casual

遊戲十一

名稱 : 拍七

可參與人數 : 3-7 人

玩法及規則 : 參加者輪留叫數字 (通常係 1-50) , 每當叫到 7 既倍數 及 同七字有關既數字 就用拍台代替 . 並且倒番轉頭叫 , 即係你叫左 6 , 我就唔叫七 , 就拍台代替 , 跟住就唔係下家叫 8 , 而係你叫番 , 輸左當然飲酒啦 ! 明未 !

心得: 數口要好!

[ 本帖最後由 紅勇士 於 2005-6-14 01:05 AM 編輯 ]

casual

遊戲十三

名稱 : 7粒骰 <-- 請提供真確名稱

可參與人數 : 3 ~ 無限

玩法及規則 : 做莊果個先搖骰 (搖幾多粒是乎人數增加 , 7粒以上) . 然後將佢加起得出一個數. 只可以睇一次, 呢個數只可以做莊果個知 . 到開始 , 做莊果個先叫 , 睇下你有幾多個人玩 , 如4個人 , 一開始就由4 以上開始叫 , 我叫 5 , 6, 7 (最少叫2個號碼, 最多叫3個號碼)! 下家接落去 , 佢可以 有一次機會用pass, 莊家不能用. 下家可以 叫 8 ,9 . 如此下去 , 當有人叫到有人叫到咁多粒骰加埋既總數 , 佢就輸 , 咁當然要飲酒啦 ! 另外. 做莊如果計錯數, 開錯人地骰都係輸!

心得: 做莊數口要精!做閒人地pass, 最後跟大隊pass!

[ Last edited by casual on 2005-6-7 at 07:01 PM ]

[ 本帖最後由 紅勇士 於 2005-6-14 06:27 PM 編輯 ]

jlai1001

遊戲十四

名稱: 搶叫搶開大話骰

可參與人數: 3 ~ 無限

玩法 &規則: 其實同大話骰冇分別，都係順住叫，只不過任何一家都可以搶叫，即是說，本來到你叫的時候，對面個家或者你下家都有權搶叫，如果你下家搶叫，即是說你個round就唔駛叫，但如果你下家叫完，之後你上家又搶叫，咁個波又番落你到啦! 另外, 當然都可以搶開啦!

心得: 小小心得就是如果要快!!! : : :

[ 本帖最後由 紅勇士 於 2005-6-14 06:26 PM 編輯 ]

andytsui

遊戲十五

名稱 - 加減乘除

可參與人數 - 2個以上

玩法 & 規則 - 先準備一個骰盅 + 5 粒骰(多d都得), 先搖骰,但係唔好睇住,其中一人先叫一個數字,之後才開骰盅,用加減乘除既方法去計算剛才既數字,計到既朋友可以拍一拍枱表示計到,直至最後一個未拍枱既朋友這時指同枱其中一個人計返剛才既數字. 罸法 - 被人指中既朋友如果計唔返那個數字就要飲,多少隨意.如果計到既話就係最後未拍枱那個朋友飲

心得: 數口要精要快!

[ 本帖最後由 紅勇士 於 2005-6-14 06:29 PM 編輯 ]

andytsui

遊戲十六

名稱 - 跟尾狗

可參與人數 - 2個以上

玩法 & 規則 - 準備骰盎(每人一個) + 五粒骰, 其中一家先出一粒骰,例如4,之後既一家可以出3 or 5(當出3咁啦)而家枱面有3同4,咁之後既一家就要出2 or 5來接住出, 邊一家出唔到骰去接既為之輸,飲多少隨意,如果咁啱咁多家都出哂手頭上既骰(例如枱面有 (1,2,3,2,3,4,5,4,5,6,1,2,1,3.....),為之和局,冇人需要飲,再玩過啦! 另外, 1 同6 係可以接得埋既

心得: 睇你造化啦!純運氣遊戲!

[ 本帖最後由 紅勇士 於 2005-6-14 06:33 PM 編輯 ]

andytsui

遊戲十七

名稱 - 執骰

可參與人數 - 2人以上

玩法 & 規則 - 準備骰盎(每人一個+五粒骰). 每人先搖骰(不可先睇),之後其中一人嗌五個號碼(1至6),例如叫3,3,4,5,6,呢個時候大家一齊開盎,順次序地將3,3,4,5,6呢5粒骰放在盎面上,之後拍一下枱及叫出自己既名字, 以下3點都為之輸 :

1) 排錯次序要飲 (例如嗌3,3,4,4,6,但係排左3,3,4,6,4)
2) 執錯骰要飲 (例如嗌3,3,4,4,6,但係排左2,3,4,4,6)
3) 個個都排啱,係係最後那個又要飲

心得: 快, 準, 狠!

[ 本帖最後由 紅勇士 於 2005-6-14 06:36 PM 編輯 ]

andytsui

名稱 - 剥光豬
工具 - 骰盎一個加五粒骰
人數 - 2人以上

玩法 - 各人先搖骰(不可以睇),跟住其中一人嗌一個或者兩個號碼,例如4同6,之後大家開骰盎,將所有既4同6抽出黎,抽完之後再搖骰,再由另一位朋友嗌號碼,如止類推

罸法 - 最快被人叫人哂你手頭上既骰(剥光豬)為之輸,如果第一板就叫中的話(例如你有三個6,兩個1),對方嗌1 同 6 的話就要飲double!:

[ Last edited by andytsui on 2005-6-9 at 12:00 AM ]

andytsui

遊戲十八

名稱 - 一六 (如果有好名請提供)

可參與人數 - 2人以上

玩法 & 規則- 每人骰盎一個加五粒骰, 大家搖骰之後打開,入面有一既拿走,六既俾下家(三人以上)OR俾對家(二人對戰),跟住再搖骰,也是一既拿走,六既俾下家,如止類推. 點算輸? 以下2點:

1) 最先踢走哂d一既為之贏,剩餘既人可以繼續玩,直至尾二那個人也踢走哂d一為止,咁就罸最後那個朋友,剩返一粒骰既飲1/3, 2粒飲2/3, 3粒飲一杯

OR

2) 最先踢走哂d一既為之贏,今次剩低既人唔使玩,數佢地仲有幾多粒骰剩低,又係一粒骰既飲1/3, 2粒飲2/3, 3粒飲一杯....

心得: 完全講運!

[ 本帖最後由 紅勇士 於 2005-6-14 06:40 PM 編輯 ]

nwk7774

遊戲十九

名稱 : 正反?

可參與人數 : 3 ~ 6人

玩法 & 規則 : 每人一個杯正放在台上,猜包剪搥,輸的人就反轉自己隻杯,睇下台上D杯正、反比例少數的飲。例:3個人玩, 3隻杯 (正,正,正)>第1個猜輸,反轉個杯(反,正,正)=反果個飲>再猜,第3個輸(反,正,反)=正果個飲,如此類推。

心得:6人最好玩,事先說明2個杯要飲,冇技術純運氣,有時人地猜輸,你都要飲(我試過教識D女玩,玩到吾比我走)

[ 本帖最後由 紅勇士 於 2005-6-14 06:44 PM 編輯 ]