jlai1001

遊戲九

名稱: 攞膽

遊戲人數: 不限

玩法 & 規則: 需要 5 ~ 8粒骰, 首先一個人為莊，莊家首先要開一個牌頭出來，例如 : 3條3鬥大，即是說3條3為膽，鬥大為腳，好啦，開了牌頭就開始擲骰啦，要預備一隻碟或nuts兜，如果骰數為8粒先算，莊家先擲晒8粒骰，佢要係8粒股裡面，最少拿一粒，最多可拿3粒，任他選擇，但牌頭所需的條件是3條3為膽，所以最好拿了膽出來先，如果唔好彩冇膽，都要拿出來的，如此累推一路擲一路拿，即至冇晒骰為止，如果最後擲到3條3啦，其他的骰就加晒所有點數，例如總數為25點，咁閒家就一定要有膽再大過25點才能羸，打和莊家贏，如果唔好彩，沒有膽，即是說一路擲一路拿都沒有3，就到閒家擲，閒家一擲到3條3就即贏，因為有膽才能看腳的點數，如果少過25點就要飲，大過就莊家飲。
其實膽個方面可以3條，套pair，甚至乎1pair總之乜都得，腳方面就是鬥大或者鬥細。
如果大家都冇膽就算打和

心得: 莊家唔好開得太大個膽，因為如果唔好彩冇膽，閒家有十個八個，一時唔好彩飲4，5個閒都死啦 ::

[ Last edited by 紅勇士 on 2005-6-7 at 01:38 AM ]

[ 本帖最後由 紅勇士 於 2005-6-14 01:03 AM 編輯 ]

jlai1001

遊戲十四

名稱: 搶叫搶開大話骰

可參與人數: 3 ~ 無限

玩法 &規則: 其實同大話骰冇分別，都係順住叫，只不過任何一家都可以搶叫，即是說，本來到你叫的時候，對面個家或者你下家都有權搶叫，如果你下家搶叫，即是說你個round就唔駛叫，但如果你下家叫完，之後你上家又搶叫，咁個波又番落你到啦! 另外, 當然都可以搶開啦!

心得: 小小心得就是如果要快!!! : : :

[ 本帖最後由 紅勇士 於 2005-6-14 06:26 PM 編輯 ]

jlai1001

遊戲二十五

名稱: 推骰

可參與人數: 2個甚至3、4個，不過一般都是2個人玩

道具: 1個骰盅5粒骰

玩法 & 規則: 推骰分為實骰及虛骰，我就講種普通大部份人玩的實骰，大家亦可以叫(有出冇入)，首先預備1個骰盅及5粒骰，2個人玩先算，先由一家先搖，但唔好俾對手睇，自己睇完就可以叫骰，例如你自己搖了33445先算啦，你可以講大話亦可以講真話俾對手聽:

先說講大話......
我當你先講大話，例如你講3條5賴46先算，咁對手係未睇你d骰之前要考慮信唔信，如果佢信咁佢就要全部骰搖過一次，搖過一次就要大過3條5賴46，如果搖唔大過佢，都要講大話博人地再信你一次，例如講3條6賴1先算，如果對手唔信，一開你又冇的話你就輸，但如果你真係咁好運搖到3條6賴1，咁對手算輸。

現在說講真話......
例如你搖到上述的33445，你說34套賴5先算，如果佢唔信你一開，咁佢就算輸啦，咁如果佢信你，佢有權張骰盅裡面的骰拿出來再搖，道理像幸運骰，佢有權拿pair 4 出來，再搖餘下的3粒骰，例如佢搖到124，佢可以叫3條4賴12，咁就輪都對手搖，換句說話，佢唔一定要講真話，佢亦都可以叫4full或者45套，仲之一定要大過對手叫的，但拿了出去的骰就不能再拿回入去搖過，如此累推，直至一家開骰盅為至才分勝負......

心得: 捉心理! 有時吹下水, 有時要誠實!



[ 本帖最後由 紅勇士 於 2005-6-14 06:54 PM 編輯 ]

jlai1001

遊戲二十七

名稱: bing bang 哇

可參與人數: 3人或無限

道具: 不用骰盅，因為是手枚

玩法 & 規則: 例如參加人數為五個人，步驟一是找一個人叫bing，bing就要指住四個人其中一個人，而那個人可以選擇去到步驟二 bang，佢亦可以選擇再bing人，我當佢再bing第二個，第二個亦可再bing人，但如果佢選擇bang人，佢都要指住那個人，而被bang的人旁邊的兩個人(即上下家)就要做一個舉起雙手的動作，一齊都要叫哇，沒有做動作或沒有叫哇都當輸，而bang的人就不可以叫哇及做動作，如果做了叫了一樣當輸。如果沒有人輸就由被bang的人再叫bing或者即刻叫bang人，如此累推。而還有一個特別的情況，就是被bing的人可指上天叫bang，而指上天叫bang全部人都要舉起雙手叫哇(包括指上天的人)。

心得，看反應，有時太慢太快都會出事....

[ 本帖最後由 紅勇士 於 2005-6-16 11:16 PM 編輯 ]