地獄社工

星期二初盤分析，詳盡版

1.利物浦對阿仙奴—早兩日大家就睇過一次利記對阿仙奴，呢場波相信都令利記FANS非常失望，全場攻又唔得，守仲唔得，只係俾阿仙奴係咁易就入左3粒，每逢盃賽之前都會收到好多消息，一係就話邊隊邊隊會出後備，邊隊邊隊唔要呢個盃等等，呢次兩日後既對賽又會係咩光境呢?首先我覺得呢次既賽果絕對會令利記FANS滿意，但會唔會係90分鐘KO對手呢?我相信機會都好大，何以見得呢?我覺得可以從三個角度出發：

1.盤路—從盤來睇，以前日既賽果來睇，而家馬會開既盤已經無先前咁狼，而家主勝有1.9，雖然賠率好分左，但一定唔會有上次咁聚飛係利物浦，相反一定會多人買左阿仙奴，咁樣就唔會好似上次咁利記個主勝俾人煲到1.7超熱，注數平均D，可以防止近排逢落必死既現象，對睇高一線既利記都係好事。不過係大家買波膽既時候，我諗大家盡量要避左D 0尾既波膽，因為係盤路上雙方都有失波巴波膽都比0尾既熱，咁既情況通常都反映左兩邊都會失波，咁會唔會有1:1既可能呢?但1:1而家開緊7倍，以而家馬會開既盤來講，好多時去到讓一球既波，1:1呢個賠率都係6.5度，似乎莊家都唔係好睇好呢個波膽，咁樣呢場波又會點買呢?

2.現實角度—利物浦同阿仙奴今季一定係將目標放係歐聯，事關聯賽打左半季都已經無咩希望，但係歐聯既野話晒而家16強都隊隊強隊，唔係咁容易可以話攞就攞，咁惟有贏個國內盃賽來向球迷交待，但以利記同阿仙奴而言要爭咁多樣盃，又要顧住個聯賽第四名，實在有心無力，咁樣就只可以退而求其次，既然阿仙奴係足總盃都打左利記出局，咁樣再爭埋聯賽盃咪好吃力，以而家佢既兵力真係頂唔住，所以呢次放返俾利記一D都唔奇，再加上阿仙奴如無意外都一定會出副選，而阿仙奴既副選暫時只有禾確特有D料到，絕對起唔到太大作用。

3.陰謀論—利物浦同阿仙奴一向都唔係好大仇口，無對曼聯咁大火藥味，似乎兩隊都有D計傾下，上次讓左個足總盃俾阿仙奴，呢次阿仙奴讓返俾利記都唔奇，再加上與其都知道決賽要對車仔，一場大戰爭個盃仔，不如等利記同車仔打多場，傷下佢地元氣好過。不過呢D野又完全無根據，鍾意既咪當故仔聽下囉。

綜合分析，特出以下結論：

1.利記主勝
2.入球大
3.利記讓球主勝
4.波膽3:1

2.馬德里體育會對奧沙辛拿—兩隊波係下半季聯賽一開始就出師不利，咁岩兩隊都係死係包尾同尾二球隊，咁今場西盃又會點打呢?以賽力來睇馬體會相信會係被睇好既一隊，但表現好唔穩定，加上射手費蘭度托利斯今季有D失色，多多少少都同佢D轉會消息有關係，睇來馬髒會都好難留到佢，見有價有市俾我都賣左佢吐現好過。同樣都係表現唔穩定既奧沙辛拿又點呢?呢隊波一開季就輸俾廢柴皇蘇，真係好難睇好，不過呢隊波從來都無路捉，再加上佢成日都係意想不到下攞到分，整體實力其實都唔錯。再睇埋個盤，又真係幾睇好奧沙辛拿可以入到波，(馬體會2:0比2:1好分，1:1亦都好騎呢5.3倍)，咁樣呢場波可以點買呢?

1.入球大(2.19倍絕對抵買，唔好俾佢太好分嚇到，我相信買細既飛會多)
2.波膽 2:1 2:2
3.唔建議買贏輸
4.如果開半場主客和可以搏下半場奧沙辛拿羸(呢個買少少好，不過我覺得幾值搏，如無意外有5倍以上)
尋日死曼城1:1累我無左3千幾蚊，希望聽日可以幫我攞返DD

我既買法會係咁既：

1.波膽過關2串3

利物浦 3:1
馬體會 2:2

2.2串1

利記WIN X 馬會入球大 $100(呢條唔買，利記1.75唔抵買)
利記讓球WIN X 馬會入球大 $100
利記入球大 X 馬會入球大 $300----->$400

希望可以幫到大家贏錢，同埋就算開唔到入球大都唔係1:1 2:0呢D結果，唔該!