紅勇士

注意: 而家開始, 只可在此post 枚o既玩法, 之前 & 之後出現o既其他留言, 一律del, 包括我自己之前o既留言!

請大家提供一些送酒劈人又好玩o既"枚"
可以o既話盡量詳細少少, 方便巴打們更容易理解.
經小弟整理後會集合一齊. 格式如下:

名稱:

可參與人數:

玩法 & 規則:

心得:

其實小弟都識玩大約十種枚, 先舉例俾大家參考.

遊戲一

名稱: 7 8 9, 飲到嘔

可參與人數: 3 ~ 無限

玩法 & 規則: 2粒骰, 在"米剛"內輪住來打"打", 先落少少酒做柏屎. 每打到總數為7, 就要加酒, 份量幾多都得, 但加酒後要再打多一次. 如打到總數為8, 就要飲所有酒o既一半, 飲完亦要再加酒, 之後再打. 如打到總數為9, 就要飲哂全部, 飲完亦要再加酒, 之後再打. 如打到7 8 9 以外其他數字, 就輪到下家打骰, 如打到孖 1, 可指定任何一位參與者飲哂全部, 如打到孖 2 3 5 6 任何一組數字, 就調轉返轉頭, 例如本來順時針, 打到孖 3之後, 下家就到逆時針接, 如打到孖 4, 則一樣調頭, 但下家要飲所有酒o既一半, 打骰者唔使飲. 另外, 如將骰打出"米剛"外, 要罰飲所有酒! 此遊戲係唔會停, 直到有人飲到嘔退出為止!

心得: 細力少少, 唔好跌骰... 其他就睇你造化啦! :cool:


[ Last edited by 紅勇士 on 2005-6-11 at 01:54 AM ]

[ 本帖最後由 紅勇士 於 2005-6-16 07:48 PM 編輯 ]

浪__子

遊戲三

名稱: 俄羅斯輪盤

可參與人數: 2~6

玩法 & 規則: 骰1粒, 放六隻盃系檯面, 篇好號碼, 將其中1,3,5 (或2,4,6都得, 總之梅花間竹)倒入酒
鍾意咩都得, (亂咁溝........), 之後輪流打1粒骰, 骰之點數對應之盃內, 若無酒, 則可加酒, 又系任溝, 之後到下家打骰, 骰之點數對應之盃內, 若有酒, 則須全部飲晒, 並再次打骰, 直至打中無酒之盃並加酒為止.

心得: 呢隻玩法系搏命用, 因邪起上來可以到你時六盃都有酒, 而你又好邪咁連中六野全部飲晒,
就算唔係, 同常都好有機會連飲2~3盃, 如果D人亂溝野, 好易倒地.

[ 本帖最後由 紅勇士 於 2005-6-13 11:55 PM 編輯 ]

unix

遊戲四

名稱: 大圍枚

可參與人數: 3 ~ 無限

玩法 & 規則: 相信無咩人唔識玩嫁啦，卑鄙指數極高０既遊戲，原理就同十五二十一樣，不過每人只有一隻手，「開」同埋「無」, 六個人玩，自然６隻手，加埋最多３０，最少無或者叫「對」咁啦，上家叫中你要飲酒，飲完，上家再叫「為之追殺」, 你叫中，下家飲酒，飲完，你再叫「為之追殺」

心得：豬朋狗友往往會用分散注意力依招, 「你剛剛叫了什麼？２０？」喂，中左啦, 「依，頭先係唔係３０呀？３０３０３０３０」喂叫左４聲啦，又中啦，飲啦, 再狠一點追友０既朋友，就係等人未準備, 「對」．．．又一板．．．「五」．．．下家當驚又中「對」，反應自然會好快出手．．．又中．．．:mad:

[ 本帖最後由 紅勇士 於 2005-6-14 12:00 AM 編輯 ]

紅勇士

遊戲五

名稱: 骰仔麻雀

可參與人數: 2 ~ 4人

玩法 & 心得: 先加酒, 幾多都得, 睇你玩得幾大. 一人起莊, 打5粒骰, 其他人同一時間打4粒骰. 只要5粒骰組合有一台牌 + 一對眼, 為之食糊! 舉個例, 如果我同你玩, 我起莊打到 2 3 3 3 4, 呢度有 2 3 4 一台牌 + 3 3 一對眼, 咁我就自摸食糊, 你就輸啦. 如果我打到係 1 2 3 4 5, 由於食唔到糊, 我要打一粒骰出去, 例如我打出粒 1, 咁我而家就叫糊 2 5 兩飛! 如果咁O岩我打出O個粒骰係你叫糊O個粒骰, 例如你4粒骰係 1 4 5 6, 咁就為之出沖, 我就輸啦. 如果你入邊係 1 1 3 4, 即係叫緊 2 5 兩飛, 我打出O個粒 1 你食唔到, 咁你就要將出邊O個粒 1 拎入盎, 加埋本身4粒骰再打過. 直到有人食糊為止! 如果多人玩, 自摸就位位有份瓜分派彩. 如果出沖, 就出沖者飲, 而且仲有雙嚮同三嚮!

心得: 盡量出熟章骰, 例如上家出2, 你入邊有2就出2, 除非叫緊3飛, 例如你本身 1 3 3 3 4, 咁就梗係博啦! 是關之後有人打出 2 4 5都有糊食! :cool:

[ 本帖最後由 紅勇士 於 2005-6-14 12:30 AM 編輯 ]

紅勇士

遊戲七

名稱: 話事骰

可參與人數: 2 ~ 無限

玩法 & 規則: 先準備一個大杯, 有咁大就得咁大! 基本上同話事啤一樣, 只有少少唔同. 每人一個盎, 5粒骰! 先落柏屎做底! 大家同時間打骰, 每次打一粒骰, 打完之後將粒骰放出來, 最大者話事加酒, 1為最大, 之後 6 5 4 3 2 為最細. 加酒之後遊戲繼續, 大家再打骰, 又係最大者話事, 加酒, 抽粒骰出來... 重複以上動作, 打哂5粒骰最後鬥大, 最細者為輸家, 要飲哂所有酒! 最後大至細排列同話事啤有少少唔同, 話事骰最大排列為 1 2 3 4 5 > 2 3 4 5 6> 5條 > 4條> FULL HOUSE > 3條 > TWO PAIRS >  單骰. 遊戲中途無得退出, 開笫5粒骰之前問有無人投降, 投降輸一半論 (全部酒O既一半), 另外, 如果你睇唔順眼某人, 你可以O係未開到笫5粒骰O既時侯同佢SIDE BET, 其他人可以置身事外. 但如果要求SIDE BET者同人地O既骰係一樣, 咁係無打和, 當要求SIDE BET者為輸家!

心得: 唔好亂咁爆尻人 (SIDE BET), 除非你同佢好大仇口, 如果唔係俾人儲一鋪勁多酒爆返轉頭就無謂. 中途見D骰唔靚, 拿拿聲飲一半算, 留得青山在, 那怕無人飲? :cool:

[ 本帖最後由 紅勇士 於 2005-6-14 01:01 AM 編輯 ]

浪__子

遊戲八

名稱: 台灣大話骰

可參與人數: 3 ~ 無限

玩法 & 規則: 先搖骰,大家可以睇,睇完要記低,玩大圍十五二十,輸左飲,再玩番大話骰,但唔淮睇,考記性,到有人開時,要說出自己咩骰,講唔出,半杯,如果輸埋雙計,如果之前十五二十輸埋,再加一杯 :::

心得: 記性!

[ 本帖最後由 紅勇士 於 2005-6-14 01:02 AM 編輯 ]

jlai1001

遊戲九

名稱: 攞膽

遊戲人數: 不限

玩法 & 規則: 需要 5 ~ 8粒骰, 首先一個人為莊，莊家首先要開一個牌頭出來，例如 : 3條3鬥大，即是說3條3為膽，鬥大為腳，好啦，開了牌頭就開始擲骰啦，要預備一隻碟或nuts兜，如果骰數為8粒先算，莊家先擲晒8粒骰，佢要係8粒股裡面，最少拿一粒，最多可拿3粒，任他選擇，但牌頭所需的條件是3條3為膽，所以最好拿了膽出來先，如果唔好彩冇膽，都要拿出來的，如此累推一路擲一路拿，即至冇晒骰為止，如果最後擲到3條3啦，其他的骰就加晒所有點數，例如總數為25點，咁閒家就一定要有膽再大過25點才能羸，打和莊家贏，如果唔好彩，沒有膽，即是說一路擲一路拿都沒有3，就到閒家擲，閒家一擲到3條3就即贏，因為有膽才能看腳的點數，如果少過25點就要飲，大過就莊家飲。
其實膽個方面可以3條，套pair，甚至乎1pair總之乜都得，腳方面就是鬥大或者鬥細。
如果大家都冇膽就算打和

心得: 莊家唔好開得太大個膽，因為如果唔好彩冇膽，閒家有十個八個，一時唔好彩飲4，5個閒都死啦 ::

[ Last edited by 紅勇士 on 2005-6-7 at 01:38 AM ]

[ 本帖最後由 紅勇士 於 2005-6-14 01:03 AM 編輯 ]