想發信息時按得字來又忙記號碼,都是香港電話號碼好,只有八個字,記都容易D,最終都不夠時間發出,因到我交出財物了,好在之前通知了朋友發生乜事,如果唔係失踪幾日都冇人知發生咩事……..。 交了財物跟著在旁換衣服,自己在一個衣服小山丘找,有些好似穿過的,要找底部一些有摺紋的才安心一點。 噢! 短袖衫短褲,今天得十幾度,底褲都冇,由細佬凍到出來外面。
跟著打包,包好自己的衣服鞋襪,寫名放在籃內,有人會處理。然後拿著小黑板寫上大名及刑期,又拍照,之後獲發毛巾牙刷,跟著出大門等職員,一個一個點算財物,點算後就會發還你一張扣押單,走時拿財物用,等點算期間還有其他人在等,但他們衣服跟我們的不一樣,他們所犯都是刑事罪,都是判勞改,一般都是打架傷人,我跟旁邊的大個子談了一會,一個打爆KO眼角,才判五個月,一個打到人重傷,都只是三個月……。 好在唔係同佢地同一個倉,唔係實比人溶左,但唔知我地個倉D人又會點呢?
到我點算財物了,職員問我這紙袋裏有多少現金,之前保安仔點過,寫在紙袋上,那我就照說有$1,050蚊,但佢只數到$950,還在我面前數,我明明都睇到夠數…..,佢話幾多就幾多囉,點知個保安仔入到來話有數錯咩,咁個職員又係面前數多次,今次又夠數喎,都唔知個職員有心定無意,比個保安仔踢爆。
終於所有手續都辨好了,一行四人要入倉了,我們講好在裏面有甚麼事都一起,有個照應,點知入去時係求其入的,下層一行有五個倉。我們經過那些倉。那一個倉少人就推兩個入去,這樣我們就分開兩批了,我跟上沙那個一起,倉內右邊是大鐵閘,直行是走廊,走廊尾牆後是廁所,左邊是一張7 X 18呎大床,最多只可夠十個人睡,入到倉後,倉內的人第一時間就會問你拿罰決書看,睇下你衰乜入來,這樣就在倉內傳閱,大家看過後都會還給你的。
這時聽到熟悉的聲音…廣東話….香港人!!! 啊! 明燈呀! 這個倉裏只得佢一個香港人,佢係下沙中伏,連同我,我地三沙都有人一齊中伏,同條女一齊上樓,佢先去沖涼,條女就係廳中除衫,佢沖沖下就比人爆門,被判15日,他已坐了十日,還有五日,我地走佢都未走得。
倉中還有一個本地人嫖娼,都是15日,所以我覺得我地十分幸運,我想可能同爆倉有關,我們經過頭三個倉都爆滿,到第四同第五個倉先分兩個入去。我地個倉都成19人已十分爆。同個香港人講講下就順手放隻腳入綿被中,當堂暖晒,從佢口中知到呢度D人冇乜點,入得黎呢度都係碎料,這裏好少打架,聽後個心都安樂晒。
呢度個活動範圍就只有個倉位,娛樂就只有一副象棋同一副啤牌,基本上係冇野做,等時間過,如入住上層會好過D,上層是旅館式拘留室,$250一日,兩人一室,獨立床,有熱水供應,有電視,一日三餐同職員一樣,重有煙買添! 一般入來時佢會問你住唔住,但我來時已住滿了,所以冇問。
談談下差不多四點,要準備吃晚飯! 冇錯,是吃晚飯,這裡一天只有兩餐,分別是早上十時和下午四時,碗筷是要新仔洗好的,洗好後,膠碗放出門口等人派飯,筷子就是我地吃杯麵D即棄筷子,有D已黑黑地,搵對好樣D先…….,跟住見到個廚師拖住桶飯來到。
第一餐,白飯加炸魚,係好多骨既淡水魚,同時有汁既天津白菜。廚師在閘前,用地上既碗畢好一碗碗飯,跟著畢餸在上面,放哂在門口,自己攞。 D大陸人即時搶多D餸既,因為佢地好鬼大食,我地就麻麻,雖然成日冇食過野,但都食唔得多,魚吃了少少就俾人食,飯同菜吃了一半又俾人,全部都有人接手,真係一D都唔會浪費,香港人真係耍檢討一下喇!
食飽之後又係冇野做,佢地通常都會玩啤牌,我地昨晚又冇好好訓一覺,襯D人起晒身,訓返覺好既先,七點幾訓,訓左三個鐘又比人嘈醒左,咁就同其他大陸人聊天,問下佢地衰乜入黎,呢度咩人都有,比較惡D既兩個,一個就偷電單車,判15日,另一個就賭牌九,判七日,同我同一日返出去,仲叫我一出去同佢去打洞,起雙飛都係200。
有兩個就COOL到死,成日係到拉筋,做倒立掌上壓,扮晒野咁,問其他人佢衰乜? ”妖” 咁大個人衰偷衫,重兩個人一齊偷,都九唔搭八、有個係皇崗做雞頭,罪名係派發色情咭片卅十張,判7日,聽日出去,仲重叫我搵佢,又話有俄妹,又話安全….. ! 你都俾人捉左入黎啦!都仲話安全??
講下講…….突然我地香港人變左主角,其他人不停咁問野,一時又問香港叫雞,衰左會點,佢份工係香港幾錢人工,點解香港人咁鐘意上來叫雞,又教你點玩先安全,又係果招,自己住屋苑,叫囡囡過來,屋苑唔會比KO查,出租屋就可隨時上來查等等…… !
到左九點幾,又有兩個新仔入來,兩個亞叔,一個衰賣假發票,一個唔記得左衰咩,都係三四日貨仔,但咁遲黎邊有綿被,邊有位呀,佢又想訓,又冇被,係到閘大叫吶喊 ”沒有綿被啊,凍死了怎麼辨?”,不停咁叫,出面D保安又唔理,其他倉D人又大叫收聲,倉內D人都怕左佢,俾佢攝入被內。 而我地呢邊當然無位啦,我地幾個香港人一齊訓,佢又同惡D果幾個熟左,須然迫迫地,但都叫有少少床位,亦有D早過我地來的都係訓地下咋,有D又炸炸帝攝上床,當然俾我地督佢背脊,叫俾我地惡D果個趕佢走…….都唔知幾時變得咁有地位。
十點幾了,這時,保安仔叫了一個人出去 ”提審”,這個已拘留了七天,可能有前科,現在才審判,半個小時後回來,拿回牙刷毛巾轉倉去勞教果邊…..佢大獲啦!