簡報:
對於今次生日party, 有十數位 "兄弟" 甩底. 小弟百思不得其解. 小弟覺得有事來唔到唔緊要! 小弟絕對理解明白. 一早講左有事來唔到o既兄弟, 例如 Dicky, 阿布. 我唔會怪佢地. 雖然佢地來唔到, 但起碼佢地會預先通知我. 等我如安排訂房, 酒水, 囡囡等等.
亦有部份一直未應承實, 話有機會來到, 但最後無出現o既兄弟, 我亦都理解. 但我覺得最最最仆街o既係. 當初實牙實齒話來來來o既所謂 "好兄弟" "好朋友". 呢獲我真係對你地好失望! 做人係咪應該言而有信? 係咪應該俾個交代? 講真, 錢對我來講好閒. 你地來又好, 唔來又好. 我都諗住開開心心同大家玩返晚. 我一早預左拎$3000出來包底! 只係我覺得如果你地一早同我講唔來, 我就唔使訂咁大間房! 攪到成班人o係房分得好開, 本來根本唔需要咁...
今次之後, 你地又有幾多人俾個交代我? 你地甩底就易. o係電話講句 "唔來啦". 再仆街d o既有幾個連電話都唔聽... 有來o既朋友, or甩底o既 "朋友" 一切盡在不言中! 以後我會帶眼識人, 多謝關照!
p.s. 特別鳴謝藍毛, y'not!
