chunyu1227

今季十分高興. 因為看到 馬評天地 裡, 眾多高手臨立. 大家在共同賽馬興趣下一齊研究賽馬. 確實係人生一大快事.

不過, 同時希望帶出一個訊息給所有在此的會員. 我發覺有部分會員正因這些高手的到來, 不知不覺間因要追隨高手提供的貼士, 而不自覺地把自己的賭本也不斷提昇.
我在此主要想提醒一下各位朋友, 一切要量力而為. 最好先把自己的財政狀況作出一個徹底分析及分配. 並設定每次賽事的投資總金額. 切忌在贏錢或輸錢時隨意變動金額總數去加大注碼.

祝大家都能在這個馬季藉著高手的用心鑽研下的提供, 都能得到回報.

同時也送給大家『小賭怡情』這四個大字. :036:

魯賓遜

好贊成樓主講法呀!!!!
賭錢好易迷失理智, 有時唔理自己盤數, 但求中馬有錢收, 可能輸兩三場就已經輸突.
所以大家一定要事前作好投注預算, 千祈唔好亂石投林呀.
其實亂石投林好易令自己對賽馬熱誠同熟識減低, 因為根本無逐匹馬去秤過, 只係諗住中就得啦.
而家季初階段都幾多冷門, 不過十月中開始啲馬有賽績根據, 就好難成日爆冷, 好多時都係十幾廿倍Q, 所以場場去亂石投林犯不著.
小弟一向鼓吹小注怡情, 玩馬當娛樂, 小注過關, 刀仔鋸大樹.
以前都試過亂石投林, 十場中七八場, 每場五六隻互串Q/QP, 收錢過癮到死, 但最後發覺黑仔輸一日已經輸到嘔血.
就算中過千蚊Q都玩唔到幾耐, 而且當時真係唔多熟識每匹馬, 因為只係掛住"圍"馬搏冷.
今日嘅馬算死草, 鐵角好多時都嫌多, 買一拖二算數, 一日十場輸唔死.
揀兩三場過關搏佢大堆.
而家玩馬玩得好開心.......希望大家都可以尋找到賽馬嘅樂趣啦.
老人家多口水囉唆, 千祈唔好嫌我煩, 唔o岩聽就算啦.

chunyu1227

我發覺有部分馬迷係場場追既買法.
係之前各大高手既專題post裡面. 有d馬迷每跑完一場就追問下一場買咩.
其實呢種投注手法唔係好健康. 而且久而久之, 你會變左為賭錢而賭錢. 只要有賭錢既機會你都唔會放過. 咁就會變成一個職業賭徙. 各位要小心小心!!

其實如果大家係從欣賞賽馬既角度出發, 就算係無買既場合, 你睇到d馬爭持激烈, 都會睇得好開心, 好熱血沸騰.
如果你既出發點係為左投資賺錢, 更加唔應該場場買. 應該先去選定重心出擊場合, 再參考各高手既貼士, 從而選出自己既獨有心水去投注. 咁就比較係機會率較高既投資方式.

最後都係個句. 大家可以為左興趣去投注, 為左投資賺錢去投注, 但千祈唔好為左要賭錢而去投注. 心態上既控制係好重要. 希望大家在賽馬中找到快樂之餘, 都可以保持健康既態度.

(p.s. 我都係老餅, 希望大家年青人係賽馬尋找樂趣中, 唔會失去健康既心態.)

[ 本帖最後由 chunyu1227 於 2008-10-9 01:18 PM 編輯 ]

魯賓遜

版主好野:036:
但呢啲咁有意義嘅post亮燈, 起碼令人賭錢投注前都諗諗呀!!!:036:

kuskit

引用:

原帖由 chunyu1227 於 2008-10-9 11:46 AM 發表
今季十分高興. 因為看到 馬評天地 裡, 眾多高手臨立. 大家在共同賽馬興趣下一齊研究賽馬. 確實係人生一大快事.

不過, 同時希望帶出一個訊息給所有在此的會員. 我發覺有部分會員正因這些高手的到來, 不知不覺間因 ...

你的想法與我的搏彩理念一致，希望經過一些失敗或錯誤後，大家都能逐漸走向一個較正確的方向...:041:

199

Good.........:098: :098: :098:

gmmarco

咁多高手,應該跟佢地學下野,唔係淨係跟no.
一旦高手走左,自己都可以獨當一面,唔洗靠人:025:

四眼輝

引用:

原帖由 gmmarco 於 2008-10-10 01:21 AM 發表
咁多高手,應該跟佢地學下野,唔係淨係跟no.
一旦高手走左,自己都可以獨當一面,唔洗靠人:025:

所以我一直都講我信自己,,,其他人係參考:071: :071:

道隱無名

有好嘅管理先可吸引高質會員到此:041: 以各網馬版討論區計算,此地和諧兼容納不同意見,應該仲會吸引更多人流:041: 馬齡有番咁上下,應該懂得自我控制:097:

DGKB

引用:

原帖由 四眼輝 於 2008-10-10 01:36 AM 發表

所以我一直都講我信自己,,,其他人係參考:071: :071:

我信心爆棚,參考都唔駛,自己[簡],輸都心甘情願,只怪自己學藝不精:071: :071: