週六沙田第九場分析：「龍冠」贏梗
週六沙田第九場
第二班 1400 米 C+3 跑道
「龍冠」響香港跑左六場，贏左四場，四場都係三、四班賽事。之後上到黎第二班，遇著爆冷、自然好、龍冠呢Ｄ馬，都有一場跑到個第三，另一場雖然跑到無左影，但係全程比Ｄ馬逼左去跑外疊，無晒計。聽日呢場Ｄ馬無咁惡，加上排到個靚靚一檔，用韋達都只係狽 121 磅，可以話係贏梗。飛數方面，一開盤果陣到Ｅ家 (8pm) 都仲係大熱門，不過有小小回飛，開盤 37 蚊，回到Ｅ家得返 55 蚊，唔知聽日會點，呢場好多隻馬都有人支持。
另一隻都係狽 121 磅既「小武士」都值得留意一下，黎到香港跑足八場，場場都係差小小差小小，跑 1400 米都可以話係佢首本路程，聽日無乜雨跑返好地，都可以拖埋佢。
「不老傳奇」今場由第一班降落黎二班跑，質素應該都會係眾馬之上。今次洗毅力復出用返佢騎，其實呢隻馬由月頭開始都由呀洗操，Ｅ場會係博殺。唯一不妙之處就係排左 11 檔，不過買三重彩都一定要預埋佢。
「財到得勝」近三場用黎海榮一冠一亞，上場跑第八當會可以賴下場地問題。聽日跑好地，擋位唔錯，可作可作冷腳。
總結
6. 龍冠 > 3. 不老傳奇 + 5. 小武士 + 12. 財到得勝
[ 本帖最後由 hoholun 於 2006-6-16 08:21 PM 編輯 ]
