愛的彩虹

世界杯熱潮直捲全球，唔多唔少都令到部份馬迷視線同注碼同時轉換，再加埋睇番呢2次，就算跑番沙田，場地情況都明顯有頗大既偏差，所以投注額低係意料之中，但係睇番賽事既水準，喜見唔少質新馬開始有進步既演出，雖然季內賽期已無多，但正好留番下季儲足彈藥，對準此類將會更進一步之質新馬大舉發炮...

第3場

      多匹今年新馬新貴之戰，結果由樣靚到震既"熊中雄"再贏一場，但係同筆者初時估計之贏馬模式有所不同，小弟睇完頭2場以為全日都大利放頭，而此駒最殺食之跑法看來是領放，故提高此駒之爭勝機會，豈料今次就算有意外而被撞到落去4，5位，甚至一度塞車，望空之下仍然力追大熟之"馬友利"，看來比上次贏"勁爆力"之水準又再提升一級，樣靚之馬2場絕對未止步，但看款頭有可能向更長路程發展，1400都可留意。"勇猛神駒" 大熱潰不成軍，那日全日都不大利大熱門，此馬亦未知是否因此而賽後被驗出氣管有痰，所以末段追都唔追可以理解，論馬贏"馬友利"之役絕無花假，唔應該因為一場次成敗論英雄，下季增程再追。"馬友利"是全日之重心P之一，勝在忠心，但係今次走甩之下都被"熊中雄"趕過，証明實力未必太高，純跑忠心同早熟，已報名黎緊既星期日新馬賽事，且看能否把握最後機會。"山東好馬"一連兩次交出極好走勢，始終新馬可以展現如斯追勁實在不易，如今再一次証明上次並非因為對手弱才追近，下季要取2-3W應該不難，坐二望一班馬。

第6場

       重心馬"乖巧"只能捱回一席落後得頗遠之第3，連第2都被超越，不知是否早段用力過多，還是之前連拼3場下體力已回落，論馬相信仍有進步空間，希望還有一場頭馬見面，當然負磅不及之前2次有利都是敗因。"瀟灑叻龍"完全取替上次"乖巧"之角色，轉馬房後5升4再藉場地之利大勝一場，輕磅同場地偏差都是大勝之原因，所以下次再仄賽績時不要因為此場大勝而過份追捧，季尾人馬俱疲，大勝對手次現象出現頻率會相對較高，不要輕易上當。"馬威力"亦是季內相對搏得少之馬，再加上季尾5升4效應已被其他偏差縮減，所以爆回一席冷腳亦並非太意外。"強駒"完全冇跑過，此類馬房此類馬都不能過份熱捧，值搏率為重也。

第7場

       "皇帝出巡"在變成一面倒大熱下順利開齋，試馬一場後縮回1200一擊即中，幕後睇得果然極準，計馬能夠一有位便自動湧上一穿而過，連同外地一戰即勝之馬必有可為，長線留意對象，遺憾地賠率可能不時偏熱。"風雲浪子"搏殺有心，奈何遇上更強對手，跑得冇錯之下仍不敵，除了質素有別外亦無話可說，但相信本身在此班都有可為。"真叻仔"不知小弟有否睇錯，轉彎同直路初段出腳凌亂，更似一度失去平衡，質高體弱馬受制於跑法，但其實頗具搵食優點，因此駒場地性能廣泛，沙田快活谷皆可發揮出凌厲後勁，再加上不時會有不錯分頭，故依然可捧場。

第10場

      三匹馬短距離下分勝負，形勢和騎師跑法此時變出了分野。"金獅勇將"果然不理會場地偏差，趁大勇之時再搏一次，可惜始終姍姍來遲，但此馬近仗的確勤跑之下不斷有輕微進步，但自購馬下季能否持續有進就成疑問。"開心之星"上次已指明計最後400之後勁非常凌厲，能爆贏"夠信心"之下今次反勝對手，實在合理，質新馬只要保持進度，下季有機頂班見面。"活力威"搏殺有心，但馬兒偏向均速，質素亦未必及得上前2駒，能跑入第3可能都是佳態洋溢以及輕磅所致，增程的話可能還有一W見面。"貴蝦王"此類馬贏完往往三甲不入，但每次纏鬥下都能取勝，至少在香港服役以來3場頭馬都是如此，看來是難捉之輩。

旺角大寶

講真季尾馬真係冇乜參考價值,
3場應該幾好,
勇猛神駒黎自美國一個好新好勁既血統, 不過美國馬好似唔係咁岩香港...
個人唔多鍾意黃汝安

皇帝出巡 o個場 d 馬既名氣就好勁,
但係唔好唔留意呢日係季尾, 又要拆左兩組...
所以愚見認為價值不大

愛的彩虹

引用:

原帖由 旺角大寶 於 2006-6-22 12:20 AM 發表
講真季尾馬真係冇乜參考價值,
3場應該幾好,
勇猛神駒黎自美國一個好新好勁既血統, 不過美國馬好似唔係咁岩香港...
個人唔多鍾意黃汝安

皇帝出巡 o個場 d 馬既名氣就好勁,
但係唔好唔留意呢日係季尾, 又 ...

先多謝閣下寶貴既意見...大家有心研究賽馬係一個樂趣黎...因為小弟有時既分析都有不足之處...
如果想進一步留意第3場既水準...我諗跟住落黎mark番住呢堆馬再跑既水準...好似黎緊既星期日就有"招積仔"同"馬友利"兩匹跑得好接近既馬再出...呢個賽事其實每年水準都唔低...上年有份跑既"永利好"，"好爸爸"甚至"海之逸"呢類馬今年既成績大家都有目共睹..."勇猛神駒"第一場對手可能水準唔高...因為"好芝味"再出都係跑P...但係觀乎番姿態就要加好多分，始終個人覺得新馬黎講以後上姿態殺敵既一定要加分...新馬好多時都仲生...所以跑天生速度贏既可能只係純跑早熟...反而佢肯追馬唔多唔少都代表住隻馬本身有鬥心...所以我會幾睇高佢同"山東好馬"...
我同閣下一樣唔鍾意呢類馬房...大超班馬遇熱都可以影都冇...妳睇"好爸爸"既穩定性...仲有好多呢類例子...

至於"皇帝出巡"方面...有dd想搏隻馬進步...因為我計"風雲浪子"係呢個班都有1W..."真叻仔"都仲有馬贏...所以佢個姿態同埋幕後試完一場之後就咁有信心...我會提升佢既評級...其實上次跑第4佢都唔算係斷...所以寄望隻馬仲有進步空間啦...