kuskit

引用:

原帖由 beanman 於 2006-8-22 12:32 PM 發表

昨日睇報紙話馬主對呢匹馬充滿憧憬, 認定為頂班明星馬, 所以對上季此厩為呢隻馬突然眼罩變動而敗陣有微言, 相信方嘉柏唔敢再玩野, 如馬主有唔滿意, 佢地鍾意轉倉另求發展, 小方應會千方百計搾盡此駒, 所以呢匹馬 ...

以此駒既強勁爆發力要上二班應該問題不大・至於將來是否一匹頂班明星馬・則要有較想像中更佳的進度方有可能了。;)

bu0919

引用:

原帖由 kuskit 於 2006-8-19 12:55 AM 發表

其實此駒既老問題係馬身長期偏瘦・所以轉倉後亦需時慢慢調養・而操練時更要特別小心。;)
但無論如何今季只要能養回體力及養壯馬身・以其二班之質連勝連升乃遲早之事。;)

精靈戰駒其實會唔會同幸運鑽石差唔多情況?:006:
因為又見到幸運鑽石去到19 號之後又去番齋游水冇操練:022:
精靈戰駒就開始慢慢跳番一兩課........

但.......只要呢兩隻馬健康正常的話, 一定大把世界;)
希望告仔搞得掂佢地啦:001:

kuskit

引用:

原帖由 bu0919 於 2006-8-24 01:06 PM 發表

精靈戰駒其實會唔會同幸運鑽石差唔多情況?:006:
因為又見到幸運鑽石去到19 號之後又去番齋游水冇操練:022:
精靈戰駒就開始慢慢跳番一兩課........

但.......只要呢兩隻馬健康正常的話, 一定大把世界;)
希 ...

「幸運鑽石」咁快可以踱番歩・應該隻脚問題不大。;)
「精靈戰駒」既操練巳經開始納入正軌・情況比想像中更樂觀。;)

kuskit

24. 功夫---形格標緻・脚法秀麗・實力必値80分以上既1000米-1400米短距馬。其父系「Snippets」的子嗣雖大多甚為早熟・但4歳進入戰鬥黄金期後一般可維持至五歳或以上・可説此系馬早熟但並不早殘。而「功夫」亦遺傳了父系早熟的特性・於初出一役在沿途被碰撞的不利形勢下依然跑入一席水準超高的第二名。賽後發現右前腿肌腱拉傷並不良於行:011:。一般肌腱拉傷都要3至5個月方可復完・而此駒練馬師更不欲在此匹大超級馬身上急進冒險・故上季一早巳決定提早抖暑留待今季才大派用場。
可幸今年8月中已見此駒開始復課踱歩・若今季一切進展理想以此駒初出一役不下於「京城孖寶」及「好輝煌」的表現計・則莫講話現時評55分身處四班起歩・即使於第三班要找到一匹有能力可撃敗「功夫」馬相信亦甚為因難;)。而此駒今季的得失成敗亦將成為「告達理」馬房今季成績能否打破困局的關鍵所在。;)

[ 本帖最後由 kuskit 於 2006-8-26 01:32 AM 編輯 ]

kuskit

25. 嘉駿寶---台形兇悍・翻歩濶大而急勁・無論從脚法、形格或血統方面估計都應為一匹値80分或以上的1000米-1600米中短距離馬。而由於台形出衆及試閘表現出色・故此上季初出跑4班谷草1200米即被捧成1.9倍的一面倒大熱門・但最後只跑得一席第5表現今人失望:022:・賽後發現不良於行相信係最有公信力的落敗原因了。而此厩上季另一匹超級一面倒大熱門「鐳射寶 」於第（123）塲（無理頭）慘敗後・賽後報告竟指出賽前巳經知道此駒體温偏高及有輕微發燒・但為免誤導公衆所以無公佈。此賽後報告一出立即引起公衆大大不滿媽聲四起。而馬會竟（夠膽死）:004:在兩日後再公佈話發現此駒原來仲有不良於行既現像:020:・・・哈・・哈:014:此招「不良於行」果然有效・公衆馬迷們立刻無話可説齊齊收聲兼谷到面紅。:011:・・唉！！:022:・・・都係講返「嘉駿寶」算喇！！:014::014:・・・而此駒於第292場慘敗後・季内經常「不良於行」情況一度今人十分擔心。可幸經過半年休養後今季一早7月尾已復課・而且操練非常正常可見脚患巳全愈;)。而此匹相信里程有限的質高脚患馬・當會於季初便立刻搶功・利用有限的里程争取最高的成就。以其實力於49分起歩頭兩、三場上陣應該全無對手・而喜歡此駒的朋友大可揸定”拳頭”於季初在稍有分頭的情況下作出猛烈一撃・在此駒身上獲取應得的回報吧。;)

[ 本帖最後由 kuskit 於 2006-8-28 12:38 PM 編輯 ]

kuskit

26. 天威 ---台形雄偉・歩大力雄・加速力強勁・實力應値90分左右的1400米-1800米中距離差、追馬。此匹血統甚佳的澳洲 三歳自購馬在當地只特意跑了三場水準甚低的賽事・在合乎資格後便立刻運港出賽。而來港後評68分編3班對此匹形格出衆的「King Of Kings」子嗣而言確實相當有利。而此駒來港後在稍做功夫下即於一場必定嫌短的三班1200米上陣・果見前段力騎亦未能跟上歩速・但未段卻可收復不少失地・表現巳較預期出色。幕後有見及此準備在未露光前部署食”大茶飯”:003:・故立即加功打磨後即増程報跑三週後2月26日的一場三班田草1400米賽事。但報名表出現後相信部署食”大茶飯”既幕後人仕的心應該會涼左一涼:022:・因為一匹人所共知實力強横既大超級馬「好利威」亦於此賽報名上陣・但未知是世事難料或是有人刻意不欲阻人發達・「好利威」竟於開賽前一天退出比賽・而「天威」於強敵退出後果然於此塲3班1400米顯露出驚人的強横實力・以輕鬆姿態撃敗了「將軍」及「得多多」兩匹實力甚強的對手爆出36倍大冷門並交出若値85分左右的競賽水準・而睇見騎師沿途十二分肉緊既發揮都知道此仗有關人等應該收獲甚豐了。「天威」在一撃得手後便於4月隨意報跑多一塲三班田草1400米賽事後便提早抖暑了。展望來季此匹甚為粗身的馬在經過一至兩塲熱身賽事後・便會睇準機會出手務求一撃即中・以其實力處三班1400米-1800米皆不易有對手・但如升上二班後則應以1600米-1800米才較有把握了。;)

[ 本帖最後由 kuskit 於 2006-9-1 10:56 AM 編輯 ]

愛的彩虹

引用:

原帖由 kuskit 於 2006-8-28 12:30 PM 發表
25. 嘉駿寶---台形兇悍・翻歩濶大而急勁・無論從脚法、形格或血統方面估計都應為一匹値80分或以上的1000米-1600米中短距離馬。而由於台形出衆及試閘表現出色・故 ...

呢隻馬...上季第一次出我就極為睇好佢...那場冇記錯係跑谷草...柏寶騎既...因為呢隻馬出腳正正就係小弟好鍾意既一類...估唔到佢轉彎走去黎個大波勾...番到黎好似都係輸2個幾3個馬位左右...足証馬兒實力...但係正如閣下所言...自此之後就已經冇再出賽...所幸就係暑期所見都有出番黎操練...但係跑得番幾多就唔清楚啦...同馬主2隻質高馬睇黎都係體弱之輩...:013:

kuskit

引用:

原帖由 愛的彩虹 於 2006-8-31 11:57 PM 發表


呢隻馬...上季第一次出我就極為睇好佢...那場冇記錯係跑谷草...柏寶騎既...因為呢隻馬出腳正正就係小弟好鍾意既一類...估唔到佢轉彎走去黎個大波勾...番到黎好似都係輸2個幾3個馬位左右...足証馬兒實力...但係 ...

跑得番幾多真係唔敢講・所以如果頭兩場無表現就要即刻放棄了。:013:

kuskit

27.小武士 ---形格四正・歩大力雄・馬性忠心而演出準繩・實力應値100分以上的1400米--2000米大歩均速前領馬。未知是否因此駒第一季在港作賽・而其幕後又認為暫時跑田草1400米會較有把握的關係・上季竟9度出戰1400米・但只取得6場位置・若以此駒實力計上季竟未尚一勝・表現確實今人非常失望:022:・而其實早於第384塲力拼僅敗後巳顯示此駒必為一匹跑1600米以上的前領放頭馬・可惜幕後或練馬師墨守成規一直續繼報跑田草1400米・導至一匹忠心準繩之良駒上季連拼10場之後依然未能打開勝門・及至季尾最後一戰終於肯”死死氣氣”報跑田草1600米啦・不過經過連拼10場之後還有否體力應付此賽巳經今人不無疑問・但見此匹忠心好馬在同場對手「實業輝煌」瘋狂互燒下狂放三段後依然尚有餘力頑抗至最後20米才僅敗得第三。而此戰巳係「小武士」繼上次狂放焼瓜「俊歡騰 」後再一次展示其非凡實力及展示了其必有較「俊歡騰 」更充足氣量的又一証明・一匹如此忠心好馬竟亦11戰未能一勝・足見練馬師既質素差劣或作風太保守對馬匹成就影響確實非常之大:022:・但今季依然未見拉倉・足見幕後人等交情非淺。:014:・・・・但若從另一角度睇・其練馬師「告達理」其實亦絶非無料之人・以其能力當會知道1400米絶非「小武士」最佳出路・刻意不讓其増程一試・目的應只為保留實力・待今季成熟更進一歩時才將「小武士」最強勁的一面展現人前。如大家都相信「告達理」並非質素差劣之練馬師・則今季「小武士」應必有突破性的發展・保守估計2Win多P的成績將不難達到。;)

[ 本帖最後由 kuskit 於 2006-9-2 10:47 AM 編輯 ]

kuskit

28.長驅---形格高貴、脚法優美・實力應値105分以上既1200米-？？？？米貴價打仔馬。季初表現一直平平・及至4月稍適應水土後巳一連兩仗交出不俗水準的第二名・幕後不欲此匹3歳馬第一季拼摶太多傷及故元氣季尾巳甚少出賽。其實以上季第（570）塲小試牛刀既表演計・則幾可肯定轉4歳後的「長驅」今季再遇此等100分左右既對手將不會再對其構成阻力。其父系「Cape Cross」雖為一個較早熟的血系・但大多數來港子嗣一般亦要4歳後才歩入黄金期。而其練馬師「告東尼」及馬主「榮智健」乃何許人也・出高價購入此匹「紐西蘭」最佳2歳馬既目的一直十分明確・故第一季是否可交出好成績・幕後人亦根本不太在乎。故上季對此匹名氣馬曾經在乎過或大失所望的朋友:022:・今季大可先靜一靜:009:・・・再想一想:angel_smi・・・然後睇清楚:004:此匹轉4歳後的「長驅」是否會有令你有耳目一新的感覺呢？:014:但無論如何此駒今季只要可改善其經常慢閘既壞習慣・以其現時90分起歩則2塲頭應不會少的;)・至於是否真的有奪取「香港經典一哩賽」甚或「香港打吡大賽」的能力呢？:004:・・・相信又係要見人見智了;)・・・但係如果話「長驅」會有2000米長力？:001:・・・小弟都覺得開始有少少「怪談」Feel・・・啦！！:021::021::021:

[ 本帖最後由 kuskit 於 2006-9-4 12:11 PM 編輯 ]