tch742

唔知大家有無留意,近排馬會開親平手盤ge賽事,
如果作客一方實力同名氣高d,就多數開主贏,如保頓對熱刺,史浩克對雲達不來梅,卡迪夫城對伯明翰,丹麥對葡萄牙,而且當中有幾場都係開2:0,當然唔知係咪巧合,但我相信2:0都值得一試,仲有您地有無留意,馬會開親平手盤果d多數都係開主主同客客,頭先果幾場都係主主,昨天巴西果場同前幾日克魯果場都係開主主,之前挪威作客對匈牙利果場開客客,可想而知平手盤買主主同客客其實幾穩陣~~

講左咁耐,係時候入正題,明天有一場斯洛伐克對捷克ge平手盤賽事,我認為今場斯洛伐克平手盤羸面好高,捷克今場作客,名氣同實力都高d,加上往績又好d,今場馬會開平手盤,好明顯係想引人買捷克,可見今場波唔係咁簡單,斯洛伐克平手盤我覺得值得一試~~

可能我就咁講無咩信服力,咁我再從實力分析下,講真捷克其實係我第3愛隊,我自己其實都唔想佢輸,但係自從尼維特同普波斯基退役後,實力已經大不如前,而且自巴路士傷左後,捷克入球力量大減,加上後防無咩改善,如果大家有睇上場對威爾斯場波,如果唔係比拿美欠運入唔到波,基本上捷克係贏唔到威爾斯,加上斯洛伐克ge文度同施保狀態大勇,對住捷克ge脆弱防線相信唔難入波,加上同組仲有德國同愛爾蘭等強隊,今場主場出擊,必定施展渾身解數,平手盤值得一試,如果大家真係擔心ge,可試買主主同客客~~

當然這只是我的分析,並不是一定中,如果輸左ge唔好怪我,希望可以幫到大家~~

tch742

sorry各位,捷克竟然大勝,我真係估唔到