投注要醒目乖巧(賽前心水)
時近季尾，天氣反覆，所以馬友們揀馬時又多重顧慮--天雨影響下可推翻一切之前所做之功課，故如賽前一日出貼士者，有兩類馬方可算穩陣﹕1. 大超班馬，超得足以克服所有場地不利之因素，2. 場地性能非常廣泛之馬，就算當日落雨定好天，都可以發揮出應有水準者...剩番4次賽事，加上世界杯效應，相信大家花在賽馬之精神﹑時間及本錢都會相對減少，故今次提供一匹熱門俾大家參考...
第6場賽事雖然三T尾關，但觀乎賽事形勢卻算3關之中較有重心既一場，"乖巧"自從做完閹割手術後，3戰2冠1季，全入三甲，這個賽績表面不算太突出，只贏2場水準不太高之賽事，其中一場更是五班谷草。但細心一看，近兩場，前一仗5班上4班，表面上都幾蝕底，但係實情又脫腳而那日不算太利後追之下，僅敗於大注落飛既"大富之星"，再睇睇賽績，所贏既馬"卡加小子"甚至"駿馬繽紛"其後都係4班再上名及贏馬，可見此場水準甚高。其後果然在上仗，縱然遇上變化場地，甚至在最後階段鞍上人柏寶甩腳踏加跌鞭，依然再一次輕勝"駿馬繽紛"，以及濕地特佳的"沙田威威"，"駿馬繽紛"其後甚至可以輕勝四班賽，可見其實力真係有非常大既進步，最好既都係此馬場地性能廣泛，急彎變化場地都可輕易應付，故無論聽日場地偏差如何，"乖巧"都可以其機動跑法，殺低今次呢堆計數不比上次強既對手...
今次心水馬膽 第6場 6.乖巧
