KIRIN688

美斯壇嘢搞到一鑊粥 更證明呢個政府只識蝦香港人 鬼佬唔受佢一套 可憐嘅球迷咁樣燒咁多錢換嚟一肚氣
年廿八賽事揀四五七八呢幾場
第四場四班千二第二組無限美麗又出但再加磅到頂磅135點都打折扣 繼續追燉馬馬房嘅旅遊高球 又好檔Q一定要 對手之中神舟時代以沙田千四先後同馬林同堅又威串Q嘅績好難想像仲喺四班 而且今次變數在轉方仔初出排埋一檔 馬主既然拉得走過嚟當然想盡快交代
第五場無乜好評都係買檔位 對架勢奇爸仲未死心 個分減下減下嚟到52分歷史新低 上埋從化做嘢又大閘 擺明跑際遇睇個二檔幫到幾多 另一隻威威鬥士排親內檔實有一席 條Q熱食都要拎嚟過關
第七場亂局 搏下失運馬久休復出嘅黑桃火箭 開過刀後上從化操左幾個月而方仔俾足耐性 試夠四個閘先跑有誠意 加上馬房全晚屯重兵但始終未贏過買W當然唔值 但係拖Q一定揀 對手之中飛輪步跑法機動 三星期前同程排檔差前段用力埋欄返到嚟梗無但都係輸四個馬位唔脫節 呢場執四檔形勢唔同哂 殺入一席唔意外
第八場無時間打 揀123檔嗰三隻本領非凡 錶壇精英同炯炯有神鐵角算數

[ 本帖最後由 KIRIN688 於 2024-2-6 21:15 編輯 ]

KIRIN688

初三賽事嗰場戲肉無賭頭 齋睇算 心水6,7,10,11呢四場
第6場預計成熱門應該都係腎虧潘嘅金匯昇昇 不如搏下同樣抽外檔又同樣上場贏嘅風火恆雲 呢啲跑後追嘅排外檔相對安全 如果當日A欄無乜偏差可一戰 Q方面遨遊系新貨遨遊武士磨左幾個月上埋從化 幾個閘展現前速 四班千二整兩場型佬全本來可以報但都要報千四 唔似陪襯咁簡單
第7場又見到嘉應高昇注定無錢分 再追穿甲戰鷹 上場跟前守好位效果未如理想 落返嚟千二執外檔好似初出嗰場縮後追可能仲大威力 另一隻千四表現普通嘅歡樂至寶明顯跑千二更合 何堯仲抖緊換擅跑後追嘅MR.BEAN更可信
第10場錶之銀河之前放聲氣想跑經典一哩最終都係繼續跑千二 雖然加到131磅但當銳好難唔揀 Q腳反而會搏下幾日前跑經典一哩全無威脅嘅嫡愛心 明顯路程嫌長 田草4戰就係得同程上名輸俾維港智能 呢場包裝必勝電氣騎士幸運遇見估計搶放形勢對佢有利 經典一哩用力唔多成冷要防
尾場三班千四米腎虧潘應該一早接鐵金剛 所以298場次同程佢贏嘅風雲武士換廢柴騎師 對條友無信心第一隻就劃走 鐵金剛以對上兩場走勢嚟講上千四合理 唔玩嘢嘅話三甲應有 至於今季已經三W嘅馬林加到134磅有一定風險 所以大膽放棄 半冷心水話你知 始終跑千四嘅把握大過千六 另外風繼續吹今場個一檔係考驗 如果際遇好啲好似今季贏嗰兩場隨時剷入一席

PS：祝各位心好事成 馬運亨通

[ 本帖最後由 KIRIN688 於 2024-2-11 19:56 編輯 ]

KIRIN688

年初六尾場唔識賭 集中睇三場四班賽
第三場1650第一組其實同第二場另外嗰組都係參差不齊 本來掛頭牌嘅川河首駒降落四班應有利但本身又尺寸 徒弟仔火喉根本未夠所以就算排二檔都唔考慮 再追富起來 開始上緊而上場輸俾時時稱心純粹腎虧潘一認真起上嚟無人可擋 雖然初跑谷戰但呢場排佢內側馬匹有唔少係欠缺前速 如果順利埋到二疊前置有cover勝算唔低 對手之中揚威四方跑法同富起來相比要留後一格 以呢隻馬能力至少應該值四班中上 當然睇豪堡嘉寶神駒呢啲排外檔嘅係咪立心搶前拉快步速
第六場嘅一千米呢頭講廢柴十磅未夠火喉咁韋賊整隻天火同人咁鬼易跑係貪嗰十磅減 咁都無P嘅話又要問候佢老母 至於腎虧潘就攞初出嘅超級精英 11月至2月前後試6個大閘仲要返嚟之後專程試谷千二閘 夠哂前速仲有埋個一檔食胡位 父系咁早熟當然有得用盡用
至於第七場嘅千二第二組廢柴十磅贏過嘅風中勁松又係跑檔位 381場次執十檔未跑判死刑 但返嚟都有第四反映馬匹有態 始終路程首本今場執四檔應唔難搞 Q方面真感去黎昭昇後大爆發 咁嘅勢頭熱食都要追到無為止

[ 本帖最後由 KIRIN688 於 2024-2-14 17:41 編輯 ]

KIRIN688

星期日場戲肉黨媒爛杯朗朗乾坤上場居然唔肯出閘 雖然試兩個閘合格但難保唔會出現又立地成佛 只限拖腳唔敢搵膽 正路巴閉哥可以守好位 搏冷再追紅愛舍 跑返千四執外檔相對安全 肯定有分頭


第九場三班85分千八米雪茄鄭全日哂馬 木火兄弟跑返首本路程又好檔首選 最大對手當然係腎虧潘隻精算謀略 抽十檔估計縮後跑 雖然跑C加3欄但今場得11隻跑飛出去追難度不大

尾場泥地三班1650見到黃腳鱲 手到再來 大紅袍 幸運傳奇呢幾隻放頭前置必有步速 買哂雪茄鄭一對同系加魅影獵飛呢三隻後上馬應該無死錯人 除非場地大利前置就無嘢好講

[ 本帖最後由 KIRIN688 於 2024-2-17 14:30 編輯 ]

KIRIN688

引用:

原帖由 鴻略 於 2024-2-18 07:01 發表

第八場盃賽紅愛舍前後減三分就回到千四，應有出擊意，機會馬之中較有分頭的一匹，朗朗乾坤及巴閉哥仍在升軌，當然分頭就欠奉。第九場木火兄弟及精算謀略最熱，值博率就稍低，因有極速奇兵做攔路虎。

另講第三場四班千四，先揀展 ...

又噏中 朗朗又唔肯出閘 係咪要強制退役

KIRIN688

引用:

原帖由 鴻略 於 2024-2-18 16:55 發表

估計有多一次機會，林醫生突然好運轉惡運，另一匹上星期流鼻血......

賽後報告話除暫時唔俾報名 連試閘都唔得 雖然無明言強制退役但暗示想馬主識做 當然啦 尋日單係WP投注佢度都二千幾萬
星期三挑戰杯煞科
第二場嘅一班110分1650隻越駿歡欣上場真係塞車 跑呢場有補飛味道但134磅係一大難題 嗰場跑第四嘅當年情由前一場一月杯平磅115到今場受讓十磅足以反先 係路程有啲短但谷戰跑高啲 對手之中著褲城隻舞林密碼雖然初跑此程但前一場沙田千六走入馬林都有段追唔算太差 上場千四所見騎落較均速 呢場得七隻跑走位上易搞得多
第四場嘅一班110分千二都唔駛點諗 呢個路程六W嘅小霸王必然係大熱門 上場越級挑戰G1百周年紀念杯走位失誤都有第四係驚喜 呢場仲抽埋二檔更好跑 Q方面魅力寶駒不足三星期內就跑第三場 符合神仙當初嚟香港學簡SIR嗰招密密跑作風 已經證明留後一格守中間都得點都要拖
第七場唔少馬唔係無態就重磅 索性告仔三隻鐵角算數
尾場三班85分跑一千快鬥快場合 346場次同程包Q嘅萬眾開心英雄豪邁又碰頭 檔位跑法上萬眾開心仲係有利嘅一方 英雄豪邁之後跑場盲門千二當快操 三重彩仍要拖不過今場能否構成翻版Q就要睇埋黎昭昇另一隻 上場有追但腎虧潘跑得求求其其嘅極光彗星 今場條友停賽換短途搶閘有一手嘅希威森 擺得到前置三四位隨時馬房Q返嚟唔意外

[ 本帖最後由 KIRIN688 於 2024-2-20 16:16 編輯 ]

KIRIN688

引用:

原帖由 鴻略 於 2024-2-21 21:57 發表

你最簡單的一句就有冷QT；非級際賽串T，絕無僅有，甚至可能唯一一次。

又龍上場檔差放得太快 換艾道拿又好檔所以一定保險要埋 張生嗰啲延期報名加入可以唔駛睇理論已經outc不過話返轉頭 就算魔頭年代同馬房包T都係明顯勝負已分 好似頭先咁告仔自己友三隻鍊到最後一步分勝負睇怕絕無僅有

KIRIN688

星期日戲肉三冠次關香港金杯浪漫勇士唔跑董事杯根本係應該 連打覺士盾同香港杯兩場硬仗用力唔少 抖兩個月時間夠 操練正常而雖然抽最外檔但平磅始終有利 麥道朗夾到熟哂點都要返 至於董事杯盟主遨遊氣泡今場跑二千就點都唔信 打比一場真係形勢使然 腎虧潘騎仲好對賭攻擊 而三週前G3讓磅百週年紀念瓶前三馬就要返直線力山作為Q腳 平磅賽同讓磅賽係兩回事 布文貴為大賽騎師發揮有保證 至於三重彩方面安遇有好檔負磅大減 二二三三唔係無可能
尾場鐵角 明亮天下同競駿輝煌又同場上陣 兩隻嘅外地賽績明顯加程上千四更合 初出喺嫌短嘅千二包Q睇嚟係恃質凌人 雖然排檔比上次更外但另一角度睇縮後啲隨時衝得仲勁 至於第三勢力方面堅又威同縱橫天下喺378場次交手 堅又威跑啱哂都係贏少少 加磅後贏面無上場咁高 相反縱橫天下就塞車塞到傻撲返上嚟第四 唔塞車係有權入P 今場換布文孭少啲死磅 論餐士唔會低得過明亮天下同競駿輝煌
第八場三班千六 又係亂局 係最好扒冷場合 獵人成全日屯重兵 呢場擺隻質新份子十八掌門 喺上場年初三415場次同程內欄後追接近 跑完兩場上力繼續有內檔 上名機會比之前高啲 而初三同十八掌門同場跑後一個名次嘅太陽勇士論表現全程望空返嚟輸唔夠三個馬位係唔差 今場排12檔 如果田雞立心將隻馬縮後入直路跑後追 剷入一席唔意外

[ 本帖最後由 KIRIN688 於 2024-2-24 18:27 編輯 ]

KIRIN688

越洋直播只講沙特杯最後嗰三場
新未來城草地杯 平磅G2跑二千一 衆矢之的一定係古摩嘅盧森堡 上場香港杯個第二整個兩段衝程盡顯級數 唔係俾浪漫勇士走甩早已經贏左 稍為要彈就係古摩啲馬抖一輪狀態唔會十足 頂多八至九成 係跑卡士 至於其他馬好多似是而非 連上年跑朱德望錦標包尾而回嘅勇狐隊都搏大霧過嚟 呢場整體水準唔高 日本三隻最似樣肯定係強配拉哥嘅上年東京優駿第三心曲 九戰贏得一場唔荒勁得去邊但係又可歸咎一路都用松山弘平 今場首度俾拉哥出戰睇幫得到幾多

紅海草地讓賽 G3讓磅跑大長途三千 又係亂局一場 日本四隻又唔算突出 今場搏歐洲嗰批馬 首選蘇仔嘅亮采 二千八米以上嘅長途賽績有證明 今年休後復出就喺杜拜跑場二千八熱身入Q 睇嚟乾快地對佢影響有限 跑完呢場估計杜拜金杯係目標所在 Q腳方面搏重大決定 最近跑嗰幾場係除左雅士谷金杯四千米太長大敗外其他跑哩半到三千米都有P算穩定 忽然問高多芬借主帥布宜學唔似陪襯

戲肉沙特杯泥地千八米 只轉一個彎等同沙田千八嘅左轉版本 應該係日本同美國之爭 喺BC經典賽一Q返嚟嘅小村白馬同取勝秘技再碰頭 首選就取勝秘技主因就係遠征有證明而上年呢日嘅沙特打比跑P 再嚟沙特跑首本路程秤先 至於小村白馬勝在主動而同奧天信合拍 如果遠征無問題肯定再同取勝秘技又激戰一場 三選都係要返盈寶奇嶽 話哂贏上年杜拜世界盃 上年跑BC經典其實唔差 可能中東氣候更啱佢發揮

[ 本帖最後由 KIRIN688 於 2024-2-24 09:22 編輯 ]

KIRIN688

引用:

原帖由 鴻略 於 2024-2-21 21:57 發表

你最簡單的一句就有冷QT；非級際賽串T，絕無僅有，甚至可能唯一一次。

咁肯定唔止一次班際賽串T嘅 步步友喺二班貝湯美贏條街嗰場就係其一