KIRIN688

國際賽更新名單
瓶 10隻
香港：多巴先生 錶之五知 當年情
日本：大帝 吉典娜 輕風飛 生活格調
愛爾蘭：熱心
英國：風東來
法國：真強
將王同勇兵奮起退出

短途錦標 10隻
香港：金鑽貴人 維港智能 福逸  好眼光 韋小寶 幸運有您
日本：消暑樂祭 加市冠冕
愛爾蘭：教化寓言
英國：喜菲皇女
速遞奇兵退出

一哩錦標 14隻
香港：金鎗六十 加州星球 美麗同享 永遠美麗 遨遊氣泡 安遇
日本：神志勇進 匯兩川 野田小子 秀逸小島 神姬
愛爾蘭：大開羅
法國：本族主義
新加坡：林家準將
紅運帝王加入成為後備馬

杯 11隻
香港：浪漫勇士 發財先鋒 直線力山 知足常樂 龍船狀元 斛斗雲
日本：滂薄無比 先見 利森名園
愛爾蘭：盧森堡
法國：地平流金

健康快駒退出

KIRIN688

星期三晚騎師賽四關賭其中三關

頭關四班一千 呢啲賽事保證在必打真軍 所以上場谷千二走去搶放輸唔遠嘅加非凡抽到三檔仲抽到馬昆 合哂河車 至今未勝係差梗啲運但買Q係必然之選 腳方面超額認購一再證明唔駛留得太後都追得勁 金美琪呢位生在英國而南下澳洲發展嘅女將睇佢喺8月嘅日本騎師賽身手幾硬淨 應該迫得起隻馬嘅後勁

第三關三班1650 四平八穩當然要返錶之量子 上場同程實在贏得輕鬆 加左磅都係孭125磅抽到巴米高 馬房當旺熱食都要揀 半冷心水勤德威力 166場次季內初出腎虧潘hea騎都唔算差 但都證明隻馬跑千四已經短 增程轉谷戰抽一檔加杜苑欣有冷味

尾關三班千二 美麗邂逅上場中左但今場抽到川田涼左一截 呢條友過往騎師賽都係安全為上 寧願將精力留返正本戲咁又正常 首選韋賊嘅電玩精英 呢隻嚟自巴西PP估唔到兩場同程跑得唔差 少有嚟自南美嘅短途馬睇嚟唔係想像中咁水 而嗰邊只跑三場就運嚟應該仲有水位 抽埋麥道朗如虎添翼 Q腳本來想再追鈁糖武士但12檔實在被動 要返一檔賺形勢嘅旋風飛影算數 至於抽到腎虧潘嘅鈦易搵 初跑谷戰跑出當抽水


尾場都係慣例二班千八 預計保羅承傳都係擺前 再追可以前置嘅喜蓮勇感 覺得呢隻馬都係跟前跑均速先係最好 睇佢最近幾場嘅尾段時間都係23秒咁上下 呢場如果麥道朗做到二疊有遮擋三四位就有贏面 Q方面博望坡跑後追排十檔可能仲好 上二班跑兩場表現還可以 上返嚟谷千八更啱追

[ 本帖最後由 KIRIN688 於 2023-12-5 18:44 編輯 ]

KIRIN688

星期日主力國際賽四場 其他場次根本睇都無睇一眼
第四場香港瓶哩半 都係外隊天下 最早嚟香港嘅大帝操練心律不正被迫退出得返九隻 古摩軍團今年派四隻一場一隻 呢隻熱心已經證明遠征能力 上場BC馬女草地輸俾旋進軌跡只因Frankie跑得太好非戰之罪 北三馬女分齢讓磅只孭117磅就算莫雅超兩磅都係119磅非常有利 一檔更有利用均速跟前跑優勢 首選 日本隊無左大帝都有三隻 其中兩隻上場都係拉哥贏 反而呢場傾向換連達文嘅輕風飛 偏向遲熟所以無跑三冠系列 但已經一再證明喺哩半有競爭力 今年跑七場但中間成個暑假係休息 下半年只跑兩場 社台集團呢件黃黑直間綵衣今次派佢同先見嚟香港跑似有備而來 至於拉哥揀騎嘅生活格調要彈就係第一次面對年長馬仲要係遠征 預唔會有分頭索性三重彩加佢就算

[ 本帖最後由 KIRIN688 於 2023-12-7 21:18 編輯 ]

KIRIN688

第五場香港短途錦標跑千二 金鑽貴人上年輸呢場就塞車 今年得十隻跑 有兩隻快馬維港智能同日本隊隻加市冠冕 當然想步速有咁快拉咁快 不過隻馬依家跑千二似乎係慢腳 同埋部署上有啲為獎金就跑 唔否定有三甲機會但要贏唔敢太樂觀 其他主隊馬更不用講 尤其福逸 上場馬會短途只可講恰如其分 本來搵莫雅但古摩唔放人 至多三三四四 扒下冷先要幾忠心嘅喜菲皇女 跑法上中置後追都得 雖然歐洲短途水準係唔高但香港依家水準已經無先前神仙壟斷嗰陣咁勁 9檔就要睇維港同加市係咪會互燒 古摩嘅教化寓言勝出率極低 似係嚟盡跑爭下獎金 反而日本另一隻消暑樂祭勝在跑法機動 本身體重超過1150磅夠哂噸位 最重要係鞍上人換更硬淨嘅杜滿樂 以過往咁多年國際賽A欄利出面衝 唔排除呢隻馬有入位機會

[ 本帖最後由 KIRIN688 於 2023-12-8 16:55 編輯 ]

KIRIN688

第七場香港一哩錦標肯定係四場之中最亂嘅一場 主隊馬王金鎗六十季內初出整個14檔而再大一年 戰力仲會有幾多？另一邊加州星球雖然換蘇銘倫但跑法俾其他對家睇哂 換唔換走蔡仔似乎分別不大 兩隻美麗系上場馬會一哩大戰一場隨時兩敗俱傷 好話唔好聽外隊整個4:0都唔奇 歐洲隊兩隻賽績一般 而新加坡馬王林家準將只因係最後一次有馬過嚟國際賽志在參與 反而日本大軍今場出五隻 信心方面似乎比上年強好多 稍為下風就係棒球大魔神佐佐木主浩名下嘅神姫 雖說跑法機動但今年贏G2係馬女賽 最有可能招呼加州星球應該係佢 野田小子第三次嚟但今次跑一哩 馬有質但北村友一始終俾唔到信心 頂盡四五名爭下獎金 餘下三隻日軍首選匯兩川 一哩冠軍錦標臨場換藤岡康太都照贏可見實力 雖然體重唔足一千磅但身形睇唔出 蘿蔔會搵得布宜學肯定唔係陪襯 嗰場第二繼續拉哥騎嘅神志勇進似佬受惠一檔慳哂先入Q 整個11檔際遇必然同支鎗一樣被動 反而嗰場三甲不入嘅秀逸小島更要留神 川田嗰場跑法同上年連達文一條直路殺哂天淵之別毫無誠意但都係最後一百先力弱唔算差 呢次個四檔好跑得多 Q選

[ 本帖最後由 KIRIN688 於 2023-12-9 16:00 編輯 ]

KIRIN688

最高榮譽香港杯二千米主隊都係得浪漫勇士可以抗衡但覺士盾幾經辛苦先贏 得六星期時間回氣到底係咪夠唔知 投注立場頂多四重彩呢啲會拖 古摩派盧森堡出戰計級數當然高但之前英國冠軍錦標有少傷無跑就嚟香港 本來有賺體力優勢但整個10檔算有啲難跑 希望靠級數搭夠 日本隊三隻前年香港杯第二嘅滂薄無比再大一歲 今年雖然再贏中山記念但之後表現普通 今場個二檔又拉哥騎返睇幫到幾多但無冠軍相 另一隻喺女皇杯跑過嘅先見同川田相當合拍 係上場天秋對著怪獸春秋分當然無得跑 有左次沙田經驗走位上應該可以更好 而SUNDAY RACING今年都有三隻出 呢隻利森名園絕對係暗牌馬 贏完9月產經賞一心等呢場香港杯目標明確 換上連達文雖然執最外檔但換嚟分頭 先見要贏呢場係要過自己友嗰關

[ 本帖最後由 KIRIN688 於 2023-12-9 19:03 編輯 ]

KIRIN688

引用:

原帖由 鴻略 於 2023-12-10 20:13 發表

尾場一度想出帖簡單揀驕陽明駒、增有及神虎龍駒，但開飛已熱到不合理，神仙前面亦全軍覆沒，不如觀賞，可謂慳返。增有有得衝而不勁，始終要跑較長路程。我亦看輕了舞林密碼，今日頗有進步。

至於今日大賽，瓶賽較可賭，你說的熱心 ...

古摩今年算俾面大機構 呢隻盧森堡之前係睇少左佢 轉彎踩一段 返到嚟再爆一程 呢啲真係級數 可惜之後應該未必再嚟
國際賽後嘅星期三晚都係海軍鬥水兵 第三場喺五班前後三W嘅揚威四方fit得交關 上四班輕磅跑首本路程坐二望一 對手之中上場爆左劑嘅建測羣英今場個十檔應該無上次咁好形勢 除非放頭自造步速 但同場又有跑法相近但求快活同龍船快 所以再追多次大登殿 上場算有塞車籍口雖然未必贏到但肯定再近啲 跑返千八應該啱路程
第八場論文退出浪漫老撾補入嚟又有餐士 同馬房有忠誠駒轉倉初出估計負責開路 始終都係呢個路程首本不得不揀 鴻兄上場提過嘅機緣醉夢逐漸上力 嗰場阻完撲返上嚟第四幾肯追馬 要彈就係9檔唔知點搞 如果涼瓜肯留住衝一段應有計 馬房要爭取成績必砌
尾場無時間打 有財有勢搭合夥雄心呢條Q預左會熱都要過關

[ 本帖最後由 KIRIN688 於 2023-12-12 21:15 編輯 ]

KIRIN688

引用:

原帖由 鴻略 於 2023-12-12 23:41 發表

這場有暗湧。建測羣英上次賺形勢贏馬，但可以再用上季420場次看，評分及檔位較接近今次，早段夠快入二疊，彎位出三疊加速上前追趕超班頭馬精彩生活，一度進佔第二位，但過早發力及蝕位而補不住亞軍，今次由當時水平較弱的鍾易禮換 ...

建測羣英又贏 但再加分應該差唔多到頂

星期日集中四場短途賽
第三場四班直路賽龍蛇混雜 未上陣過新馬有五隻 睇試閘嚟講錶系八百幾萬拍賣馬手機錶霸算比較有好感 幾個閘何堯都教留住衝 今場個一檔易走生位 而本身個種又早熟 首選 Q方面本來考慮萬事快但上場幾失望下 唔知係咪之前同程撼完攻頂同氣勢後落左 扒下半冷就要157場次拉快步速返嚟都有第四嘅占士德 縮返落嚟直路賽而之前試閘同樣教留一留 又見輗多福差唔多九成九前段扯得快 有偷襲本錢
第五場泥地三班千二 全組得三隻今季贏過 愛國商人隻泉龍駒係其一 跑泥地真係高一班 呢場對手整體仲差過上場198場次贏馬 又好檔要再贏難度唔高 Q腳就揀同泉龍駒上場都有份一齊出嘅八心八箭 嗰場係抖四個月後加埋轉倉初出第一場 整個11檔係咁四五疊望空 返到嚟都無話散左輸俾泉龍駒只係五個馬位合格有餘 跑左場上力始終同程四戰有三P係難忽視
第七場二班直路賽杯仔場合形勢簡單得多 賢者無敵近期fit爆呢個路程跑後追威力更強 布文仲未出得腎虧潘即刻攞嚟騎 升班減15磅好好跑 對手之中呢個路程全場贏馬最多嘅當家精神上場連谷一千都首度上名 跑返首本直路賽抽埋近看台9檔足以一戰

尾場三班千二伍仔呢排係咁搏馬得手 綠族無限季內初出實在贏得出色 加7磅都係128磅要再贏難度唔大 Q方面能文能武上場無啦啦又上無根據谷1650仲要有飛梗係唔買 包尾輸條街意料之中 落返嚟千二又好檔換艾道拿必然無人信

[ 本帖最後由 KIRIN688 於 2023-12-16 19:02 編輯 ]

KIRIN688

星期三谷戰

頭場三班跑二千二隻博才擺明越長越好 跑千八講真都係短 國際賽日場千八雖然輸六個馬位但實際同第二名嘅距離輸唔夠兩個馬位 呢場出馬唔多可以因應情況調整走位 Q腳方面再追威武勇駒 有一檔而馬本身同程有贏馬記錄反映都可勝任此程
第五場持續向上嘅超超比同今季連勝兩場飛鷹翺翔碰頭 跑法上飛鷹夠主動只係加左磅同跑法早被洞悉 所以三重彩會拖但Q膽攞超超比 至於飛鷹上場贏馬而入Q嘅紅愛舍可能比飛鷹更有投注價值 墮馬被撞後兩星期復出照入Q絲毫無受影響 雖然初跑谷戰但場地比沙田偏軟應更合呢啲英愛馬發揮 三重彩保險拖多隻自力更生 上場際遇差包尾雖然話賽後有喘鳴但好快復課睇嚟影響不大 呢場好檔有權變身
尾場無時間打 要哂三隻中下磅馬鐵角 跑得好快 添開心同凌厲算數

[ 本帖最後由 KIRIN688 於 2023-12-20 14:13 編輯 ]

KIRIN688

嚟緊星期六開始直到一月杯賽日係咁三日一戰
第七場二班跑二千 仍然向輕磅馬埋手 安騁上場國際賽日場千八全條直路塞車無跑過 呢場難得係100-75分可以孭輕磅換田雞 始終係質新馬輕磅好好跑 Q腳方面同舟共濟上場同程重飛又係成條直路塞車 結果馬主拉倉重投獵人成 重頭做起試埋閘換埋影子主帥麥道朗 係時候交代
第八場三班千二 伍仔隻我為您今季贏到各位唔信 唔懷疑戰意只係上場贏今次又同場嘅新風俠一條頸當時受讓六磅 今次再加磅下只受讓一磅 檔位差唔多 而新風俠換更硬淨嘅麥道朗有條件反先 Q方面曾經考慮歡樂至寶但上場實在輸得難睇 無乜跑錯轉彎已經騎返嚟無都唔知乜事 倒不如搏下同樣抽外檔 初出而準備功夫掩人耳目 腎虧潘唔放手嘅神仙新PP鐵金剛
第九場泥地三班85分1650 對晴王未死心 季內兩戰一場塞車一場千四路短 其實boxing day 嗰日有三班千六但雪茄鄭揀喺聽日轉泥地出戰 仲試埋泥閘似乎佢覺得隻馬轉泥地可以應付 入位相信唔難但要贏可能要問下魅影獵飛同黃腳鱲 當中黃腳鱲上場一放到底贏得輕鬆不過今場排檔外移又有手到再來幸運傳奇呢啲同樣靠搶放食胡 隨時有一齊燒瓜攬炒嘅可能所以都係要返賺步速而磅位有利嘅魅影獵飛 保險腳方面精彩動力上場俾黃腳鱲慢放 但返嚟跑得唔算差 只係呢個小朋友似乎太少出賽機會 有分頭先考慮

尾場應該係同樣美麗 翩翩君子同星運少爵三雄之爭 鐵角不合成本效益 飛一隻嘅話就飛腎虧潘買其他兩隻單Q算數

[ 本帖最後由 KIRIN688 於 2023-12-23 07:59 編輯 ]