KIRIN688

引用:

原帖由 鴻略 於 2024-1-10 22:38 發表

千八好難猜度

尾場千二先揀寰宇豐采，田草兩戰所負不多，上仗且是強組，轉谷草對手減弱，檔位雖稍差，夠速度之馬有望起步即搶到前列一或二疊，如非不適應，有力打開勝門。另兼顧上次一對包Q的合夥雄心及勇敢巨星。 ...

呢條Q比想像好分 合夥雄心上場中完加磅唔敢再買
跑星期六 方仔呢日屯重兵

第四場四班直路賽 占士德上場中今場換十磅仔減磅 呢條友睇嚟同廢柴騎師差唔多料 唔係貪個十磅減根本唔會考慮 隻馬跑法咁簡單如果Q都無就死鬼佢算 Q方面搏下初出大千無雙 隻馬已經操左成年但似乎進度成日KICK住搞到依家先攞出嚟跑 本身都有啲前速 執埋貼看台13檔應該都係守好位 本來有諗過前馬會董事方正舊名重用嘅健康快車 但上場同程個第三毫無威脅 隔得嗰兩星期估位置居多

第七場都無乜爆冷味道 錶之銀河搭魅力寶駒嘅格局
第八場再追鐵金剛 上場初出腎虧潘啲跑法似無諗住贏 再騎上去再追 Q方面川河首駒上場縮落返千二跑得唔差 換個硬淨啲嘅班德禮加埋方仔屯重兵有冷味

[ 本帖最後由 KIRIN688 於 2024-1-12 19:47 編輯 ]

KIRIN688

引用:

原帖由 鴻略 於 2024-1-12 23:01 發表


合夥雄心Q算好分，但我投注時有40倍，結果派27倍；合夥雄心上場檔位不及勇敢巨星仍能贏。

第四場占士德贏面仍高，應屬穩膽惟欠分頭。精彩勇士有班底，頂磅雖是疑問，要贏一般四班馬又不難，幾倍Q不如觀看算了，大千無雙試閘不算特 ...

賓康以前嗰隻智多寶係咪林醫生名下？
PS：日以繼夜咁樣搞法感到好疲勞 嚟緊星期三只出馬名算
3/領航神駒 新幹線
4/英雄豪邁 萬眾開心
6/無限美麗 樂加福
8/鈁糖武士 錶壇精英 小刺蛋

[ 本帖最後由 KIRIN688 於 2024-1-17 07:39 編輯 ]

KIRIN688

星期日董事杯雖然無左支鎗同浪漫但都幾好睇 應該係一對美麗大戰遨遊氣泡 賭錢無分頭 集中睇最後三場
第八場二班半賽事跑二千 先要去馬王輝後爆發嘅常拼常勇 大前仗同程用違反馬性嘅放頭結果第四 之後跑返後追即現真面目 加分比上場孭少三磅麥道朗再騎 有埋遨遊氣泡同日出董事杯估計連場出擊 對手之中275場次同程純二班賽安騁贏馬而木火兄弟本應串Q被告甩 兩隻當時都孭最輕磅 跑今場90分二班半賽事兩隻分別加16磅同11磅 而檔位差唔多 傾向有主動跑法賺形勢嘅木火兄弟為Q腳

第九場繼續向輕磅馬埋手 朗朗乾坤算係希斯少數季內穩定嘅馬 元旦同程麥道朗將佢發揮得淋漓盡致 上二班輕磅換希威森只要唔塞車有權再贏 最強對手又係另一隻三升二馬綠族無限 上場俾氣勢反勝純粹係前一場贏馬加到頂磅又跑法被動 所以個第三其實用力唔算多 升班換一批對手但減廿磅足以抵消 抽十檔走位相對安全 當然Q腳
尾場三班千四亂到九彩 又係扒冷場合 首選上場元旦同程揀中滿歡笑 嗰場第三恰如其分 頭二馬朗朗乾坤同魅力知遇根本超三班所以非戰之罪 隔三星期回氣時間夠 贏就未必但求一席應唔難 至於兩星期前同程323場次分列三四嘅銀騰同星運少爵計走勢銀騰更好 而星運少爵今場雖然用布文但一檔仲要尾場開哂燈未必好跑 所以擺銀騰次選 三選揀穿甲戰鷹 初出幾乎殺低歡樂至寶而贏我為您肯定有能力 上返千四更合而丁仔馬房開始回起要防

[ 本帖最後由 KIRIN688 於 2024-1-20 18:33 編輯 ]

KIRIN688

星期三晚全泥戰 集中睇二五七呢三場 尾場應該都係277場次前三馬魅影獵飛 手到再來 精彩動力控制大局 不贅
第二場禪勝寶駒跑返1650用布文減少死磅必選 不明係一先生 今季健康出問題而今場係季內第三場上陣 兩星期前跑沙田千六全無飛數但算跑得唔錯 喺英國曾經跑兩場膠沙地千四仲贏其中一場 今次轉泥地馬王輝並非無的放矢 仲要排一檔隔離更有保羅承傳放頭形勢有利 Q揀佢
第五場四班千二第二組 布文執隻算牌面馬嘅龍騰飛翔 近期操練都係踱多過跳唔清楚燉馬馬房係咪想學方仔啲招數 純計路程如果對比同樣此程三W嘅大衆勝利嚟講呢隻今季個績算硬淨 揀佢純粹信布文 Q方面澳華威威例追一段而白頭佬忽然向方仔借徒弟一用 12檔睇佢點搞
第七場無時間打 鐵角喜至寶搭雪茄鄭一對算數

[ 本帖最後由 KIRIN688 於 2024-1-24 14:55 編輯 ]

KIRIN688

佳尊三無心睡眠食正大利後追 大機構對泥地保養九流
星期日又大賽日賈一姐嚟跑包裝必勝 嗰場最後先寫 先講第五 九同十呢三場
第五場四班千六仁愛堂杯本來想再追馬主雄風但退出 補入嚟嘅大力猴王食返個一檔好形勢 馬就唔叻但呢場好多馬似是而非 希望個一檔可以幫得到提升競爭力 Q方面追多次富起來 上場望空留唔住走上去蝕哂形勢但返嚟都不過輸俾頭馬三個馬位 呢場留得好嘅話有權回馬槍
第九場希斯隻久久為尊近兩場同程跑得唔錯 雖然報左一星期後嘅經典一哩但論機會點都係聽日場讓磅三班有把握 跑法啱哂田雞 首選 至於涼瓜今場繼續騎港林福將又好檔賺形勢 加上同場馬匹唔係重磅就檔差機會相對提升
尾場有五隻馬喺306場次碰頭 其中一定美麗之後跑多場又上名呢隻今季算出奇交得準 雖然差唔多兩年無贏但買QT唔拖始終唔放心 今場繼續有好形勢再入位唔出奇 嗰場贏馬嘅時尚歡欣今場整個14檔難跑 仲要有埋君達得紫荊綻放呢啲放頭馬蝕哂形勢 今場唔睇好 扒冷門就要賺檔位嘅縱橫天下 又係要跑際遇 上季喺二班仲要同自勝者強九五赤兔間過返嚟三班點都有份量 三選方面喺堅又威同瑰麗人生之間選擇瑰麗人生 純粹係信唔過腎虧潘呢條友

[ 本帖最後由 KIRIN688 於 2024-1-27 15:37 編輯 ]

KIRIN688

引用:

原帖由 鴻略 於 2024-1-26 20:58 發表

不止佳尊三及無心睡眠，還有天行健，心思思想追，好在都放下，因為怎樣也揀不到長期表現差又賠率低的型到爆。另一場四班亦跌眼鏡，鑽飾璀璨起步碰撞中段亂步就沒了。

星期日大賽一場，賭就無謂，金鑽貴人上仗勝後氣管多血，今次可 ...

雖然官方訪問黎昭昇話點都希望贏返金鑽貴人一次 但歲月不饒人 福逸仲keep到有p已經算難得 至於金鑽貴人要輸就輸自己 如果膽點都係金鑽貴人穩陣啲 Q方面福逸唔會考慮 反而會留意神虎龍駒同包裝必勝呢兩隻後起之秀 神虎龍駒雖然上場華商會杯係輕磅但贏得好輕鬆 之前兩場千二無嘢睇但當時未起 依家不可同日而語 當然隱憂就係依家跑千二路程嫌短隨時有後追不及嘅可能 而包裝必勝上場跑洋紫荊短途希威森發揮不敢恭維 難怪柒頭公子要請賈傑美過嚟助陣 單係呢點誠意滿分 抽埋二檔更好跑 既然之前可以跑得贏幸運有您 呢場搏佢入Q又有幾難？

KIRIN688

星期三集中睇五六七八呢四場
第五場四班1650得意佳作今季處上升期 雖然八檔表面好似無咁好但馬本身跑後追早有證明 上場贏完都係加兩磅仲有水位 不明就係抖兩個幾月重頭做起嘅家樂飛駒 上場二千二路程有疑點唔明點解捧成大熱 抖完上從化做嘢又大閘 落返嚟1650又四檔換埋MR.BEAN有權回馬槍
第六場四班千二第一組四平八穩仍然係皇帝英明 抽十檔田雞唔玩嘢留後追實會有段睇 半冷心水就係鄉村系舊名重用嘅鄉村樂韻 上場12檔焗留返嚟輸唔夠三個馬位開始上力 呢場抽四檔形勢有利得多 呢系人自鄉村瑰寶後四年無馬贏 預計有分頭拖埋
第七場成四隻快馬放頭必有步速 先要賺形勢嘅快搏 雖然孭130磅但呢場有一半馬匹孭磅都過130磅形成個影響無咁大 抽埋三檔守中間更好跑 Q方面搏下同樣賺步速後追嘅越駿知己 呢一年出賽負磅長期超過130樓上所以成日近而無威脅 其實今季幾場就算輸都係主馬群跟返嚟 難得評磅員手鬆兩分兩分咁減終於跌穿70分 而今場終於唔駛孭重磅有利 留守中後搵到COVER足以一戰
第八場記得313場次要左一代天嬌搭正氣青驅 隻美麗第一唔揀純粹跑法得一招放 估唔到守好位都居然有威力 腎虧潘攞返嚟騎正正經經跑嘅話至少坐三望二 至於正氣青驅始終谷千二首本 11檔都要再揀

[ 本帖最後由 KIRIN688 於 2024-1-30 18:25 編輯 ]

KIRIN688

星期日嘅兩場大賽 其中經典一哩無投注價值 集中睇另外嗰場G3 另講埋五六十場
第六場三班直路賽319場次前三馬再碰頭但變數在多左四隻初出馬加新勝同程嘅球星 搏大霧搏下兩隻初出PP 呢兩隻都有段故 其中一隻就係榮公子嘅星際快車 自從同神仙合作以嚟呢隻係第一隻歐洲PP 對上一隻名下歐洲PP應該數到愛倫時代 上手馬主就係阿加汗陣營 嗰邊啲績要到第四場跑一千先贏之後再贏兩場當地二班 睇血統仲要係澳紐嗰邊早熟份子 以嗰邊跑嘅時間嚟睇似乎會適應香港啲快地 幾個大閘有前速 今場排貼看台14檔雖然腎虧潘試左唔騎但用麥道朗唔清楚係咪神仙主意 估可能熱但應該未至於無錢分 先揀 另一隻揀嘅初出PP信和系極光彗星上手馬主就係大魔頭 喺澳洲啲細馬場只贏一場但多次上名 能力相信唔會好高如果唔係魔頭都唔會放手賣 勝在早熟但里程未必會長 上季尾已經開操但今季停左一排後上從化 埋門試谷一千閘腎虧潘教留算有啲嘢睇 今場排11檔應該輕易咬著不可擋嚟跑 要搏可能係頭兩三場
第五場三班二千米123468呢六隻符合資格跑打比但除精算謀略外其他五隻未有表現 至於精算謀略就跳程四百 路程適性靠估 倒不如索性對賭攻擊 要返博才 明顯留好過放都唔明前一場點解會放頭 抽二檔有利 另一選就喺波爾多同多多勇駒之間傾向多多勇駒 係比較近幾場賽績波爾多總係覺得去唔返上季贏馬水平 多多勇駒至少今季都有馬贏而上場中段留得比預期後返嚟追一段叫輸得有籍口 沙田二千米6戰有3P 連贏位置Q點都要拖
尾場二班105分跑泥地千二 泥地王禪勝寶駒終於孭返中磅好跑 上場步速太慢而布文任由保羅承傳慢放係一大敗筆 隔十日落返泥地千二有量化歡騰平海歡星搶放應有步速 腎虧潘騎返上去睇能否做返好戲 最強對手應該係另一隻泥地王晶晶日上 三星期前季內初出跑田草千二諗住開氣點知幾乎殺埋當打嘅錶之銀河 跑返首本路程難忽視

[ 本帖最後由 KIRIN688 於 2024-2-2 08:00 編輯 ]

KIRIN688

第八場G3百週年紀念瓶千八 超過一半馬匹喺三個幾星期前一月杯再交手 贏馬嘅越駿歡欣繼續受惠123呢三隻高分馬只比上場加3磅仲係118磅 只要唔塞車應有三甲 反而嗰場入Q嘅當年情似係一檔幫手入Q 三個月前嘅婦女銀袋同樣又係一檔入P 今次個七檔放又唔係留又唔係 倒不如搏下同馬房錶之五知 孭最輕磅跑千八始終好過孭130以上 一檔要睇蔡仔 另一選擇都係輕磅馬就係上場一月杯有揀嘅斛斗雲 嗰場受制外檔被迫望空返嚟都有第四 呢場個五檔易搵遮擋幾好跑 MR.BEAN唔放手就信佢

[ 本帖最後由 KIRIN688 於 2024-2-3 15:33 編輯 ]

KIRIN688

引用:

原帖由 鴻略 於 2024-2-4 06:16 發表

近期常出現同一批馬連場角逐而前後結果倒轉，甚難捉摸。此場百週年紀念瓶，馬匹谷草對壘後轉田草，上次可參考但難給信心。

越駿歡欣連場穩定而負磅不重，走樣機會較低，但對比月前田草千六一場受讓15磅而贏新力高升半個馬位， ...

腎虧潘寧願呢場坐櫈都唔攞返知足常樂嚟騎呢個疑點 只怕隻馬洩氣