KIRIN688

星期三擺場四班尾場 高班馬凋零
有幾場就咁睇都係預左無分頭場合 例如第五場應該係添開心 精算暴雪同撼天鐵翼三強之爭 呢場唔買都唔可惜 而第七場形勢仲簡單 十八掌單挑獨角獸
第六場四班千二第二組 首選妙玲瓏 年初六跑同程賽前有諗過但11檔實在難跑 但返嚟追得唔差 呢場個一檔好跑得多 巫偉傑手上可用兵源唔多一定砌 最強對手肯定係電訊飛車 一個月前換布文即刻大勝一場 似係人夾馬緣 加到135頂磅係有啲影響唯有信布文
尾場四班千二第一組無限美麗預計大熱但繼續135磅 搏佢唔入Q 正路之選都係皇帝英明 路程首本而無限美麗仲讓佢磅 三甲無理由唔預佢 另一隻燉馬馬房嘅勝利神駒雖然上場沙田千四贏馬後換巴度變相雙重加磅加11磅 但本身夠前速又主動可以守好位 雖然谷千二兩戰無上名但當時馬未熟 靠千四級數落返嚟谷千二喺呢度仲有一爭之力

第八場三班千二第二組都係歡樂至寶 有財有勢 鈁糖武士同爭金奪冠呢四隻之爭 計檔位鈁糖武士抽最外檔跑法一定被動 首選兩戰同程全勝歡樂至寶 上場田草千二全程望空都追返個第四 MR.BEAN 跑過一場應該知點發揮 有財有勢上場腎虧潘跑得一絕僅僅贏 加左分後止於一位 至於爭金奪冠就繼續有好檔位 馬房有埋妙玲瓏應該配合出擊

[ 本帖最後由 KIRIN688 於 2024-2-27 20:12 編輯 ]

KIRIN688

引用:

原帖由 鴻略 於 2024-2-28 19:18 發表

第五場如果跑出添開心同撼天鐵翼有十幾倍就不乏味，精算暴雪上仗檔差但早守二疊而對比前仗也不算太快，輸三個馬位就比較差，今次好檔就偏熱。


第六場四班千二，妙玲瓏劣檔仍追得近換黃金一檔是正路選擇。電訊飛車上仗對手 ...

快如龍上場差到無人信 黎昭昇啲功夫名大於實 一隻福逸半季跑三場就出現高佬新未試過嘅爆缸 犀利 至於超額認購就覺得應該抖 雖然白頭佬有馬贏

KIRIN688

朗朗乾坤嘅前途有定案
「朗朗乾坤」於1月21日及2月18日出賽時連續兩次拒絕出閘。小組已考慮該駒馬主代表要求允許其繼續在香港出賽的申請。

經考慮有關申請及參照小組以往作出的類似決定後，小組決定允許「朗朗乾坤」繼續在香港出賽，惟須符合以下條件︰

該駒自2月18日起禁止在港出賽四個月。該駒必須至少連續五次在港試閘及格，其中至少兩次試閘須從1600米起步點起步。該駒日後出賽時必須佩戴與該五次試閘相同的配備。該駒在試閘前必須經兩次出閘測試及格，而其中至少一次須在香港進行。倘若「朗朗乾坤」在任何一次試閘中拒絕出閘或出閘十分緩慢，小組將建議該駒強制在港退役。

[ 本帖最後由 KIRIN688 於 2024-2-29 16:32 編輯 ]

KIRIN688

星期日嘅經典杯雖然往時係爆冷場合 但十年前呢場馬都出現過威爾頓步步友魔頭一對熱門同室操戈控制大局 至於今年感覺爆唔到乜嘢出樣 平磅作賽 驕陽明駒 喜蓮勇感始終分高有利 至於神仙另一隻安騁搵莫雅過嚟助陣必有鬥志 整個12檔就麻煩少少 如果Q搏分頭就喜蓮勇感搭安騁 至於驕陽明駒初上千八的確係變數 上場經典一哩仲有搶口 今場靠卡士搭夠

第八場二班105分直路賽 年初三416場次嘅千二米錶之銀河同賢者無敵交手結果錶之銀河沿途望空都撲返上嚟第二 雖然報左一個星期後G1女皇銀禧杯但出得呢場直路賽點都會搏埋 賢者無敵嗰場塞車跑第六但輸唔夠三個馬位用力唔多 今場評分上限多五分變相負磅輕左 布文攞返帥權更可信

重心場次第九場三班二千米 頭二選要哂上場都係腎虧潘遊馬河馬匹 精算謀略神仙叫莫雅搭單騎埋 今次個四檔形勢比上場千八外檔好好多 雖然孭133磅但莫雅都係重磅騎師孭少啲死鉛更好 至於另一隻翔龍再現始終谷戰係四比零所以上場未可作準 返嚟上名率高嘅沙田二千又有競爭力 三選方面預計成熱門嘅大千氣象比上場孭多九磅仲要初上二千打問號 倒不如要返呢個路程七戰雖然未贏但有四個第三嘅多多勇駒 至少馬房都要為護級

[ 本帖最後由 KIRIN688 於 2024-3-2 16:43 編輯 ]

KIRIN688

大至尊一出就贏二千真係夠黐線 難怪老香港係咁吹奏😆

KIRIN688

星期三賽事下半場無賭頭 集中睇三四五場
第三場四班千八 呢排天氣潮濕場地肯定偏慢 對家樂飛駒呢啲擅跑濕地嘅馬嚟講有利 先揀 Q方面神仙隻華卓晴今季兩場谷戰都入Q 似乎比泥地跑高一班 七檔如果守中後六七位有cover唔係無機
第四場三班千二第一組 巴薩諾瓦喺一月復出後跑幾場上力 又係同家樂飛駒一樣谷戰偏慢場地無咁硬會好跑 而且呢場得九隻跑更易攞位 Q揀純跑際遇有一檔利守好位嘅幸運旅程
第五場三班1650 兩星期前443場次三班突分同程中告仔三重彩 又龍串鳳同赤兔猴王今場又出但嗰場撼得咁勁 尤其又龍串鳳今場跑返80分正常三班變相雙重加磅孭多11磅又檔位排最外 第一隻劃走 至於赤兔猴王頂多三重彩腳 向兩隻一二檔馬埋手 勝益善雖然上場喺四班贏 今場返三班但同初出插班評分仲有距離 谷戰偏淋場地又啱晒呢啲英愛馬 另一隻排好檔嘅美麗滿滿今季無乜抽檔命 次次都係排中外檔但成日例衝一段 今場終於求仁得仁有二檔係黃金機會

[ 本帖最後由 KIRIN688 於 2024-3-5 15:50 編輯 ]

KIRIN688

引用:

原帖由 鴻略 於 2024-3-3 22:17 發表

沒有看內文，但老香港吹十匹博贏一匹耀武揚威乃慣常動作，加了「並非貼馬」一頂頭盔更不必認真；外地贏馬姿態好就大家知，最關鍵是潘頓一手操練顯著緊兼屢試中長途閘，跑來亦有胸有成竹之感，沿途輕鬆，有內欄好位亦不等待而很早 ...

目標係打比嘅話當然問題不大 但一出就跑二千如果隻馬俾魔頭練十成搵千六嚟開氣 至於經典杯 驕陽同禪勝咁樣撼法 三星期後嘅打比仲係咪會keep到？尤其驕陽 個處境極似當年首飾太陽 到打比就無以為繼

[ 本帖最後由 KIRIN688 於 2024-3-4 12:44 編輯 ]

KIRIN688

引用:

原帖由 月影偷情 於 2024-3-4 13:48 發表
驕陽....冇乜落鞭喎!

就算無落鞭 平磅對著比自己低廿幾分禪勝輝煌都係贏少少 打比再跑長二百有無咁嘅能耐

[ 本帖最後由 KIRIN688 於 2024-3-4 17:13 編輯 ]

KIRIN688

引用:

原帖由 鴻略 於 2024-3-6 19:16 發表

第三場四班千八，家樂飛駒及華卓晴是正路馬，目前大熱Q。華卓晴原泥地起家而草地欠佳，今季卻忽然性能變，谷草千六強組負於赤兔猴王而壓倒上星期再贏的建測羣英，目前實力似乎比家樂飛駒更高。另兼顧得勝多，上仗田草入Q衝得勁， ...

服哂告仔 今次唔敢買馬房Q 雖然話魔頭入場都唔敢臨場買😑

KIRIN688

星期日女皇銀禧杯主力講第九場
六七同八場係咁意講幾句
戲肉嗰場金鑽貴人俾張生噏中千四最好 抽埋八檔更好跑 除非馬又有內部問題咁無得講 Q腳方面布文揀神虎龍駒放棄加州星球應有見地 上場田雞係跑得差 三重彩要返準繩嘅永遠美麗

第八場直路賽就係占士德同星際快車單挑格局


第六場 上次中遨遊武士今場雖然加磅但隻馬超過千二磅咁大份應該問題不大 對手當然係金匯昇昇同手機錶霸 單Q就要手機錶霸 主因係除檔位差唔多外 金匯昇昇得一千磅多啲 負重能力打折扣 手機錶霸一連幾場啲後勁非一般四班馬可比 同樣信布文


第九場二班突分千八 傳統上呢場係打比最後搶分機會但今場無四歲馬 高班馬青黃不接嘅現象 集中睇告仔四隻同馬王輝三隻 首選仍然係桃花雲 始終呢啲高班中距離賽事磅位行先 二班輕磅好過三班重磅 執最外檔更好免受塞車之苦 次選馬王輝嘅常拼常勇 明顯留住衝更合 今季兩勝同程都贏得輕易 雖然麥道朗做唔到磅但換班德禮影響唔大 三選告仔另一隻錶之五知 布文跑四場全數入圍 雖然孭133磅都難以捨棄

PS：老魔頭年代攞到一次冠軍練馬師嘅飛機陳終於仙遊 活到98歲呢個年紀真係唔容易 RIP

[ 本帖最後由 KIRIN688 於 2024-3-9 17:04 編輯 ]