現在既香港, 要先買層樓才可以結婚嗎?
:009:我父母果代, 因為兄弟姐妹多 (每邊都有四五個兄弟姐妹), 家境又唔係咁好, 好多細路都唔係讀過好多書 (當時嚟計, 小學畢業已經算唔錯了)；又因為當時父母果代都係比較重男輕女, 好多女仔十零歲出嚟社會做嘢幫補下家計。佢地叫出新。當時係六十年代, 好多未夠秤既後生男女都會報大年齡到工廠打工, 當時既香港電子業/制衣業/鐘錶業好興旺, 需要大量勞工。我聽老媽媽子講果時啲廠為咗搶人, 如果你可以介紹到朋友入嚟我問廠做, 係;)可以按人頭收介紹費的! 真係好!
當時我老豆同老媽子, 結婚邊度有而家咁講究架? 我老豆話, 當年佢結婚好簡單: 喺酒艇擺幾圍酒叫晒啲最親既親戚嚟飲! 連擺酒既錢都有啲喺問親戚借 (好似話扣咗賀禮之後仲有錢賺) 結婚相? 咪我喺相簿度見到着位馬褂喺酒樓影果D囉! 我老豆話禮金都唔駛好多(佢話佢外母, 即係我阿婆好想個女快啲嫁出去, 收咗好少禮金咋)。
結咗婚之後, 我老豆同老媽子就租間皮間房住咋! 當年廉租屋都唔係好普及, 我細細個未懂事果陣都係住板間房.......老豆話當年好多人結咗婚都係租房位, 好多人都得小學畢業, 雖然話喺工廠做唔愁揾唔到工, 但係揾既錢都唔會太多, 買樓都唔容易喎......
除咗我老豆同老媽子, 聽講我啲阿伯、姨媽、阿姨結婚之後都係咁。我仲聽講, 我阿伯當年當差一個月都係揾幾百蚊, 仲少過喺工廠做喎! 啲親戚成日鬧我阿伯"好仔唔當差", 揾錢又少。不過佢地幾兄弟都好早就結咗婚lu。佢地成日話, 當時只要你有份穩定既工, 要揾個老婆好容易, 當年既女仔, 邊度有而家啲咁多要求架?
我相信亦軒呢度都有會員自己、或者你地老豆老母都喺有差唔多既經歷。反觀而家要喺香港地結婚, 真係少個錢都唔使諗!!! 我老豆話而家啲後生仔女比佢地以前果代更加物質化, 更加唔想捱 (應該話而家啲靚仔唔捱得), 好多人都想走捷徑賺快錢, 女仔多想嫁個有錢人跟住唔使做 (其實以前果代都係, 不過而家可能多啲)。
:embarrass聽咗我老豆講以前既嘢, 我心諗 (只係我自己既想法): 而家仲邊會有香港女仔肯同你結婚後住板間房架? 唔好話租房啦, 連住廉租屋都唔制啦! 你冇番層私人樓, 想結婚都唔係容易! 就算個女仔真係唔介意, 佢地老豆老母都唔想啦! 畢竟時代唔同了!
我識啲約三十歲既朋友, 佢地話第時打算喺大陸揾老婆喎! 點解唔揾番香港女仔既? 佢地話啲女仔要求高, 佢地份人工配唔起喎! 有個朋友話, 同佢差唔多年紀、出咗嚟做嘢七八年既女人, 對金錢比後生女更加重視, 冇樓都唔使旨意結婚喎! 朋友又話如果係國內揾, 以佢地同樣既條件、入息, 喺國內可以有。更多、更好既選擇喎! 喺國內買房同養老婆都比香港平(佢地都有朋友結咗婚, 娶大陸人, 有啲仲返咗國內長住)
:010:而家既男人真係要先買間屋才可以成家嗎?
