愛的彩虹

一年一度香港馬壇之最高潮--國際賽事又再要尋日係一片歡呼聲之下完滿結束，整日既投注額高達9億3千萬，馬圈再次進入每場計過億既年代，但依然未能繼以前最旺盛既時期之後再創高峰，經濟大致仍然向好，馬會究竟還有甚麼方法吸引馬迷投注呢...

    今次因為係國際賽日既關係，9場賽事都為高水準賽事，經驗話俾大家知每場都有參考價值，所以今次小弟特為此送上9場完整之賽後評....希望大家日後可作參考之用...

第1場

      大熱門"玉蜻蜓"又再一次僅敗，坦白講，絕對唔係輸馬，大超班馬端馬點可能會輸俾已見盡之"金枕"，上次輸早出頭，成為人家之目標，今次又輸太遲望空，去到200都依然塞緊，最後只跑幾步望空就已經撲過"赤膽雄心"同"紅辣椒"跑番個第2，勁勢同"衝鋒槍"1650那場差不多，所以計馬依然有唔少上升空間，90-95分馬仍然冇改變，唔係塞左馬房有機會全日出3隻贏3隻..."金枕"唔易贏既馬今次終於一戰功成把握形勢，高雅志騎後上馬少有既出色，今日整日都如有神助，加分後又要等賠率，位置機會有心既話不時都會有..."赤膽雄心"齋跑忠心，計馬都係咁多料..."紅辣椒"1800真係麻麻...跑第4純粹係態太fit...

第2場

      賽前擺係頭選既"獲利多"果然輕鬆贏馬，上次對手係"陽光"同"企業精神"...今次只係一隻未係好fit既"翱感"...贏馬屬正常賽績...加分後依然有坐位望贏機會....但係係咪質素非常高就要觀望，始終PP未必會有太大輻進步...贏既對手亦只係剛好3班水準左右..."大富之星"忠心馬只係跑番自己應有水準，今季進步真係唔多，俾輕磅既"獲利多"彈甩確認3班都只係夠班，1400亦都係死路程，呢個都係上次1600 place都冇既原因..."翱感"跑落去全無加速力..可能係發過燒狀態未重新再起...亦有可能係因為現時1400已短，呢點從上次贏馬已經有多少睇得出..大步馬跑1600可能會更有把握，2場都輕膀之質新馬現分數相信仍未止步...17蚊就偏熱左多少..."我來也"勇態已備...但係質素看來不大高...亦要等岩路程...輾轉試馬以後可能1650甚至沙田1600先有利可圖...."天域"睇黎真係未夠銳...

第3場

      大部份都係外隊馬，所以參考價值不高，但因為觀賞價值姑且評評..."煤礦山"轉彎時麥求恩已經力騎，並唔係隻馬冇，而係隻馬係2800甚至3000米馬，翻步偏慢而遇上即場步速亦比預期中慢，所以騎者咁做一如霍達今季2勝"哲學家"之方法，番黎亦証明隻馬加速力唔強，騎得出色...相反"希臘名城"戚筆者呢場開跑前"占卜"退出後最為睇好既馬...因為睇片明鬥贏過前者...可惜今次kinane先生有多少老貓燒鬚際遇較差而敗，論追勢確比前駒為強....但係正宗路程一樣非2400..."深得利"正正係塞死左"希臘名城"既其中一隻主角...分從內外檔上下擺明後勁2所不及，級數問題...."風之歌"有多少過早發力之嫌，論馬相信比同係日本代表之"至愛"質高...當然後者之發揮實在敢恭維...日本韋達果然一樣唔係大賽材料，咁樣留法只會對一隻需要走甩去跑既馬非常不利，當然級數亦未証明可以係度贏馬..."土星"擺明唔夠呢個級數...

第4場

     大熱門"永利好"辛苦地保持出道未甩place之紀錄╴狀態未夠勇銳係一點...沿途騎得亦比想像中差，今日跑道形勢唔算太利大後上馬，擺得太後加上末段達到22.4之非常極速下都可以追番個第3，再次証明質素...分數肯定未盡，呢場最高之馬是也...同馬房之"喜皇寶"先係出擊主力，抖抖埋埋有心搏冷可惜最後一步追唔到...1400已經係最佳出路...當然抖抖埋埋一場而家黎講會係最好..但係小心有一季突然間狂勇下場場得...情況就如"天仲之寶"..."喜利多"係度贏好似係爆冷...但係實際上秤賽績都算合理，上季抖抖下初出跑1400可以贏活力寶蹄"既馬今季同一部署下再贏呢堆馬有乜咁出奇?不過小心下次再出會走樣..."喜蓮戰略"放唔出下跑番個第4...確認狀態同火氣真係唔夠季初勇銳..."紅旗飛揚"咁樣又追番上黎，真係好忠心，同低一級馬跑1000-1400隨時有入位甚至爆冷機會..."心中有理"今季真係有多少退步，當然直路上大部份路程都係塞都係敗因...但係計分冇乜贏面..."非我莫屬"同"永利好"一樣，受制於步速...2隻馬都仲係好好表現...

愛的彩虹

引用:

原帖由 kuskit 於 2006-12-11 10:08 PM 發表

仲有五至九塲呢？:041: :023: :036:

已經打左...但係佢竟然唔俾我send...而家冇晒...我冇乜心機再打啦...:046:

愛的彩虹

第5場

    補出既"騏綵"一幸運再幸運...連此場最主要既對手"兼併目標"都係即場退出埋...真係天助我也..當然可以彈甩"精英大師"4個多馬位亦係始料不及...但今季馬兒明顯變左樣進步極大亦係事實...已經唔係用以前既賽績再去計番..."精英大師"騎師發展已經極之出色，一步不蝕下跑番個第2...贏"班霸"都只係一個馬位左右...番到黎全無加速力...已經完全變左另外一隻馬...戰鬥力亦已不復當年...如果要贏多場先光榮退役既話恐怕有d難度...呢場馬跑第2打後既馬水準真係普通..."紙醉金迷"係"兼併目標"退出既最大受害者...排13位原本可以跟住"兼併目標"之後帶左埋黎...而家最大對手退出左之後反而令到原有部署進退失據...不利形勢下變成留得太後...論馬係呢組應該追得番個第2..但係暫時睇唔出有反先"騏綵"之實力...."新力升"冇左fresh之後跑1200已經唔岩路程...所以追番黎都唔算太勁...但係騎下有d騎下有d..所以今次之輸都唔應該怪晒蘇仔...論馬今季真係有令人喜出望外既進步感...

第6場

     全日唔算有利大後上馬既情況下...起步失機...入直路前仲要係內欄係度慢慢塞...入直路後搵番個位出黎撻番著之後...竟然可以係150-200米左右既速度下彈開晒呢組馬...如果閣下相信呢組3班馬有2班水準既話...咁"山東好馬"今日既走勢絕對係95-100分既馬無疑...連上次同組跑第4既"時尚風采"上次都再贏..今次亦係呢組跑贏晒其他對手...上次贏馬那組水準真係極高...可想而知"恭喜"係4班係何等之超...."時尚風采"全程望空之下番到黎都未有力弱...依然追過晒其他對手...再一次証明級數...論馬85-90分左右前應該仲有力贏馬...反觀上次"創惑"贏馬那組明顯有所不及...最叻那隻係度都只係跑第3..."創惑"本身跑來已冇大錯...今次跑第3可以話係已盡所能...反而"財寶天王"同"勁蹄飛"跑左一兩輪之後已經喜見追勢...未必進步好大但係隨時等機會係3班贏番場都未定..."極速之星"今次發力過早...番到黎都唔算斷算係咁...後上型PP其實進步空間未必太大...但係係3班贏番場應該唔難..."嘉駿寶"今次走勢比上次明顯好左...學左野之後今次雖然仍然有少少off balance同埋出腳亂亂地...但係全條直路塞晒之下依然輸俾前面既馬群唔遠...90分之前應該唔會有太大阻力..下次跑番1000可以收緊錢...1200亦都已經要小注跟進...反而"熊中雄"今次全無追勢...1400甚至1600馬我唔明呢個馬房做乜係要安排隻馬跑1200...加速力根本唔夠係1200搵食...跑跑下隻馬可能仲有厭戰現象....

第7場

    "好利威"最後一步追唔切...就咁失左個大賽...再一次証明韋達真係非理想大賽之材...睇佢入閘前行時手騰腳震...驚驚青青個樣，買左佢既馬迷仲驚過佢...如果想馬兒有更好既發展，請盡早換人...呢隻馬跑到而家我都仲未搵到一隻現役馬跑1600係佢對手...有可能比全盛時既"牛精福星"戰鬥力更強...因為唔需要受制於步速..'配番個好騎師可以諗諗出國爭大賽揚威..."星運爵士"贏馬固然方仔之練馬同保養功夫了得...同時亦都要一讚阿杜之發揮一絕...入直路初時已經發力加速走甩其他對手...你地追得到就追，追唔到就係我世界..哈哈...高手也..當然...小弟揀呢隻馬既原因係查番近2季既一哩錦標呢隻馬都入到place...忠心程度可想而知...雖然話係7歲老馬...但正正就係咁，俾人長期睇低...反而跑極贏極都會有好賠率，一次又一次...真係唔到你唔服..."牛精福星"雖然只係追番個第4..但係今季狀態明顯比以前黎得早..睇黎下年1月中後既大賽都已經要預埋佢...睇下佢會唔會繼上季輕勝"活力寶蹄"下再次成為某某神仙馬之剋星..."俊歡騰"暫時証明未夠呢個級數，當然貼唔到欄之下全程跑黎亦冇左那種氣勢...
第8場

     "自豪"復仇成功加光榮退休...賽果十分合理...處心積累部署跑呢場...計屆上季已經有能力挑戰"爪皇凌雨"...此消彼長下今季贏番後駒都係正常...但係"爪皇凌雨"本身發揮都可以話係非常之差...轉彎時"歷山金駒"走既時候做乜跟住人一齊走???發力太早之下留意馬兒番到黎一路都冇斷...只係頭2名馬加速力太強而已...依然係香港隊之中最先過終點既一匹...証明之前乜乜勁乜乜醒都係假...跑番本地賽2000有機會贏番場..."爆冷"始終去唔番上季最top form時既水準...且看下半季會否多跑之下回勇...帶俾"爪皇凌雨"更大既威脅..."終身美麗"即場竟然熱過"自豪"...真係笑大人個口...計馬完全唔同級數..真係唔明點解可以係全場最熱既一匹...同時亦証明單憑上次就話馬兒高過"爆冷"之說實屬假象...只係香港馬迷太熱情而已...計馬連爭一級賽既水平都未到..."詩情畫意"跑個第5番黎証明狀態真係極fit.同時亦証明後面既馬水平真係普通...

第9場

    "幸運寶貝"增程跑到1600都一度得番30蚊唔夠..真係不知信心從何來...呢類大舊飯馬強如"精英大師"當年跑1600番到黎都係得個捱字...根本冇理據支持呢隻馬可以咁急去增程...大舊飯馬跑呢個路程下次就算再跑我都唔會大力追捧..都係跑番1200-1400好d...論馬110分前可以話係全無阻力...老沈跑完上次賽後訪問先口口聲聲話唔會隻馬無情情咁輸...而家做緊既野可以話係背道而馳...呢個馬房一向俾小弟既印象一d都唔好...今次之後更見負面...賽後有痰當然都係一個敗因...同馬房既"永利好"同"幸運寶貝"番到黎都有痰...唔通老沈真係要買番d化痰素番去攪攪???不過軟顎移位之後既馬真係要加倍小心，可大可小..."樂意"其實真係非常fit...目標亦都好明確..可惜冠軍騎師太早發力...當然端馬質素亦未必比得上前2駒..."自然好"上次唔係太後既話谷草那場頭馬已經係佢唔係"勁好"...真係唔明點解官方台馬評人話佢上次既第2係"全無威脅"...笑死人...上季呢個路程贏"好爸爸"既馬隨時贏絕對唔奇..."牛精財星"連續2次最後鬥衝下以短距離搏輸...究竟係隻馬經驗唔夠定係纏鬥力不足有待証明..但係希臘馬兒可以盡早贏番場...唔係長期咁樣搏輸既話有可能影響到馬兒既鬥心同日後既發展...."威武雄獅"今次唔塞之下重現後勁...可惜已經係遠遠落後既第4...計馬現分數唔算有太大優勢...進步空間亦唔會太大...

[ 本帖最後由 愛的彩虹 於 2006-12-11 11:01 PM 編輯 ]

愛的彩虹

引用:

原帖由 星球人 於 2006-12-11 10:55 PM 發表
分式得好呀:098:
可識冇5一8:043:

哈...唔好咁啦星球人兄...而家咪有囉...其實好早已經打完...不過整左一次冇左...要由頭打過...:043:

原來一次過打成9場馬既賽後評都真係幾辛苦...:071:

愛的彩虹

引用:

原帖由 kuskit 於 2006-12-11 11:35 PM 發表

只要睇下第二塲3班1400米同第四塲1班1400米既段速・就會知道只有8成状態既"天域"其實真係唔簡單。:036:

哈...所以我都只係寫佢未夠銳囉...我唔係話佢質素低...尋日蘇仔黎真係兜個大運加試下馬囉...大摩真正搏殺既時候留以有待...:071:

我岩岩睇得番個段速...只能夠講句...同佢一齊鬥燒既"靚歡騰"番黎跑尾3...第4位既"夠信心"番黎跑尾2...前4名放頭馬唯一入位既係top fit既"大富之星"....:071:

愛的彩虹

引用:

原帖由 ＊職業賭徒＊ 於 2006-12-12 12:00 AM 發表
寫得下喎....:096:真係 唔頂唔舒服:098: :071:

梗係啦...不過暫時都未夠你那19回黎....等緊你...:071:

愛的彩虹

引用:

原帖由 ＊職業賭徒＊ 於 2006-12-12 12:05 AM 發表

快架啦....今晚應該會寫:096:

實等你...反正而家都係係度同人吹緊水中...睇你既故事絕對好睇過"賭場風雲"...:071:

anyway...記住複製..唔係一陣打晒成篇野佢打柴就會好似我求先咁嘔晒血...:028:

愛的彩虹

引用:

原帖由 vickysoo 於 2006-12-12 12:15 AM 發表
"自然好"上次唔係太後既話谷草那場頭馬已經係佢唔係"勁好"...
真係唔明點解官方台馬評人話佢上次既第2係"全無威脅"...笑死人...

兄弟分析
我在真係心服口服:122:

近排賽 ...

唔好咁講...vickysoo兄即場討論時我不時都有睇...眼光都好好...不過我聽到佢講尾場真係笑鬼死我...有2點真係好笑...先講明...我自己係"幸運寶貝"既支持者....唔信你問kuskit兄都知...上次跑1200初次轉彎我都落左400蚊win落去...呢隻馬今季幫我贏過千...但係我尋日一蚊win都唔落...閣下有興趣可以睇番肥佬馬評人既報紙貼士...佢既標題係"幸運寶貝增程照贏"那類東東...睇血統睇身型睇經驗....我真係唔明有邊一樣野可以証明隻馬跑到1600...仲有...上次贏1200...係靚檔...隻馬settle得好好...呢點對後生馬好有幫助...相反今次...排13位...噗程400..連埋之前既1000...跳程600...我話你聽隻馬贏到先神奇...話隻馬冇口...尋日隻馬初段咪鬥緊口囉...哈...第2點就係求先講左"自然好"那點...我都諗緊佢地係乜野角度睇片...那場馬都叫冇威脅既話...咁尋日"賞月"同"好利威"個第2都係冇威脅架啦...:071:

我好認同vickysoo兄一點就係晨課節目...以前排位晚已經要睇...因為人地個節目時間好長...驃叔地又會逐隻逐隻馬睇片...有d馬影到既睇幾次...同埋人地影到唔係咁短架...係終點後有時都影...而家佢有d馬...影幾步或者200米就算..睇鬼呀???我見佢有時講得仲攪笑...話隻馬晨操時過左終點後收停左隻馬停得好快...你未到終點前就已經cut左段片...我睇鬼到呀???你知呢樣野重要又做乜唔播呢...:071:

即場賽馬節目???仲衰...睇得馬出黎有時得12分鐘...如果唔係用網上買既...未睇到馬已經要落街...睇乜鬼...佢睇完晒d馬得黎通常都已經得番5分鐘左右....講真...佢跑完場馬重播成2，3次...一次咪夠囉...有乜留番賽後先睇啦...一陣又狂賣廣告...好似尋日尾場咁..剩番5分鐘既時候閘前冇動態睇..因為佢連賣2次廣告...不過都好...至少佢見係大賽日份上...俾你地班友仔睇埋尾場啦...唔係跑都冇得你睇呀...:071:

愛的彩虹

引用:

原帖由 vickysoo 於 2006-12-12 01:28 AM 發表
:071: :071: 多謝先
肥佬馬評人上場真係講幸運寶貝講得好
檔位完全係關鍵

但賽前一晚肥佬馬評人完全變面
增程重話到信心十足
即場我都有叫班巴打咪買
缺點太多再加上大熱
唔死有鬼

自然好上場已經好 ...

哈...其實我唔知...本身覺得肥佬評馬人有少少料...但係有時過左火係度扮識野就出事...佢睇晨課同狀態睇黎真係要學下野啦...哈...咪係囉....我自己係愛駒今次都只係Q腳買番佢...我唔知佢點解會仲大信心得過我...真係好笑...那場馬2隻大熱都唔值...一隻初跑1600...一隻有機會第2次出賽併發症...同埋未夠經驗...谷草水準低..嗯...與其咁講...不如話谷草較為適合一d衝程短既馬跑好...有d馬太短癮...衝左150-200你以為佢全面優勢...原來佢係咁多料...咁呢d馬跑快活谷會好少少..."真叻仔"就係一個好例子...你唔好睇佢好似一衝就贏晒..沙田仲勁啦...事實就係佢係沙田長直路就攤薄左段後勁...反之好似"寶樹勁盈"呢類跑下有d跑下有d既馬跑谷草就會好蝕底...因1到妳撻得著黎人地都過晒終點...所以係性能多囉..當然正常黎講谷草水準係低少少...但係唔好唔記得...都係那句..."自然好"上季1600係贏"好爸爸"既....呢個分數明顯仲有水位...:071:

哈...其實影馬之餘有時都仲可以俾人睇多d騎練沙圈時既動態囉...好似馬主有冇到呀...練馬師點樣呀...呢d都有d人會關心...但係就往往都係跑左出黎拉頭馬先見到..真係有鬼用...:023:

最後...8蚊place馬會唔受你呀vickysoo兄...我驚有時你買正隻place跑左四連環到時仲吐血...:071:

[ 本帖最後由 愛的彩虹 於 2006-12-12 01:38 AM 編輯 ]

愛的彩虹

引用:

原帖由 bu0919 於 2006-12-12 02:08 PM 發表
牛精財星一場未贏但已經被重手加至91 分......:030:
大忌......下場再出我會有d 戒心.....雖然我臨場中到自然好搭佢條正Q:122:

多得兼併目標退出, 騏綵贏得更加輕鬆
亦間接令精英大師靠質捱 ...

哈...恭喜你啦...坦白講...那場我買左7-8-11-12單T既...要"紙醉金迷"跑第3番黎先有錢收...但係都好開心香港隊又贏一次短途錦標....而家既"精英大師"唔同左啦...以前你一埋佢身佢仲唔kick開你咩...根本冇機會俾你好似"班霸"咁痴埋去...而家已經冇左那段kick...唯一既贏馬方法就係由佢自己一隻係受"保護"之下贏番番黎...

至於"牛精財星"....真係冇諗過佢會俾人加成5分囉呢場...佢係全程都冇贏馬機會架喎...一路俾"樂意"同埋"自然好"夾住黎跑...跑第2都算好彩..差d食個大三文治...不過告仔以前有隻馬跑第4都俾人加10分...哈...好難講評分員用乜心態也...:071:

反而星期三晚大波勾亂放黎贏既"超力好"只係加7分...神奇...