愛的彩虹

褪色既大賽日，再加上變化地之下舉行，難免有點失色，再加埋競賽小組再一次做出令馬迷失望之決定。”快而威”之是否獲公平出閘，大家心中有數，馬兒根本在完全未準備好情況下出閘，再加上助理捉住馬兒時已開閘廂，試問這種”掠水”手法如何令馬迷再對賽馬有信心?世界杯在即，大家可能已經專心研究分組戰況。

第7場

     “爆冷”力邀金毛獅王協助之下終贏下第一場非分齡之本地一級賽，馬兒講真成熟程度還有所不及，臨場沙田所見還見急，正如鞍上人賽後所講，馬兒暫時只能說剛夠長力，甚至要有形勢幫助才贏2400，但在純跑質素下仍有如此表現，看來下季長途香港希望之一。”自由行”看中段急速墮退真嚇馬迷一驚，幸最後仍態鬥心追回一席Q腳，大摩繼當年”開心人”﹑”有性格”後，再一次在遮打杯埋Q，但事後既受傷又惹來馬主不滿而轉馬房，且看新馬房能否保持馬兒水準，但個人來說不大相信新任馬房有培育高班馬之技術。”精梳王”轉彎時已一度被甩開，9隻馬轉彎實在不用篩得太出，結果力追不及，再一次不敵事後發現有傷的”自由行”，印象中”精梳王”在與”自由行”的沙田對戰之中未試過先過後駒過終點。”風雲小子”拼搏已太多，本身亦冇進步，配種去比較好。

第8場

     “天域”一開始便燒了一段，後來其實有點”托大”之嫌，不過此馬不時終點前慢車亦是事實，但亦証明了在此班輕磅威力依然。”安進”反覆試準後終於一注夾中，但飽食後下次隨時又會走樣。”夠信心”一如所料，唯一可輸之跑法就是俾”天域”搶去放頭位置，此馬一被人奪去放頭地位便不大曉跑，跟”天行者”那類馬其實一樣，所以看來要計準形勢方可熱捧，本身不算特別有鬥心。”有作為”跑濕地完全走樣，各位如細心留意賽績便不難發覺此馬一係贏晒，一係好多時連P都唔會有，所以下注時買單W是最慳本戰略，論馬還會有頭馬見面。”金獅勇將”今次用回上仗跑法便會變成縮得太後，無可否認一樣純為場地致敗，看來此馬已進入穩定期，再出依然要留意。反而”威猛情人”上班後一連兩次跑不出水準，兩次都未能在有利形勢下作戰，看來要等利後追的形勢下才再留意。


第9場

     “勝利雄威”型靚態好，但輸在騎者騎後勁還未夠班，埋門一步僅追不及，榮仔連續2場短距離第2，看來火喉還要再磨練。論馬此馬還在進步中，二班肯定有馬贏。”零用錢”增程冇遮擋下又變回全程放頭，自己走晒，完全跑錯下竟能捱回一席第4，表現其實比之前兩場更搶眼，確認馬兒大輻進步，此分數絕未會停步。”闖關東”熱身一次後加程200即能贏馬，神仙蔡之功力真令人佩服，看來馬兒還有進度，下季在更高班次可能更有可為。”駕進:論馬沙圈所見全場最fit，但追勁不及同場對手，明顯質素分野，正宗二班馬而已，下季季初態較佳體力下可能還有一場頭馬。”另具一格”贏”再戰群雄”之役已用盡，元氣大傷下現分數已無可為。”糖果精英”分數亦太過。”金太陽”一遇變化場地即跑不出水準。


第10場


     賽前已分析出”好輝煌”竟然敢上次被技術性擊倒下再來，搵牌仔減10磅再抽到1檔，全心偷雞，現在只可以說是功敗垂成，但本身成就亦必夠2班。”好利威”讓前駒16磅，還要在轉彎時被頂出去，pick up後未夠兩步便拍住”好輝煌”，此時韋達已收韁，學足蘇仔做出飛吻動作，馬兒再一次在劣勢下收韁過終點，實在非常厲害，論馬本身馬王級質素再一次肯定，只是下季進度能否讓其輕勝大賽而已。再加上馬兒本身步頻不算太密，看來1400亦未必是其最佳路程。”勁好”今次終於入位，証明上次萬成哥之跑法真的令人莫名其妙，馬已回復應有狀態，今次敗於極強對手實屬合理。”新強之寶”狀態好場地好，都只能追回一個梗頸，要回師谷草遇較好形勢較差對手才有把握。”真好野”一早指明質素已差不多，贏既只係今季未出頭之”鐳射寶”，水準不足以在二班言惡。”財到得勝”斷纜亦屬意料中事，今次完全用不到上次甚至贏馬時最佳之後上跑法，論馬已搏得太多，再搏可能亦只能多添幾場位置。”威成”又一次近而無威脅，看來要進度再多，或者分數再減，甚至谷草中距離亦可一試。

winpiu

。”好利威”馬兒再一次在劣勢下收韁過終點，實在非常厲害........評磅員只加佢8分@@擺到明益蔡約翰

愛的彩虹

引用:

原帖由 winpiu 於 2006-5-30 11:24 PM 發表
。”好利威”馬兒再一次在劣勢下收韁過終點，實在非常厲害........評磅員只加佢8分@@擺到明益蔡約翰

哈...都係呀...而家既評分員都係咁...齋睇距離唔睇姿態既...佢贏得唔遠...所以加8分...但係其實佢既難度咁高...至少都應該好似"爆冷"咁加番11分先合理...

ty2302

引用:

原帖由 愛的彩虹 於 2006-5-30 23:30 發表


哈...都係呀...而家既評分員都係咁...齋睇距離唔睇姿態既...佢贏得唔遠...所以加8分...但係其實佢既難度咁高...至少都應該好似"爆冷"咁加番11分先合理...

其實番查之前幾次 , 好利威都唔係加好多分 , 0尼次加8分 , 我諗現時評分仍然有利 ...

yelo@411

隻馬保持進度.來季過硬120分

tcman_hk

好利威　真係強勁

doaxxx

好利威可唔可以贏大賽呢
唔知點解,我覺得隻馬有d似必全勝,忠心準繩

愛的彩虹

引用:

原帖由 michael336699 於 2006-6-5 12:51 PM 發表
what   about  活力xx

"活力寶蹄"係香港初出之後就已經成為左我既愛駒...係沙田夜馬造出快時間贏1000直路賽真係唔簡單...
但係相對於"好利威"次次都係唔同既處境下贏馬...細心留意..."活力寶蹄"每次贏馬最後既環境都係要自己一隻走.,..跟住最後甩開左對手...反而佢如果早段係一個落後既位置...又或者好似輸俾"牛精福星"那場咁遇上有馬燒既情況...佢既纏鬥力仲係有待改善...同埋隻馬似乎比較易受傷...
總括黎講...2隻假如保持進度...都係下年香港既一線馬...同埋佢地同馬房...我諗一齊爭既機會可能未必太高...但係暫時黎講"好利威"所贏既對手雖然較差，但係所遇既挑戰同處境就以"好利威"比較多囉...岩岩佢贏既"心福"都差d再贏...真係好高水準...

旺角大寶

尾場呢 d 咁既重心場次, 買左財到得勝真係眼火爆 !!
上次啦士 22.6 佢追幾多馬 !!