引用:
原帖由 Black-Label 於 2007-7-27 12:20 PM 發表
這是摘自翻譯外文書籍的一段, 可參考參考.
兄,我好鬼鐘意您架,係真心話,您為人十分好學,又肯查根問底,以兄弟嘅做人宗旨,第日响事業上必有作為,兄弟只要再老練一啲,機會一來,千萬吾好錯過,我做人實話實說,我同您大家吾相識,冇必要擦兄弟[鞋],:041: 全部真心話.:041:
兄弟果編網上文章,小弟啱啱睇過,其實所有賭波方程式,只係統計學,任何公式都得,因為話明係假設,[假設]其實已經係[規範佐一個範圍]如果一有[意外],自然[假設]會超出[既定範圍],變佐吾成[公式],其實所有公式都係用[發生佐嘅事]嚟作藍本,當然事實已經發生佐,係可以作為數據參考,但大多數專家提出嘅所謂數據,其實係[主觀]認為[答案],再响數據中用揾有用資料去[進一步]証明自己睇法,未必夠全面同中肯,兄弟愈見得多會愈心驚,比方專業公式計算出今埸總入球係2球,但咁啱隊波未開賽前後防大將同龍門打交入佐[廠],教練有[好人]吾揾,揾我做[龍門],您做後衛,攞明想輸波同比對家大炒,因為小弟做襯[龍門]果埸波係至少失10球,呢啲[突發性]事件係任何公式都計吾到,但二,三線嘅波,除時會某種原因領到當弗嘅前鋒或後防吾出得而影響賠率同賽果,所以用任何[賭]嘅公式去計[賭博],贏嘅始終係大莊,所以點解我咁大口氣講話網上大多所謂定律同公式根本不值一看就係咁解,任何[有心]嘅人,只要吾係白痴,一定可以先揾自己[肯定嘅答案],再從過往已經發生嘅事實中,抽出有用數據嘅支持自己論點大做文章,以求達到自己嘅[目的],網上咁做嘅人多的是.
賭波首要先分析球隊實力同近況狀態,得出自己嘅對呢埸波嘅觀感,係邊隊秤先啲,跟住就去對盤,點解要對盤呢?嘅然分析佐A隊球高啲?就買A隊就得啦?錯!現實係自己[諗]未必啱,就算[啱]都會有其他事影響原本或應該開出嘅賽果,因為賭波係金錢遊戲,如果信任何賭波公式,不而自己直接睇睇[金錢]嘅動向作為參考,而睇金錢嘅流向,就係[睇盤],睇盤可以知道[現在]發生緊乜嘢事,而且自己分析只係一個人,所得資訊係有限,但賭波公司咁多人去營運,所收嘅[料]必定比我地[先]同[快],所定或轉盤嘅賠率係包含公司方針,對球隊睇法,如果能夠熟識各主要公司嘅[方式],等於幫助自己[分析球隊勝算]同提高自己勝算,至少如果盤路同自己最初對球隊嘅分析吾同路,我可以選擇吾賭呢埸,一日咁多埸波,又點會楝吾到一埸去賭呢?
我覺得現時網上流傳嘅所謂公式冇用,我未必會積極咁主動咁揾嚟睇,但以小弟觀察,兄弟一定要積極咁揾嚟睇,點解呢?雖然小弟成日吾回貼,但以前兄弟所出嘅POST或兄弟近期所引用嘅內地文章,兄弟應該係處於,半信半疑,同疑幻疑真嘅階段,想進步必然要冒被[洗腦]嘅危險,但兄弟只要捉住一點去睇一編文章,我點解要信呢編文章,我可以揾答案去[駁斥]佢,久而久之,當兄弟到佐冇文章可以領自己去[駁]嘅地步,兄弟已經可以[自立成皇],從此可以[自給自足],吾會比網上流言或貼士擺佈自己嘅思想,同贏錢之路又拉近距離.
