ck251201

越做得耐就越發覺條友仔唔妥，有意無意就比屎我跩。同埋佢係好鬼怕攞張單比客，尤其係D過左鍾又未超過一粒鍾0個D，某晚阿X姑娘打出黎叫埋單，「依！過左八分鐘㗻！forget it 免番超時收費啦！」Anyway出左單就連單薄遞比阿四眼佬，冇耐見返番轉頭走埋黎Counter望住我，即係示意叫我再打多張單但係就照收超時嘅plus $40。「你係經理你話事啦！plus幾多都得格！」點知當打完單拎番轉頭遞比佢嘅時候…「依！唔見左？咁快？」唔見佢咪唯有自己去囉！又唔使死！點知X姑娘發爛話過少少都要收佢，又大大聲聲宣傳佢帶幾多客黎幫襯連少少面子都唔比佢咁話㗻。「Excuse me madam 事實上你地係超左時㗻，我地公司亦冇收多你播！」點知X姑娘居然講「如果經理就實會折番比我！你經理呢？」我頂！冇辦法嘞！唯有就將成個過程話比佢知，激到佢係咁話以後唔黎打牌（不過第二晚又見倒佢）冇幾耐條四眼佬又唔知喺邊道竄番出黎，一句聲都唔出就走去check單，佢仲問我點同X姑娘收又話依個客好麻煩，係衰客遲早就blacklist佢（低能！）「梗係有炸形啦，仲話要搵你折番比佢添！所以我咪將幾張單比晒佢睇囉！仲話埋比佢知係經理你叫我印過張單添！」佢係咁beer住我好似想同我隻揪咁（係就快啊！唔好等下個禮拜！）Fact one我只係講「樹」實。經理你唔係要我講大話扼個客吓嗎？Fact two經理你唔係應該等埋張單出黎攞埋去咩？邊個跟開跟邊個吖嗎！佢諗都唔使諗就話頭先入左「stop 房」（store room）攞麵啊！米粉啊！可樂啊！啤酒啊…etc。我好有耐性咁等佢講完晒之後……「我頂你個肺咩，你依D擺明係講笑嘅啫！D房含含聲係咁埋單，打得單黎第二間房又電話到又催住埋單，你條粉炳仲同我講話頭先去左出store？」即係唔係話我cutie到教個經理做野，而係話In case就算擺明係捨，都應該知匯聲掛！At least自己心裡面有個底吖嗎！經理你家陣係咪考我嘅應變能力啊！我都冇take過危機處理依科。但講到「應變能力」依家野就拍馬到追唔倒條四眼佬啦，但美中不足嘅係應該喺D item前面加埋個brand name上去，例如『X一丁公仔麵』、『仆字米粉』、『清倒啤酒』、『大估氣水廠嘅可樂』、『晨咁早嘅七起』……等等。咁先正可以描繪倒當時經理你肩負嘅重任係何其偉大、何其拯救泥民百姓於水深火熱之中。如果當其時唔去出store嘅話好可能就會威脅倒地球嘅安危及整個宇宙銀河系各恆星嘅運行軌跡添！超也麼！

caiwei

睇唔出個四眼佬斯斯文文，做事做到這樣。