『著迷』

各位版友你地好..
小弟係足球投注區其中一位版主『著迷』..
其實區內一直都有唔少會員向各位版友賣料..
近期呢類賣料行為越黎越多..
版主見到就一定會將呢類人Banned..
版主並唔係廿四小時在線..
所以各位版友見到呢類帖子請按報告..
其實點解版主要趕絕呢類賣波料既人呢?
其實原因好簡單..
因為賣料比你既人..
所謂既堅料係咪真係堅架呢?
呢樣野無人可以比到100%既答案你..
但係事實上係咪真係有堅料一定中既波呢..?
咁就一定有..
球壇上一定會有假波..
唔係上季祖雲達斯都唔駛落乙組踢..
但係假波呢樣野..
係咪一定會流傳出去先..
傳晒出去莊家咪搵唔到食?
所以我建議各位..
賭波靠自己..
用自己既思考去研究一場波去賭..
就算輸左都無咁嬲啦..
用錢買返黎既料..
輸埋既話咪即係送夠兩家茶禮?
而家玩賣料既會員..
已經醒到叫人pm或者留msn先傾..
版主淨係可以處理到版面上既野..
但係都唔忍心見到各位版友中招..
所以先開呢個帖子講下..
買唔買料..
係閣下既決定..
買料係聰明定係蠢..
請閣下自己諗諗..

ponti

唉..............

必勝的人,,只有賣料比人的人..........:026:

cpl2210

嗯嗯
心裏明白

革離

一定要趕絕呢類人係度搵食,版主做得好

包你深信

賣料的是給血鬼,起初比一兩場你中吓,再引你去做貴價會員再劏你
其實比料的人唔係庄家就係外圍,引你d無知賭鬼去死
如果個個投注一千都收硬千五,呢個世界就唔使咁多人日捱夜捱做餐死la
醒吓啦兄弟們

ANDI

版主講得好！如果d人咁叻！自己唔駛做野，跑盡山！自己買番十幾廿萬，贏左之後再過番十口八口，咁咪仲好過去玩「一摘千金」！你地話係唔係？

王菲紅

有必勝早就發左達
有冇理由要貪D一百幾十

kken128

醒吓啦兄弟們:044: 有必勝早就發左達:044:
你地話係唔係

onionsteff

support

ponti

我有我有......$20000一條
必輸貼士:096::096::096: