Re:IMHappy

見到隔離友台有師兄講起播馬咁多年都係一個樣 http://www.188channel.com/viewthread.php?tid=18103884，好多都勁有同感。不過印象中其實係有試過轉畫面既，話說喺好多年前國際賽，佢地玩過轉鏡頭，跑跑下跳近鏡，有時只影頭一兩隻，有時又好近咁影住馬群，我諗當時操機個哥仔以為自己係電影大導。除咗呢個之外，有冇師兄知道有其他？

wtlcl

... 反而想問, 樓主覺得電影手法去拍跑馬得咩?

Re:IMHappy

哈哈，其實唔多掂，不過我想將焦點放係狗會有幾多嘗試先，至於我提過既拍法，係好似好型，但買咗其他馬既師兄 (我都係受害人) 就唔知自己嗰隻跑成點啦，真係多咗舊魚！之後唔知佢地係咪收到投訴，好快就改返遠鏡，咁就大家都睇到自己要睇既嘢，唔駛拗！
至於而家大賽既慢鏡，我就接受到，講真，我覺得幾型喎，如果可以多啲就更好！

oiggab

引用:

原帖由 Re:IMHappy 於 2012-3-26 09:46 PM 發表
哈哈，其實唔多掂，不過我想將焦點放係狗會有幾多嘗試先，至於我提過既拍法，係好似好型，但買咗其他馬既師兄 (我都係受害人) 就唔知自己嗰隻跑成點啦，真係多咗舊魚！之後唔知佢地係咪收到投訴， ...

我又唔係好明, 轉下 angle 都 ok 吖

aftermath516

未必唔好, 但都唔好學日本, 我覺得樓主個例子之中就有人參考日本, 即係一入直路就由頭玩特寫影到尾再返頭, 但係入直路得個特寫係完全見唔到形勢, 自己隻生財工具有冇追上都睇唔到, 把鬼!

wtlcl

樓主，唔止玩過咁少野!!!!!!!!!!:098:

上下分割都玩過啦！以前玩過一排（唔記得幾時，不過已經過咗驃叔年代）:044: 搞到畫面都細晒，睇得唔清唔楚，遠鏡直頭細到好似幾粒科豆鬥緊快咁........我真係想死！ :030:


其實跑馬仔都係最緊要係最多人想睇乜，講到真金白銀買落去，都係清清楚楚最緊要，冇嗰樣整嗰樣就真係onXX．:098::098:

gonkon

You are right!!! 我剩係注意自己隻馬 :034:

aftermath516

仲記其他一d細位野，見佢地試過一d賽事會喺終點前加線 (樓主夾個條LINK都有CHING提過)，算唔算係一種變化?

wtlcl

少部份情況確實有過, 都係一種轉變, 我見今年打吡見有條150，感覺係Good既，應該有度過試過，再密例如100、50就有點兒那個...

aftermath516

要變嘅話，我想睇路軌CAM，一定型爆!