forssell427

引用:

原帖由 andy53120569 於 2007-8-20 01:08 AM 發表
我表姐都叫cindy..
24年大..

甘你表姐靚唔靚架~~^^講笑咋，我公司果到都已經有2個女同事叫cindy~

forssell427

引用:

原帖由 MUFG 於 2007-8-20 01:11 AM 發表
樓主~thanks a lot~~
打咁多字好辛苦架,體諒下啦,各位~~
要d字大,寫文用「回覆主題」果個 icon 入,就有得簡字型同大細。

thank you~~唔該晒你~~~

forssell427

其實我都想好寫落去，但始終個故仔唔係只有我一個人做主角~~~我諗聰明既大家都會估到，我同cindy係一直都有聯絡~~只係想組織一下，同埋刪除不必要既情節~~~仲要為免比識我地既人知道~~所以要諗下點樣寫~~所以希望大家比小小時間小弟，

多謝大家支持~~~~~

[ 本帖最後由 forssell427 於 2007-8-20 01:37 PM 編輯 ]

forssell427

引用:

原帖由 269892631 於 2007-8-20 05:01 PM 發表
版主,我睇過咁多愛情故事,唔知你果個係咪真實,所以睇落係我心目中最正既愛情故事

信唔信你地自己決定拉，基本上你地吾信我係可以理解。因為換轉係我都未必會信。

不過如果大家搵到第二到睇到同我一樣既，記得話我知，睇下係唔係我識既人係第二到post~~~~因為已經有一個識我既人知道我係到post左文章


多謝大家一直支持

forssell427

我地傾左好耐好耐，天都差唔多黑，雖然佢已經無喊，仲同我有講有笑，但我仲見到佢面上既淚痕，
可想而知，果日發生既事對佢真係好傷。初初我都覺得佢係一個不三不四既人，
試問點會同一個素未謀面既人做甘親密既野，仲要係樓梯。但其實佢只係一個好普通既女仔，
對愛情抱有憧憬，覺得自己會好似童話故事裡面既公主甘，會有美好既愛情。但經此一事後，
佢已經無再甘諗，往後既時間我地都間吾中有聯絡，以我所知佢都無拍拖(只知有好多狂風浪蝶)。初初佢都會同我補習，完全唔收錢果隻。
連我屋企人都問我點解會甘好唔收錢同我補習，我只好求其搵個原因敷衍佢地。
當然我地一直都好循規蹈矩，但佢每一次黎到，我隻眼都唔知應該放邊好，特別係夏天既時候，仲要成日著小背心，(都唔知係唔係特登)
真辛苦，有幾次仲比佢望到，佢就會好自然甘一巴打落黎.......「啪」「啪」........
雖然只係同我補習，但只要我見到佢，我就好滿足，我諗果陣我真係好鐘意佢，唔知係唔係每一個男仔細個既時候都會暗戀比自己大既女仔。
      就係甘我暗戀左佢3年。到左我今年會考，好耐都無見過佢，一來我要應付考試，二來佢都要做野。佢係一間外資公司到做野，
就算星期六日有時都要返工。所以係呢一年我地都無咩見面，間唔中電話聯絡下甘拉。
好唔容易甘考完會考，一身鬆晒，不過又唔使返學，又無錢去玩去旅行，真係好悶。
有一日我個老死光仔打黎
「喂，6點鐘尖咀地鐵站等。」
「咩料呀，我有約你咩」
「我約左3個女仔出黎唱k呀，但仲爭一個男仔，我第一時間就搵你拉，夠friend拉掛」
「你有甘好死?多隻香爐多隻鬼，你有無甘好益我呀。」
「喂，依家叫你出黎玩，仲有埋女你都唔出。成日掛住個中女，你唔係真係戀母狂呀」
我听到即時用晒我所識既粗口，一次過講晒出黎。竟然話我女神壞話，唔嬲就假。基本上我講左我同cindy既野佢知，
但就無講到我同佢已經發生左關係。
「你冷靜d先。成口粗口都唔知你講咩，當我求下你拉，如果你唔出黎，我好難出手架。你就有cindy姐幫下我都得掛。」
「我都知你無甘好死架拉，原來係甘，得但唱k錢你比呀。」
「一半~~~~~」
「好，殺你!!!!!」
其間光仔仲叫我點幫佢既媾女大計，總之要盡量比佢同個女仔單獨相處。希望今晚一擊即中
「喂，輝仔，去到邊呀」
「到拉，又話地鐵站等，幾多號房呀...」交待一輪後我上到去
一入房就見到佢地梅花間竹甘男女男女甘坐。先介紹一下其他人先
一個叫阿玲同佢男朋友阿ken，一個叫阿yen(光仔杯茶)，一個叫sandy(又係叫阿dy@@?!~甘岩既)
原來，阿玲係阿yen既表姐，甘sandy同阿yen係同學，一樣係今年會考生...真係複雜~~
開頭大家都係唱下歌，之後阿光同我打晒眼色甘
「不如我地搵d野玩呀，齋唱歌好似有d悶喎~~~」
「不如甘拉，我地叫酒飲，玩"失"中囉」阿ken提議
「但我地未夠"青"喎」基本上我都好少飲酒~~~
「怕咩呀~~~男人老狗有咩好怕」個死仔光好鬼積極
就係甘我開始玩parter，我同sandy一組，光就自然同yen一pair拉。
初初都好平安既，由初初隨量，到三分一，到一次半杯，最後一杯。我同sandy都係第一次玩，10次7,8次都係我地輸，雖然話我同sandy一組，但做男仔點都要頂酒掛。就係甘我開始有d浮浮地~~~而sandy塊面都幾紅下，望落去都有幾分可愛。初初我同佢都坐得幾開下，慢慢佢就埃左落我到。呢個時候，光仔已經成機攬住阿yen條腰，又扮晒飲到大大地甘。仲打眼色叫我攬住sandy，我當然無甘做。經過幾次湯完一次又一次之後，我精神返少少，但佢地好似無咩事甘繼續係甘玩，而sandy就訓左係我博頭到訓著左。無幾耐我地就單埋走人，好自然阿光送阿yen返屋企，最後淨返我同sandy。臨走時阿yen仲拉我一邊同我講
「睇你個樣都唔似你個friend甘色狼，我話你知呀，sandy未拍過拖架，你唔好蝦佢呀」
佢甘講姐係咩意思?甘唔放心又唔自己送佢返屋企~~~~~~
就係甘我就同sandy一齊走................待續

p.s下一篇張會係會覆第99個之後~~~第100個位麻煩大家可以留返比我嗎，因為無諗過會有甘多人支持~~多謝晒~~~~~

[ 本帖最後由 forssell427 於 2007-8-20 08:45 PM 編輯 ]

forssell427

引用:

原帖由 zinczinc 於 2007-8-21 01:43 AM 發表
吾係話留番第100個

比樓主咩=3=

估唔到@@甘快過左100，唔緊要拉，過左100甘等到200囉@@"~~~~:smile_30:

其實我可以一次過寫晒出黎，但大家會睇得好無隱。有人比意見我，就係話不如寫到好似故仔甘~~等大家睇到開心d。所以係某d情節上再仔細加多幾句，希望大家唔好介意。同埋呢幾日公司比較忙，~~~一有時間我就會寫~~~多謝大家~~~~

[ 本帖最後由 forssell427 於 2007-8-21 01:50 AM 編輯 ]

forssell427

等到200緊係唔會拉，我都唔忍心係到呃大家既回覆拉。只係呢排真係太忙，同埋組織一下應該點寫。

多謝大家支持

forssell427

表白
一路行，sandy一直都繞住我隻手，仲捉得好大力下，可能佢都飲得好醉下。如果一個女仔真係分分鐘比人溶左都唔知咩事。
「你有無女朋友架?」
「我?我無呀，邊有人鐘意我呀」
「甘你有無拍過拖呀?」
「都無呀.....唔好笑我，甘大個都未拍過拖。」
「我點會笑你呀，我同你一樣。」佢一路笑住甘同我講，果一刻佢臉紅紅，真係好可愛~~~~
呢個時候我地對望住，大家咩都無講。我知道再係甘落去，一定出事，
因為我好清楚，我心中只有cindy一個，萬一同左佢一齊，最後都係無結果，於是鬆開左佢隻手同佢截左部的士
佢好似唔係好開心甘。
「夜拉，你早d返去拉，返到去send個massage比我呀」
「我都無你電話..」衰多口tim.....
於是交換左電話後佢就走左拉。
我d酒係又未散，於是一個人慢慢行去撘小巴。行左幾步電話就響拉。唔係甘快就打黎呀
「輝哥仔，頭先個女仔幾靚喎~~~幾時開始架」cindy竟然打比我，仲用一把好衰既聲同我講
「你係邊呀?」呢個時候我2頭望，終於望到遠處既cindy。於是我同cindy就行左去海旁。
「你飲左好多呀，好大酒味呀你」
「唔係呀，我飲少少就甘架拉」我仲係到死頂.......
「你返唔返到屋企呀，未夠"青"學人飲酒。溝女都唔使飲甘多架」
「邊個話我溝女姐，我都講左佢係我.....」
「得拉得拉，你呢個年紀好正常姐，你唔溝女我先驚呀。頭先個女仔幾好呀，睇落去斯斯文文甘，個樣幾純呀。」
「喂，我講左幾多次呀，我都 話佢唔係我條女囉。」唔知點解我有點吾好老皮
「嘩，發晒老皮甘認真，仲唔認，鐘意人未認囉，怕呀你?」
我聽到之後腦海好似靈光一閃甘
「係，我係鐘意人」
「終於拉，你邊呃到我呀，人地好女仔黎架，你唔好蝦人呀」
「但我鐘意果個唔係佢，係你。」可能今晚飲左酒再加上岩岩cindy講左果句說話，飲我放左係心底好耐既野終於講出黎。
cindy聽到用一個好疑惑既眼神望住我，但好快佢又望住個海
「我講真架，又係你講既鐘意人就要認嘛。」
「阿輝，其實我一早就feel到你對我有d野，但你明唔明白，其實你未必真係鐘意我架，只係你身 邊一直都好少女仔係你身邊，而我又係你唯一，又甘熟既女仔朋友，你先有呢種感覺。所以當我feel到你有d野之後，我都少左搵你，費事你越踩越深。」
佢出奇地冷靜，令我一時間咩都講唔到。
「ok，就當我好似你甘講，但鐘意就鐘意架拉，要有一個合理既原因先可以鐘意架」
「甘你而家同我講左，你想我比咩答案你呀?你唔好甘幼稚拉，你家下先得果10幾歲，好似今日甘識下女仔玩下未算囉，到你大個左你自然就知到鐘意人係咩一回事架拉。」佢係甘講，我越聽就越火，佢講咩我完全無用心聽過
「你明唔明呀」
就係呢個時候我一手攬住佢，咩都無講就咀左佢。佢初初都有推開我，但我已經吾係佢岩岩識果陣比佢矮既小朋友
佢由掙扎同放棄到攬住我，佢呢個舉動反而令我好不安，我即下放開佢
「sorry.....我....」
「有時，唔係一句sorry就咩都解決到，人地自然要原諒你。你鍚完，滿足拉，發洩完拉。」
「我再重申講多次，你唔好再發夢，我更本就唔會鐘意你。我地年齡相差太遠拉，我想搵個可以保護我既男人，唔係要一個要我照顧返轉頭既小朋友呀。由始至終我當你係我細佬咋。」
「你講咩都好，我無話要你同我一齊，但我係鐘意你呀，甘點呀。」
「啪........」
唔使講佢又一拍打落黎，而之後轉身就走，我識佢甘耐第一次見佢甘惡，我塊面第一次感到痛楚..............................

forssell427

引用:

原帖由 eric860088 於 2007-8-22 03:56 PM 發表
睇你篇文,d引仲勁過食白粉.........(我冇食)

你個比喻可以好少少嗎~~哈哈~~

無論大家當故仔睇，定覺得真有其事都好。真係多謝大家支持。無諗過會有甘多人追看~~~

講少少預告比大家知，結局唔會有一個happy ending~~~~

forssell427

比d時間我拉，終之有時間我就寫拉~~^^多謝棒場