KIRIN688

星期三谷戰

頭場三班跑二千二隻博才擺明越長越好 跑千八講真都係短 國際賽日場千八雖然輸六個馬位但實際同第二名嘅距離輸唔夠兩個馬位 呢場出馬唔多可以因應情況調整走位 Q腳方面再追威武勇駒 有一檔而馬本身同程有贏馬記錄反映都可勝任此程
第五場持續向上嘅超超比同今季連勝兩場飛鷹翺翔碰頭 跑法上飛鷹夠主動只係加左磅同跑法早被洞悉 所以三重彩會拖但Q膽攞超超比 至於飛鷹上場贏馬而入Q嘅紅愛舍可能比飛鷹更有投注價值 墮馬被撞後兩星期復出照入Q絲毫無受影響 雖然初跑谷戰但場地比沙田偏軟應更合呢啲英愛馬發揮 三重彩保險拖多隻自力更生 上場際遇差包尾雖然話賽後有喘鳴但好快復課睇嚟影響不大 呢場好檔有權變身
尾場無時間打 要哂三隻中下磅馬鐵角 跑得好快 添開心同凌厲算數

[ 本帖最後由 KIRIN688 於 2023-12-20 14:13 編輯 ]

鴻略

引用:

原帖由 KIRIN688 於 2023-12-18 09:08 PM 發表
星期三谷戰

頭場三班跑二千二隻博才擺明越長越好 跑千八講真都係短 國際賽日場千八雖然輸六個馬位但實際同第二名嘅距離輸唔夠兩個馬位 呢場出馬唔多可以因應情況調整走位 Q腳方面再追威武勇駒 有一檔而馬本身同程有 ...

博才跟前例輸，剛才跑法不合；威武勇駒則遇上忽快忽慢步速亦有大影響，包裝旋風上前太急害己害人，三班此程相當麻煩，每次步速不同而變異。

第五場飛鷹翱翔四捷每每放出就贏，非同小可，同場無快馬亦相信無馬願意犧牲，預期有類似電訊巴打形勢，非常有利，超超比能否突破形勢就看能力，上仗贏得較少，今次我沒有之前的信心。

另講兩場。第四場，熱門三匹檔佳是正路選擇。包裝希望屬急進馬房初出而試閘見好；胡椒軍曹同程績佳，上仗氣管多血敗，如無影響則仍可爭；鑽飾翱翔上仗稍留再有進步。冷門可考慮戰鬥英雄，近戰不差，田草一千贏過，現田草轉谷草對手減弱，檔位稍吃虧，要博有快步速，若取膽則可兼顧。

第六場極速奇兵上仗田轉草贏來比預期更厲害，連捷可期。赤兔猴王近戰排內檔稍留表現好，但外檔迫前就稍差，今次外檔考留放及際遇，對手差仍要取。冷門取同寶寶，前仗千四中等步速守到好位，直路上先被拋開而末段再追近，負於再出連捷的大數據只兩個幾馬位，上仗遇快步速沿途取位欠順而落敗較遠，今次增程轉谷草，預期早段與前仗類似，亦有望更合追趕，有權闖一席，QT可兼顧。

KIRIN688

嚟緊星期六開始直到一月杯賽日係咁三日一戰
第七場二班跑二千 仍然向輕磅馬埋手 安騁上場國際賽日場千八全條直路塞車無跑過 呢場難得係100-75分可以孭輕磅換田雞 始終係質新馬輕磅好好跑 Q腳方面同舟共濟上場同程重飛又係成條直路塞車 結果馬主拉倉重投獵人成 重頭做起試埋閘換埋影子主帥麥道朗 係時候交代
第八場三班千二 伍仔隻我為您今季贏到各位唔信 唔懷疑戰意只係上場贏今次又同場嘅新風俠一條頸當時受讓六磅 今次再加磅下只受讓一磅 檔位差唔多 而新風俠換更硬淨嘅麥道朗有條件反先 Q方面曾經考慮歡樂至寶但上場實在輸得難睇 無乜跑錯轉彎已經騎返嚟無都唔知乜事 倒不如搏下同樣抽外檔 初出而準備功夫掩人耳目 腎虧潘唔放手嘅神仙新PP鐵金剛
第九場泥地三班85分1650 對晴王未死心 季內兩戰一場塞車一場千四路短 其實boxing day 嗰日有三班千六但雪茄鄭揀喺聽日轉泥地出戰 仲試埋泥閘似乎佢覺得隻馬轉泥地可以應付 入位相信唔難但要贏可能要問下魅影獵飛同黃腳鱲 當中黃腳鱲上場一放到底贏得輕鬆不過今場排檔外移又有手到再來幸運傳奇呢啲同樣靠搶放食胡 隨時有一齊燒瓜攬炒嘅可能所以都係要返賺步速而磅位有利嘅魅影獵飛 保險腳方面精彩動力上場俾黃腳鱲慢放 但返嚟跑得唔算差 只係呢個小朋友似乎太少出賽機會 有分頭先考慮

尾場應該係同樣美麗 翩翩君子同星運少爵三雄之爭 鐵角不合成本效益 飛一隻嘅話就飛腎虧潘買其他兩隻單Q算數

[ 本帖最後由 KIRIN688 於 2023-12-23 07:59 編輯 ]

KIRIN688

星期日跑有馬記念 就係傳統跑馬王嘅日本版 不過今屆有馬記念邊隻贏都威脅唔到已經退役嘅春秋分喺本年日本年度代表馬嘅地位 春秋分唔跑形成呢場賽事係混戰格局 揀三隻鐵角互串加三重彩 小弟揀呢三隻有個共通點就係全部無喺上個月嘅日本杯跑過 第一隻就係喺天秋入Q嘅駿天宮 嗰場諗住二千會短估唔到殺入Q 幕後知道春秋分跑日本杯就索性收埋等呢場 跑返二千五路程啱哂 橫山武史有過一場經驗估有更好發揮 第二隻就喺凱旋門跑第四嘅遊遍汪洋 當日強手林立不被睇好下殺入第四刮目相看 返日本後距離今場抖差唔多三個月休息足夠 而今場仲有兩個利好因素 其一係中山馬場跑七場全入前三 其二就係騎師池添喺有馬記念贏過四次係全組騎師之中最多 數據上不得不揀呢隻 至於第三選向三歲馬埋手 本場三隻三歲馬最後揀扳到用莫雅嘅本年東京優駿盟主鍵琴高奏 下半年跑得一場就係三冠尾關菊花賞 以一隻三歲馬嚟講久休無熱身情況下一出就跑三千米難度非常大 入Q係實力表現 隔左兩個月休息跑返二千五加埋莫雅係第三勢力

[ 本帖最後由 KIRIN688 於 2023-12-23 18:18 編輯 ]

鴻略

引用:

原帖由 KIRIN688 於 2023-12-21 06:04 PM 發表
嚟緊星期六開始直到一月杯賽日係咁三日一戰
第七場二班跑二千 仍然向輕磅馬埋手 安騁上場國際賽日場千八全條直路塞車無跑過 呢場難得係100-75分可以孭輕磅換田雞 始終係質新馬輕磅好好跑 Q腳方面同舟共濟上場同程重 ...

跑星期六兼冬至翌日，難趕刨馬出文

第八場歡樂至寶連番失望，但仍難以相信不高過五捷的我為您，ROY兄死心不息得回報，只賭位置Ｑ單棍拖中穿甲戰鷹，我揀不到，事後看後者表現有點似星運少爵，縮程馬試閘路短似不多但真跑見威力。鐵金剛受阻，否則應有位置。


尾場表面確似同樣美麗、翩翩君子及星運少爵三匹，臨場翩翩君子票數軟弱得不正常，給人落敗的信心，有飛走加冷馬賭鐵角的條件，有幸拖到風繼續吹，風繼續吹上季三班在路短檔劣的千二屢追近，班次不應吃虧，今季贏千四亦實實在在壓倒翩翩君子，上仗外疊蝕位輸近，至少是最合理的第四選。

另外今日不知草皮是否有特別情況，前領馬就算放得不快仍在直路上難捱一席，下次隨時逆轉變身。

[ 本帖最後由 鴻略 於 2023-12-23 19:39 編輯 ]

KIRIN688

引用:

原帖由 鴻略 於 2023-12-23 19:23 發表

跑星期六兼冬至翌日，難趕刨馬出文

第八場歡樂至寶連番失望，但仍難以相信不高過五捷的我為您，ROY兄死心不息得回報，只賭位置Ｑ單棍拖中穿甲戰鷹，我揀不到，事後看後者表現有點似星運少爵，縮程馬試閘路短似不多但真跑見威力。 ...

如果聽日跑隻風繼續吹或者拖到 但雪茄鄭又真係 隻晴王又一次失望 要暫時斬纜 另一邊同舟共濟爆左缸 獵人成九成九掃😑
拆禮物日賽事
第三場二班泥地千二 好多揀唔落手連隻年少有威都洩哂氣 月頭同程贏馬嘅平海歡星今場孭頂磅亦不考慮 嗰場馬分別跑第五同第八嘅上駿之星同禪勝寶駒就係今場選擇 尤其禪勝寶駒嗰場跑得毫無誠意 呢場馬少形勢有利得多 再追多次 至於上駿之星上場個一檔幾不利 呢場4檔可謀定而動
第六場四班泥地千二 預計大熱應該係月頭217場次同班同程贏馬嘅荷花之星 但加左磅到133再抽10檔難度大增 對賭攻擊 本來嗰場跑得唔差嘅伶俐驫駒係其中一個選擇但今場個一檔可能害左佢 上場就係咁重重受困 反而九日前252場次澳華威威同佳尊三當時形勢更差結果都有段衝下一齊返嚟不過輸三個幾馬位 輸完一場可能仲好分點解唔搏？
第七場四班千六 先揀雪茄鄭隻富起來 出自中距離好手大和主將起碼要一哩路程先有威力  199場次同程排檔好啲已經有嘢睇 之後操練持續加壓又做埋大閘 賀銘年無乜實力馬喺手必用盡心機跑以防腎虧潘布文一個唔該搶左就無謂 Q腳方面智勝龍同樣狀態跑起 9日前同程麥道朗唔想塞車所以出彎入直路飛出去無可厚非 呢場排七檔而對手仲水過上場 再入位唔難

第九場三班直路賽 三週前同班同程貼攻頂萬里飛至同爵登 結果爵登塞車 攻頂嗰場贏馬但個分開始有阻力 仍然會拖Q但加左磅贏面應該無上場咁高 爵登換希威森抽近看台11檔睇有無法子跟前啲 論馬仍有一爭 至於嗰場跑第三嘅幸運之神喺大漏閘之下咁都追返個第三都算犀利 今場抽貼看台14檔估計唔漏閘情況下應該係放頭嗰隻 睇起步

[ 本帖最後由 KIRIN688 於 2023-12-25 22:11 編輯 ]

鴻略

引用:

原帖由 KIRIN688 於 2023-12-23 08:32 PM 發表
如果聽日跑隻風繼續吹或者拖到 但雪茄鄭又真係 隻晴王又一次失望 要暫時斬纜 另一邊同舟共濟爆左缸 獵人成九成九掃😑
拆禮物日賽事
第三場二班泥地千二 好多揀唔落手連隻年少有威都洩哂氣 月頭同程贏馬嘅平海歡星今 ...

今日又病了，失聲......如果出文，其中會寫第五場看好三匹試閘見好的新馬平湖福星、誠好運及金榜之星，蓋原班最好的龍城強將上仗已吃力而改排劣檔，但Q由20倍變10倍就沒甚意義。平湖福星從未由梁家俊操過，想起當年梁為平湖之星放棄美麗傳承，所謂感情現在更覺是笑話，好在梁今日憑另一匹馬贏此場。


第三場二班泥地千二由八歲才上高峰的老馬量化歡騰贏，此馬當年一出即勝之後連輸而以為早熟早殘，上兩次有獎金已覺奇蹟，ROY兄上次話贏到就戒賭馬，好在今日才贏，但彼此仍然一地眼鏡碎......


第七場及第九場皆有必爆但毫無頭緒之感。第九場還算有爵登，但快路與加州德至難揀，上仗不至沒有走勢但要很多幻想。


另外今日潘頓三匹棄騎勝出，當然，不排除應承在先；隨後選馬不必太介意潘頓選擇。

KIRIN688

星期五晚谷戰方仔似全面搏老命
第二場五班千二隻九秒九唔明上場點解會望空跑 明顯一望空就交唔出應有水準 換布文再抽好檔收復前失 最強對手當然係燉馬馬房嘅晉神 落到五班惡過老虎 又抽好檔田雞停賽換巴度影響有限

其他待續

[ 本帖最後由 KIRIN688 於 2023-12-27 21:41 編輯 ]

鴻略

引用:

原帖由 KIRIN688 於 2023-12-27 09:34 PM 發表
星期五晚谷戰方仔似全面搏老命
第二場五班千二隻九秒九唔明上場點解會望空跑 明顯一望空就交唔出應有水準 換布文再抽好檔收復前失 最強對手當然係燉馬馬房嘅晉神 落到五班惡過老虎 又抽好檔田雞停賽換巴度影響有限

...

竟然星期五晚有馬跑......

九秒九意圖切入一疊，當可以切入時又怕被封，一直在一疊半，形勢不算理想但也不太差，難判斷是跑法錯誤或評分壓力，看賠率。晉神及錢途光明上仗也與九秒九同場分列亞季，頭馬鑽飾璀璨及第五妙玲瓏其後再贏反映此場水準高，都抽好位，宜一併兼顧。飛躍凱旋上仗大縮程終於開齋，以往績及跑法計，千二會更好，檔位則稍差，也要看賠率，選九秒九可能較有信心。

KIRIN688

引用:

原帖由 鴻略 於 2023-12-27 22:08 發表

竟然星期五晚有馬跑......

九秒九意圖切入一疊，當可以切入時又怕被封，一直在一疊半，形勢不算理想但也不太差，難判斷是跑法錯誤或評分壓力，看賠率。晉神及錢途光明上仗也與九秒九同場分列亞季，頭馬鑽飾璀璨及第五妙玲瓏其 ...

九秒九就信布文 第七場隻爆熱本來11月嗰場就係搵佢搏點知之前場次墮馬 不過睇隻馬沙田啲地完全唔識跑 上季跑嗰場谷戰1650追得唔差 落返嚟千二對手差天共地 十檔都要揀 對手之中有財有勢都係正路之選 QT加多隻穿甲鷹 國際賽日嗰場千二算跑得幾好 輸俾第二嗰隻星運少爵不過兩個馬位 返嚟首本路程檔好換埋麥道朗吼實