KIRIN688

星期三大賽前夕睇三場一千
頭場嘅三班最單純 一個月前同程538場次前三馬又碰頭  單Q搏美麗第一搭英雄豪邁嚟過關算數

第四場嘅四班亂局一場 套用當年熊良錫成日噏隻隻垃垃圾圾最適合呢啲場合 初出兩隻新馬皆益善同鴻圖新星試閘無乜睇頭 要返獨沽一味谷一千最好嘅華麗活力 連跑四場谷千二擺明減分 跌到落嚟46分比起對上一場同程上名減左十分 負磅同檔位處有利水平係時候郁手 Q方面扒冷共創成果 近幾場際遇差到無人有但因為場場輸唔遠就好難減分 谷一千之前跑嗰場受制檔位留後衝得唔差 呢場抽五檔有利前跟跑法 咁易搶口嘅馬呢場咁多放頭馬跑谷一千最合
第五場嘅二班一千杯仔搵合 雖然得九隻跑但至少有三隻都係靠搶放搵食 對守好位馬匹有利 扒半冷要上場神經刀贏馬嘅人和家興 希斯呢場兩隻跑法上緊張大師抽最外檔仲要得一招放 有馬搞就唔鬥得 第一隻劃 反而人和家興曾經證明過守三四位一樣可以發揮最大威力 雖然上場忽然大勝唔知係咪希斯啲針葯谷得應 但今場形勢對佢明顯有利 升班跑返首本谷一千難以捨棄 另一隻會賺形勢就係腎虧潘攞返嚟騎嘅四季醒 又係路程焗限問題 跑法簡單而二班谷一千路程又少 有得出實砌

[ 本帖最後由 KIRIN688 於 2024-4-23 21:19 編輯 ]

KIRIN688

引用:

原帖由 鴻略 於 2024-4-24 20:24 發表

上次完全揀不到可賭場合，賽果亦覺難中

今日亦難搞，第四場及第五場都覺混亂，第六場要揀熱門馬又不覺穩，講下第七場。


多利神駒轉倉後穩定下來，兩場一亞一冠都具中上級數，加分而對手減弱，有好檔，仍可再捷。電訊飛車平平穩 ...

尾場港林福將上場無跑錯影都無 跑返谷戰又贏點玩
大賽日三場G1
主席獎嗰場加州星球同維港智能首度交手而同樣遠征返嚟 隔得一個月時間休息係咪夠唔知 兩者跑法都係放頭點互動係關鍵 四平八穩就要賢者無敵 早講過跑千二能力唔差得過一千 上場G2短途錦標前跟幾乎偷襲得手反映跑法唔一定留最後 布文攞返嚟騎可信 至於短途錦標分列三四威力奔騰同嫡愛心似係馬回落 至於綠族無限跑千六增程失敗後縮返嚟千二 近況肯定FIT只考慮級數問題 外隊三隻消暑樂祭呢隻新任高松宮記念盟主跑香港短途嗰場無乜跑錯都無威脅 抽11檔更難跑 英國馬女堅信最好成績就係希鐸短途杯呢場G1第三 但未曾反映真正能力 不明係另一隻日本馬旭日朗途 出道早期就喺千八二千呢啲中距離賽事跑 近幾場就落嚟跑千二千四倒唔差 今場換連達文睇臨場步速夠唔夠快啱佢追

[ 本帖最後由 KIRIN688 於 2024-4-26 16:00 編輯 ]

KIRIN688

冠軍一哩賽亂局 威哥對金鎗六十部署真係小心 唔似得金鑽貴人跑得就跑 季內初出即勝香港一哩反映跑fresh毫無問題 雖然未必夠態但一瓣以逸待勞的確係對佢最好嘅部署 一對美麗勝在準但底牌見哂 遨遊氣泡杜拜返嚟點都要打折 頂多位置馬 至於錶之銀河跑完短就上打比撼場勁嘅 擺位同遨遊氣泡一樣 外隊四隻勇大帝能怔慣戰但最近三勝不過係德國意大利卡塔爾呢啲水準唔高賽事 可能有獎金但無冠軍相 日本三隻鑽彩同大宴重酬喺上年NHK一哩杯碰頭分列一三 但鑽彩之後三場雙位數名次唔知係咪早熟退步 大宴重酬上場落澳洲跑唐加士打一哩撞著大爛地又出馬多攞位唔順只輸三個幾馬位唔算太差 連達文跑過一場應該知點搞 另外一隻傲蹄巴魯秤佢喺上年京都嗰場一哩冠軍錦標第四嚟睇本應有一戰之力 可惜騎嗰個西村淳也海外經驗少 如果有前三當贏
女皇杯浪漫勇士又一次考驗個十檔 呢場玩複式好似穩陣啲 搏浪漫第二第三有得分 至於大至尊打死都唔信會得 唔係隻隻北四馬好似浪漫勇士同威爾頓可以打比後再贏女皇杯 主要對手都係日本三傑 先見唔駛講 川田將雅一定係不利因素 但如果唔重重受困一定有位置 至於滂薄無比勝在跑沙田係高一班 拉哥唔嚟換連達文仍有一戰之力 至於北橋 上場酋長錦標哩半有啲長 睇嗰場馬個場地其實幾差好難跑 輕風飛跑完就打柴 北橋咁都近 嚟到沙田呢啲好地縮返嚟二千 贏就一定難 但入位置個人認為唔係無可能

[ 本帖最後由 KIRIN688 於 2024-4-27 20:59 編輯 ]

KIRIN688

女皇杯日第九場二班千四 唔少馬唔係重磅就走下坡 要返跑法主動又好檔嘅亞機拉最穩陣 對手之中馬林此程準繩雖然排最外檔仍要兼顧
尾場五隻新勝馬再出 比較上都係再追占士德 呢場同祥和順同顏色王子仲有風雲武士喺度必有步速 周仔唔舒服寧願星期三都唔跑留力跑呢隻有誠意 首選 至於星際快車終於增程上千二都合理 早段落腳唔算快排11檔影響有限 麥道朗再騎必然QT腳 扒冷腳就係魔頭幫猴王系引入嘅新貨得道猴王 明顯做哂嘢出嚟跑戰意一定有 只係黎昭昇老實講功力有幾多有眼見

[ 本帖最後由 KIRIN688 於 2024-4-27 21:21 編輯 ]

KIRIN688

大賽過後星期三心水2,6,7呢三場
第二場四班1650第一組 唔少馬近績普通 搏返隻有路程根據嘅勇晉當銳 以同程420場次跑第二嘅水準嚟睇暫時呢個路程係有競爭力不過一定要留得好有尺寸 上埋從化整個大閘而埋門落草地似係搏殺信號 Q方面吼果然得 上場沙田二千大敗似係路程嫌長 落返嚟1650仲要轉谷戰隨時由蟲變龍
第六場四班1650第二組 告仔一接收架勢奇爸即刻做嘢 大細閘做齊仲晨早搵定布文仄馬 真係好有決心省靚招牌 成熱都要揀 Q方面本來考慮富喜來但衝程太短 雖然有一檔睇怕又係得個近字 寧搏質新而開始上力嘅極速之子
第七場三班千二第一組杯賽場合 腎虧潘揀合夥奔馳應該係一早答應接左 不過呢隻馬近兩勝所贏嘅對手九秒九精明勇駿都係四班等機會 寧願要返同樣三班未勝 但連番入位嘅無限美麗 換艾道拿分多幾蚊 扒冷揀快搏 五個月前同程贏馬後連輸五場又減返贏馬嗰陣嘅分數同磅位 呢場寰宇豐采同嘉應喝采同樣抽外檔估計有步速 加上跑A欄啱哂快搏後追

[ 本帖最後由 KIRIN688 於 2024-4-30 20:27 編輯 ]

KIRIN688

引用:

原帖由 鴻略 於 2024-5-1 20:34 發表

第六場架勢奇爸要看告東尼功力了，上次前段快步速跑得自然趁對手減慢就上前，末段就不敵赤馬雄風後勁，再進當然應勝，若維持則要看際遇，揀就一定揀。富喜來似乎要走順才加速，不合谷草，排一檔亦不易守好位，還是等減夠分回沙田。 ...

架勢奇爸又一次失望 雖然話氣管有血都要斬纜
星期日話有啲雨 揀馬當好地為準
第四場三班千八  正路都係十八掌門 贏開而跑法又主動又好檔 Q方面上場輸俾十八掌門嘅明亮天下勝在有變化地根據 雖然九檔係被動但本場得十隻跑攞位相對易 至於腎虧潘嘅金陽飛駒無疑近兩場追得好 但初上千八對著一批跑開千八二千啲對手又似乎下風


第五場四班直路賽 兩隻初出馬天天同樂同太行美景賽前功夫積極 同樣個幾月內試夠三個大閘 同樣夠前速而今場又有幾隻快馬前面開路好好跑 Q之選

第九場泥地三班千二 告仔一對一放一追當然繼續追花果猴王 暫時呢個路程首本 雖然12檔難捨棄 對手之中喜至寶連輸兩劑谷千二後都要向現實低頭跑返泥地千二 如果場地尚算公平嘅話仍有一爭

第八場主題賽事G3皇太后杯哩半 將王依樣畫葫蘆為遮打杯熱身 雖然天氣不穩場地有利佢發揮但始終孭頂磅 頂多接近 其他馬之中錶之五知本來論機會應該唔錯但問題在一星期前先跑完女皇杯 匆匆再戰到底告仔諗乜？如果一心部署呢場皇太后杯嘅話根本唔應該跑女皇杯 所以QT唔揀佢 先揀兩隻喺打比前列返嚟嘅嘉應傳承同難以置信 嘉應傳承喺上手岳細公子訓練嗰陣已經喺哩半上名 路程適性一定無問題 跑法較均速 抽最外檔無可避免焗搶 不過香港千八以上賽事好多時步速都係慢 對以佢咁主動嘅跑法始終有利 古摩陣營出嚟嘅難以置信擺明同嘉應傳承一樣哩半會好過二千 打比後跑場二千入Q純粹輸重磅 呢場涼瓜明知道將王出呢場都要超磅騎 誠意毫無疑問 至於三選要同樣落雨有利而上年呢場有第三嘅自然力量

[ 本帖最後由 KIRIN688 於 2024-5-4 17:55 編輯 ]

KIRIN688

星期三賽事
第四場四班千二第一組 燉馬馬房雖然上岸但馬房手足都要開飯 勝利神駒唔駛睇近績 只要有好形勢就嚟了 對上一場贏馬前一場都係排檔差就一放了事 所以上場泥地千二排檔差咪當試閘 抽一檔仲要拆三組水準進一步拉低 Q腳就要勇威神駒 終於落返四班減多幾磅 交出季初喺四班贏嘅水準足以橫掃


第二場四班千二第三組 繼續向燉馬馬房埋手 精益大師雖然同程三戰抬蛋但當時未熟 以呢隻馬之後泥地千二上名嚟睇谷千二應該無不合之理 連埋勝利神駒都抽一檔個天都幫埋 早喺贏谷一千嗰場就係守好位跑 呢啲馬跑法簡單啱哂智弘大師發揮 同場其他馬好多似是而非 尤其腎虧潘隻飲杯抽11檔打折扣對賭攻擊 半冷就要只跑過一場嘅有心意 初出對著隻同祥和順臨場30倍W根本無心攻堅 但尚算跑得唔差 谷戰試過大閘適應場地 血統仲要早熟無得保留用得就用

第七場赤兔猴王同飛漲上場買多注保險Q輸少啲 今次又同場 赤兔猴王有埋開心勇駒開路梗好跑 翻版Q


尾場三班千二得十隻跑 腎虧潘趁周仔停賽就搶時尚風趣 估計一檔都係放頭 對同樣連勝兩場同程嘅川河動駒有利 另一隻撼天鐵翼又係同程準繩 呢場係呢三隻互片 Q就飛時尚風趣因為腎虧潘

[ 本帖最後由 KIRIN688 於 2024-5-7 17:30 編輯 ]

KIRIN688

跑星期六 只講七同十呢兩場
第七場二班千六杯仔場合 桃花雲到底上場田雞望乜？唔睇名以為係波仔 喺二班無理由無得贏 另一隻香土變態哥愛駒喜蓮勇感喺打比慘敗證明無二千長力 重新做功夫落返千六又抽埋前置馬最理想嘅二檔 咁都唔贏即係叫變態哥食屎
尾場三班千二 女皇杯日同班同程揀左聽日又碰頭嘅星際快車同得道猴王 當日場地有變而星際快車更因為11檔五疊望空唔輸至奇 但只輸三個幾馬位就唔差 換布文孭少啲死磅又抽二檔 機會比上場提升 至於得道猴王就歸咎上場個地 今次個地應該正常乾快可現真身 至於QT拖多一隻揀呢個路程未甩過嘅特別美麗

[ 本帖最後由 KIRIN688 於 2024-5-10 12:52 編輯 ]

KIRIN688

聽日嘅日本賽事七場 戲肉馬女G1維多利亞一哩都無乜賭頭 豐哥接手嘅匯兩川同拉哥嘅假面歌姬控制大局 攞嚟過關最合 呢場不贅 另外分析兩場草地
第三場嘅四歲以上一勝賽千八 睇績應該同香港四五班差唔多 九隻之中仲要有兩隻曾經跑障礙賽 相信前景有限公司 拉哥呢場接左隻疾如脫兔算係庸中蛟蛟 對上兩場返東京同中山草地利用先行跑法得位置 本場前置馬少以拉哥騎法肯定啱呢隻馬 至於Q方面屬意名將山河 33戰贏得一場肯定水馬 不過上個月休後復出跑兩場雖然只係福島新潟場表現還可 今場雖然返東京但呢場水準奇低 要求殺入一席相信唔難做到

第四場琦玉電視杯 四歲以上兩勝平磅跑千六 水準比起第三場其實唔好得去邊 首選豐哥嘅焰火山 喺東京場跑16場超過一半上名 作賽經驗豐富無比 呢場有二檔仲咁少馬啱哂豐哥先行跑法 對手之中大多似是而非 唯一揀得落手就係回到初心 近績喺呢組馬中算穩定 只係第一次過嚟關東作賽未知輸送影響有幾大 但跑出水準嘅話加上一檔相信好難甩P

[ 本帖最後由 KIRIN688 於 2024-5-11 20:45 編輯 ]

KIRIN688

引用:

原帖由 鴻略 於 2024-5-11 22:13 發表

第七場我與版友一樣，看好禪勝輝煌及中華盛景。禪勝輝煌近兩場進步多，上仗二千回復跟前而跟得急亦壓倒喜蓮勇感，今次更受讓十一磅，今日大熱贏馬合理。喜蓮勇感計死數確難以反先，千八贏過而前仗實在欠藉口；暫時欠銳氣，在賠率 ...

證明黎昭昇係水嘢 呢隻得道猴王應該要拉走 駿奕快車係睇小左佢 至於雪茄鄭尋日幾無運 木火兄弟抖夠想搏殺就三疊望空輸少少 年年友福好遲先撻著 月尾場泥地千八再出要跟
星期三講尾場先 合夥奔馳同程連下三城氣勢好勁 但比上場孭多十磅點都有風險 搏唔入Q 同樣喺同程兩連勝嘅多利神駒受讓13磅又好檔足以一戰 另一選紫雲冰季內只跑四場賺體力 搵徒弟減磅喺季尾時份好有用
第三場三班千八本來大千氣象應該係正路之選但值搏分頭低 近兩場無論後追定守好位都係得個近字 跑法太被動搏唔入Q 上場贏佢嘅港林福將繼續有好檔 形勢仍然有利 不明係非惟僥倖 初出入位嘅水準無理由三班無得贏 但跑落未如預期 今次變數在轉馬王輝初出用另一套手法搏新鮮感 雖然布文試後唔騎但MR.BEAN都唔差 有一檔睇能否變身
第八場四班千二第二組 唔少馬欠近績 砂漿金剛轉告仔初出做哂嘢但抽11檔幾難搞 扒冷敲人和家盛 其實上季腎虧潘兩度殺入Q嗰兩場都係守中間唔駛留到包尾 呢場終於抽到二檔算好跑 以季內入Q嗰兩場輸俾晉神同皇帝英明嚟睇退化不大 首選 Q方面季內初出幾乎殺哂嘅東方寶寶再出交唔返之前水準但當晚場地有變 算叫有籍口 場地變返正常嘅話未敢睇小

[ 本帖最後由 KIRIN688 於 2024-5-14 20:28 編輯 ]