 : 第二 ,好輝煌 : 第四  富有心得  : 第五.........呢場抄哂
第八場  大贏家 : 第二 [Place : $19.00]

4個賽馬日每隻心水跟WP,0底金起家,共WIN$140.5.

勝出 : 7/25 (28%)  入位 : 16/25 (64%)

可追擊馬 : 飛快贏  愛得威  過江龍  驍勇奔騰  好輝煌  富有心得  大贏家

[ 本帖最後由 kinyeung 於 2006-1-19 06:30 PM 編輯 ]

kinyeung

第八場  董事杯初步分析
1號牛精福星(首選)1 : 上場留守馬群中後方,直路在馬群中展開衝刺,但該場此馬仍未到最佳狀態,且此馬特愛外檔殺上,跑第4輸給超班馬三連冠不足為奇.今場平磅賽分數,磅數佔絕對優勢,抽得5檔,可望沿途留在馬群後方1,2疊留守.此駒今場狀態大勇,亦曾遠征日本東京馬場得第4.今場3甲穩入,奪標機率有5成.

2號金碧明珠 : 此馬1800米-2000米為最佳路程,1600略短,而且從未出戰1600米,有隱憂,但仍可入位.

3號風雲小子 : 未到佳態,同場惡馬眾多,只能陪跑.

4號星運爵士 : 狀態持續生猛,但仍有不足.奪標希望微乎其微.

5號勁闖 : 今場抽得14檔,狀態雖有,但平磅賽估優不多......入位機會仍有.

6號自由行(次選)3  : 此馬擁有1600米-2400米競走能力.回觀沙田錦標,此駒由鄭雨滇策騎,留守後方,直路展開強勁衝刺,擊敗所對手,跑出1.34.2秒時間.雖說該場有118磅之利,但面對牛精福星,勁闖,爪皇凌雨等對手勝出,已殊不易.今場可望跑入3甲!!

7號天仲之寶(次選)2  : 此馬積極備戰1600米賽事,近5場1600米賽事,跑出3-0-1成績,1600米實力非凡.近2場更先過牛精福星過終點,其後勁與牛精福星不相伯仲.今場續配蘇銘倫,明顯衝著冠軍而來.此駒與牛精福星更休養一個月多備戰,體力絕不成問題.但13檔之劣,有望蘇銘倫發揮.

8號綠色駿馬 : 此駒狀態甚佳,今場抽得6檔,但平磅賽佔優不多,初配鄭雨滇,不太看好,但仍屬冷腳之選.

9號高智慧 : 狀態不及當年勇,陪跑居多,配萬成亦無補於事.

10號開心精彩 : 慢放表現特佳,但同場有土星,估計步速會屬普通,亦有12檔之劣,不看好.

11號土星 : 狀態回落,非首本路程.........陪跑居多.

12號喜蓮戰略 : 1200米-1500米路程特佳,從未在港競跑1400米以上途程.......狀態中上,評分蝕抵,不看好.

13號富盈 : 持續大勇,上場1400米三級賽僅敗於燦惑蹄下.....今場有3檔之利,此馬興牛精福星同父,應具備1600米能力.
3甲可期!!

14號豐富 : 狀態大勇,1600米為首本,今場2檔之利,但初配霍達有隱憂~配腳之選.


個人意見,大家多多支持=.=v

[ 本帖最後由 kinyeung 於 2006-1-20 07:19 PM 編輯 ]

nithan

引用:

原帖由 kinyeung 於 2006-1-20 07:12 PM 發表
....豐富 : 狀態大勇,1600米為首本,今場2檔之利,但初配霍達有隱憂~配腳之選....

初配霍達問題不大, 我相信好過用洗毅力, 後上有力闖冷位!