回覆樓主: "我就認為要打比佢 9 章就要包佢自摸....因為打比佢碰之(搏牌者)...須負責:030:"
樓主認為: 如果對方碰左紅中白板, 6章落地, 如果有人手上有發財, 打比佢碰9 章, 就要包自摸, 原因係佢一定10番, 搏牌者要負責.
我o既見解:
首先我要o係度講: 廣東牌係冇 9 章包自摸o既例o既, 所有包自摸都係 12 章, 唔會因為大三元而變成 9 章要包自摸.
第2, 樓主覺得大三元碰左9章中發白, 必定10番, 所以博發財比佢 9 章要包自摸, 此講法不合理:
i. 點解佢一定10番就要包自摸? 如果人地碰左1筒2筒, 打3筒比佢碰, 9 章, 咁會唔會佢自摸普通清一色唔洗包, 自摸清對就要包?
ii. 你都話有人係打小5大8, 咁如果係打小5大8, 唔當大三元係例牌10番, 咁會唔會唔駛包 (因為唔一定10番, 咁同清一色9章冇分別)?
如果唔洗包, 咁咪即係小5大8o既情況唔洗, 例牌就要, 咁咪唔統一囉. 如果你話要, 咁佢都係得8番, 點解清一色9章唔駛包自摸?
iii. 如果你打無限番, 咁即使你當佢 10 番, 都冇乜特別, 咁點解要打比佢o個個負責? 落比下家清一色一樣o者.
iv. 咁如果打最大8番呢? 又點計呢? 我就覺得唔會因為打最大幾多番, 同埋點計大三元 (8 or 10 番) 而影響9章要唔要包自摸, 大三元應該冇特權.
我講過啦, 樓主set左條咁o既例應該係同聽開人講 "包發財" (假設人地已碰紅中白板) 有關.
呢句 "包發財" 係來自半銃 (非全銃) o既,
半銃一般情況下, (假設全銃打出 10 番 $256), 打出 10番者只需比 $128, 其如兩家要陪比 $64;
不過有例外, 就係對方9 章落地清一色, 你要搏牌打出比佢食, 你就要包曬出銃錢, 其餘兩家唔駛陪, 呢個情況就係樓主所講o既 "要負責";
對方碰左紅中白板一樣, 你打發財比佢食就要包曬出銃, 所以謂"包發財", "要負責".
(提外話: 局打係唔駛包o既, 想知可以再問我)
全銃本身打出比人食已經要包曬, 所以已經負左責, 9 章絕對唔駛包自摸, 12 章先要.
當然如果事先講明, 你地玩開係咁, 咁當然冇問題啦, 家家有求之嘛.
我相信樓主一定係玩開自摸10番有 jackpot, 所以set左條咁o既例.
其實我想話打比人12章, 好多人都只係計包自摸錢, 係唔駛包 jackpot o既.
不過其實應該包埋, 呢個情況打比人12件先真正 "要負責"
本人對廣東牌甚有研究, 樂意討論 ^.^