上一頁下一頁
發新話題
打印

[其他] lion449暑期博彩研討互助會 (#2E命中率淺談 #2B懶人比較法)

 
收藏  |  訂閱
522  103.2k

lion449暑期博彩研討互助會 (#2E命中率淺談 #2B懶人比較法)

漫長的暑假 應各位兄弟要求 和大家分享研討各類博彩問題 開拓視野 等狗會賺錢冇咁易:071:歡迎提出各式投注問題:094:閣下有責任分析資料的準確性:094:如你有濫賭的欠債的問題 請決心戒賭或打1834633直接求助:007:由於此帖對象為大眾網友 故會淺白表達 如有更深入問題 可直接帖內發問 小弟盡力有問必答 唔識就冇辦法:007:謝大家支持:072:

[ 本帖最後由 lion449 於 2014-9-12 02:49 PM 使用 編輯 ]

第一課先講講如何比較倍率

A 理念是以大世界倍率做指標 找出狗會抵買既盤口落注 以求長線獲利 比如某一場賽事大世界開出主1.9 客2.0既盤 如果狗會主1.98 客1.86 呢種情況我稱之為主+8 客-14 即要買主(緊記要同盤比較 譬如平手盤就對番平手盤)

B 懶人比較法(適用於讓球)
先除本 大世界如2.1-1=1.1 1.9-1=0.9
兩邊加起來 正常範圍會在177-194之間 如不是 請重計一次
如果係177 就將200-177=23(兩邊扣23個水/2=11.5)+12以上可買
如果係184 就將200-184=16(兩邊扣16個水/2=8)+9或以上可買
如果係192就將200-192=8(兩邊扣8個水/2=4)+5或以上可買
如此類推 其實係小學數學 但有超高低水情況就要另外計算 比如1.6/2.3就要用另外既方法 有興趣先好研究 畢竟太覆雜


C 或者你會問 買到狗會著數既盤有乜用 哪請你思考一下 如果賭公字(擲毫)你估中賠你2倍 你每局下注$100 一百局後你理論上就會冇賺蝕 如果只賠1.9倍 一百局後你就會平均輸$500 中50局1.9倍=$9500 輸$500 再換成2.1倍 百局後你平均會贏$500 這正正反映了買對倍率的重要性 現在的目標就是找出狗會有2.1的盤口 再透過長線下注獲利

D 別看少1-3%的毛利 所謂滴水穿石 其實賭場都係靠穩定又長線的微利 堆砌出金碧輝煌的賭場架:095:

E 太多人問同一問題 如何提高命中率 我係完全冇方法提高命中率的 我可以大膽講句 無論你用咩方法 包括睇往績球員名單盤路報紙貼士名家推介搵燈.....等等 都不切實際的 亦不會提高命中率 別再墜入賭徒式思維陷阱:002:坦白講如果你信的是玄學 你去錯地方了 請另覓名師吧 祝你好運:071:

F 首先要清楚一點 狗會只是低級零售商 甚至比澳門彩票更差勁 曾有網友認為狗會係世界上數一數二的大莊 故狗會開低水代表狗會睇好 狗會高水就係引飛.....等等
我可以大膽講 狗會只係一間跟大世界倍率轉盤既小機構 而且動作遲鈍 有跟開我帖既兄弟都清楚 經常在小弟落注後 狗會先識改倍率 這代表什麼請自行判斷:071:
我慣用的參考網:(大世界倍率)
Spbo.com(有埋即時比數)
bet66188.com(經常一場波有兩三個盤口 方便比較)
Apps 球探 7m(手機方便)
角球盤 bet365.com
小弟習慣左 當發現倍率有問題 會多看一至兩間 以確定不會出錯:041:
一般如果馬會倍率高於大世界6%以上 已有投注價值 但某d情況會例外 稍後會詳細講...

G 另參考大世界倍率 用途在於格價 買同一場球賽 狗會經常有盤口低於大世界10%以上 長期買蝕水波 不輸死才怪:043:即使你買個橙 你都會格價 為何真金白銀大注買場波 就會連格價都懶呢?如果一場波你極有心水 但狗會大扣水 我只有一個建議 睇波算:071:

H 其實香港情況比較特別 只有一間合法博彩機構 基於獨市生意 可以講係為所欲為 亦係導致狗會轉盤慢 不思進取既主因 有點像未開放賭權前的澳門 博彩生態烏煙瘴氣:073:看看英國大大小小博彩公司上百間....再看看香港 比如讓球盤 除左世界盃之外 只會開 平手 平半 半一三種盤口 實力懸殊既賽事連讓球都費事開 主要原因我直覺係免得投注讓球主客和的賭客有比較 因為讓球主客和係狗會既搵笨之作 抽水率10% 而讓球只抽約4-6%....外國主流博彩公司都沒有 或甚少開讓球主客和呢類彩池 我只在立博見過一次:cool:


[ 本帖最後由 lion449 於 2014-10-11 09:52 PM 使用 編輯 ]

什麼彩池值得投注?應該避開?

隨便抽一場今晚既賽事 解構一下何謂抽水率
抽水率=理論上你會輸的比例
比如以下賽事既讓球盤係1.93 對1.84
如果你平均地投注在兩隊身上
1.93買$48.8 1.84買$51.2
除左和波 無論邊隊贏你投注左$100都係收$94.1 輸左$5.9就係抽左水啦
故呢場讓球抽水率就係5.9%
5.9%點計出來 請參考以下公式(適用於大部份博彩項目)
1/(1/1.93+1/1.84)=0.9419再減1=約5.8%

以下係其他投注項目既抽水率
主客和 11%
半場主客和 11.1%
讓球主客和 11.4%
讓球 5.9%
入球大細 7.6%
半場入球大細 7.5%
半場波膽 26.4%
波膽 32%
第一隊入球 11.6%
總入球 20.7%
單雙 7.5%
半全場 20.7%

從以上數據 可見瓣數越多既投注項目 就越抽得水多 所以我只會以讓球作為投注重心 間中會買入球大細或讓球主客和 其餘彩池門檻太高 不宜沾手:002:抽水率亦適用於其他博彩 可以參考一下
賽馬wpq qpl 17.5%
       特別彩池 23%
六合彩 40%
賭場買大細 2.77%
百家樂 買莊 約1.06%
           買閒 約 1.3%


[=http://www.uwants.com/iphone][/url]

[ 本帖最後由 lion449 於 2014-8-20 12:53 AM 使用 編輯 ]

附件

mobile_1.jpg (169.32 KB)

2014-8-12 20:19

mobile_1.jpg

先解答大家最常問既問題:
幾時應該買?
狗會對越接近開賽既賽事 監察越緊
一般狗會一開讓球盤受注 我已經會開始留意盤口變化 所以我經常會投注明天甚至後天既賽事

買什麼彩池?
盡量買讓球 抽水門檻最低 亦最容易有著數盤

跟據什麼來買?
一般如果能找到狗會高於大世界約7%左右既盤(當然越高越好啦:071:)我已經會落注 懶得學既 直接跟我既飛買就好了 但一定要跟貼倍率 差太多便沒有效了:002:

落飛後倍率上落?
呢種事係未知數 買完當然想落飛啦 但呢樣野冇人可以控制 即使係教練 都未必控制到天氣 球員等因素:041:落飛未必贏 回飛不一定輸 平常心 長線計數便好了 只要你做對了事 自會有回報的

開賽前倍率大幅變動?
我直覺係開賽前莊家與莊家之間既套戥出飛所影響 普通賭客注碼係不可能將倍率推高弄低2-30%的:041:
       
有兄弟問:Lion 哥, 不好意思小弟想問下,同一場,同一注項,why要分開幾注買?
我想一注買四五萬 但馬會顯示投注不明 但一萬兩萬買又冇問題 故要分開幾注買:095::095:

[ 本帖最後由 lion449 於 2014-8-20 10:24 PM 使用 編輯 ]

有兄弟問:何謂鬼盤
鬼盤在我心目中 係指譬如主客往績排名接近 但主唔駛讓 或某隊經常只贏一球 但讓到球半 總之莊家將賭客推向某一瓣歸邊投注 我都會認為係鬼盤或引飛 因莊家掌握資訊必定比普羅投注者強(學名:資訊不對稱)但要注意這種想法並無數學基礎支持 只係個人意見:041:


請問lion兄,你覺得澳博嘅盤口變化同狗會比,係咪差唔多?

我覺得澳門盤絕對比香港機動 起碼轉盤貼近大世界 難找漏洞.....而且扣水太多 次級聯賽經常開出176盤口 不值得投注....反而香港夠鈍 落注空間夠多:003:







[ 本帖最後由 lion449 於 2014-8-14 07:40 PM 使用 編輯 ]

淺談賣料黨

近來身邊經常聽到有朋友俾賣料黨呃 亦睇過不少what's app facebook既賣料專頁 發覺其實賣料黨同街頭行騙既寶藥黨 電子零件黨有好多相同之處:096:第一 佢地都係sell你如果入左會 就可以贏錢 寶藥黨就係轉手可以賺錢:071:第二 賣料黨會製造好多人想入會既假象 等於寶藥黨搵多個演員扮買家同你搶 等你加快落決定:071:
第三賣料黨常用手法就係叫高開低 譬如年費要10萬 但月費只要一萬 基於人類本能既好奇心 會覺得買一個月試下會好抵 就等於寶藥黨話d藥值$1000 而家$100賣俾你好抵等等....見到網上好多人又話要起底又話要報警 問心你報警可以告佢乜?我亦暫時未見到有人報警 邊有人肯光明正大認自己去買貼士咁笨先得架在我角度 我十分佩服呢班人 原因係佢地好清楚市場缺口喺邊 亦好清楚人性既缺陷 整個騙局都係依照人性設計的 佢地好清楚賭波既 十居其九都輸錢 太多人輸到失左理智 就好似末期病人一樣 什麼鏢靶藥都要試試 哪管價錢有多不合理....故天價入會費 結果一樣咁多人中招 對中招者 我只有一個忠告 請多用腦袋思考 將心比已 有料 當然自己收埋食啦 就算朋友都未必會益你 何況係街外人呢?而且賣料者都會要求買料人落注後 send番張飛俾佢 如果賣料人自己有落注 還要受害人張飛黎做乜?故請打破迷思 不要抱僥倖心態 趕絕賣料黨必先由自身做起 無人幫襯 賣料者自然會絕跡:002:唔好等佢地晒銀紙 去日本去得咁過癮:071:


[ 本帖最後由 lion449 於 2014-8-21 09:42 AM 使用 編輯 ]

留用



留用



留用



留用



上一頁下一頁
發新話題
前往最後回覆