引用:
原帖由 紫眸 於 2006-9-25 05:51 PM 發表
我覺得感情既野應該坦白少少,你覺得佢對你唔同左,你就要同佢講,了解下佢因咩事唔同,是工作的關係,是壓力的問題,還是你們之間有問題,佢出去搵第二個,唔好估估下,我覺得溝通真係好緊要,如果佢係工作或壓力大而對你 ...
認同, 感情係雙方要互相配合. 而唔係只有一方無條件付出, 就算可以維繫住一段感情, 一方都會好痛苦, 做女人有時要睇情況去堅強, 你唔係只為一個男人而活, 有冇想一下你既家人, 雙親對你呵護備至將你養育成人, 花了幾多心血, 佢地無條件付出, 不計較回報, 呢D先係最可貴, 試問一下, 你父母見倒你只為一個唔理你既男人而唔開心, 佢地都會因此唔開心, 你才是他們最大既Asset, 而你就將FOCUS放係一個唔理你,唔同你ML, KISS既男人身上, 係唔係好無聊, 好唔應該? 身邊既男人好, 當然係一個福氣, 但遇到唔好既, 就耍去作出最明智, 最好既決定, 先至對得住自己, 對得住家人, 呢個世界仲有好多好男人,可以再等一個對你好既真心既, 唔好覺得一個男人唔好就好似無左全世界咁, 你都有權利架, 如果呢個男人有第二個當然唔洸講, 你要飛佢, 如果有第二個情況, 就可以大家傾傾, 有冇解決方法, 如果冇得解決或者佢只係當你性玩伴的話, 你唔好再忍啦, 行動啦......飛左佢.記住, 你都係一個有感情既人, 要愛護自己才對. ;)
