鴻略

引用:

原帖由 KIRIN688 於 2024-1-22 08:53 PM 發表
星期三晚全泥戰 集中睇二五七呢三場 尾場應該都係277場次前三馬魅影獵飛 手到再來 精彩動力控制大局 不贅
第二場禪勝寶駒跑返1650用布文減少死磅必選 不明係一先生 今季健康出問題而今場係季內第三場上陣 兩星期前跑 ...

上期打一大段而突然沒了已無心機再重打，當日稍為可惜是四班直路一場，考慮過一對縮程的球星及綠色有料，連帶都算縮程的連連勝利，結果就是三匹回來，但賽前不敢挑戰中環精英或剔起連連勝利，四匹又覺犯本......

四班泥地千二有兩場，第五場則不敢領教，當中反覆馬較多，包括熱門馬，而天行健及大眾勝利不敢再跟進但又怕變身。賭第六場，鑽飾璀璨近兩仗泥地表現出色，上仗慢閘也追得勁取回第二，正常發揮應再勝，正路首選。盛世名駒在此評分不超卓但屬牌面馬，初跑泥地，今季兩泥閘則快時間贏，泥地可能更佳，用布文應想出擊，次選。保險腳博降班的良駒好友，首仗及上仗稍留後追不俗，用小將實際只加四磅但對手大幅減弱，今次一檔可順勢守天然好位，有力闖一席。

KIRIN688

佳尊三無心睡眠食正大利後追 大機構對泥地保養九流
星期日又大賽日賈一姐嚟跑包裝必勝 嗰場最後先寫 先講第五 九同十呢三場
第五場四班千六仁愛堂杯本來想再追馬主雄風但退出 補入嚟嘅大力猴王食返個一檔好形勢 馬就唔叻但呢場好多馬似是而非 希望個一檔可以幫得到提升競爭力 Q方面追多次富起來 上場望空留唔住走上去蝕哂形勢但返嚟都不過輸俾頭馬三個馬位 呢場留得好嘅話有權回馬槍
第九場希斯隻久久為尊近兩場同程跑得唔錯 雖然報左一星期後嘅經典一哩但論機會點都係聽日場讓磅三班有把握 跑法啱哂田雞 首選 至於涼瓜今場繼續騎港林福將又好檔賺形勢 加上同場馬匹唔係重磅就檔差機會相對提升
尾場有五隻馬喺306場次碰頭 其中一定美麗之後跑多場又上名呢隻今季算出奇交得準 雖然差唔多兩年無贏但買QT唔拖始終唔放心 今場繼續有好形勢再入位唔出奇 嗰場贏馬嘅時尚歡欣今場整個14檔難跑 仲要有埋君達得紫荊綻放呢啲放頭馬蝕哂形勢 今場唔睇好 扒冷門就要賺檔位嘅縱橫天下 又係要跑際遇 上季喺二班仲要同自勝者強九五赤兔間過返嚟三班點都有份量 三選方面喺堅又威同瑰麗人生之間選擇瑰麗人生 純粹係信唔過腎虧潘呢條友

[ 本帖最後由 KIRIN688 於 2024-1-27 15:37 編輯 ]

鴻略

引用:

原帖由 KIRIN688 於 2024-1-25 05:32 PM 發表
佳尊三無心睡眠食正大利後追 大機構對泥地保養九流
星期日又大賽日賈一姐嚟跑包裝必勝 嗰場最後先寫 先講第五 九同十呢三場
第五場四班千六仁愛堂杯本來想再追馬主雄風但退出 補入嚟嘅大力猴王食返個一檔好形勢 馬就 ...

不止佳尊三及無心睡眠，還有天行健，心思思想追，好在都放下，因為怎樣也揀不到長期表現差又賠率低的型到爆。另一場四班亦跌眼鏡，鑽飾璀璨起步碰撞中段亂步就沒了。

星期日大賽一場，賭就無謂，金鑽貴人上仗勝後氣管多血，今次可以無礙但亦可以因而走樣，穩健度大降；上仗大賽慢時間闖入亞軍的幸運有您，前仗二班快時間只得第四，今次加入的有兩匹將其壓倒，而且當時負磅不比牠輕，似乎一班馬失準時與二班馬相差不大。隨時爆大冷的場合。


第五場四班千六大力猴王上季長期好檔追到失望，斬倉已久，今季更差，怕是大登殿那樣，有一檔亦不寄望。富起來前仗頗佳，上場檔劣，所以如你所說蝕盡形勢，今次檔好屬前列份子，可反勝今次檔劣的豪堡；中置的豪堡只曾在好檔跑得好。勤德威力四班重磅頭馬，三班不夠但仍近，狀態已在，回到四班有好檔，爭勝份子，首選。另博今朝更好，近仗不俗，換上布文有更好留放，若狀態再進已有攻堅之力，保險腳。

KIRIN688

引用:

原帖由 鴻略 於 2024-1-26 20:58 發表

不止佳尊三及無心睡眠，還有天行健，心思思想追，好在都放下，因為怎樣也揀不到長期表現差又賠率低的型到爆。另一場四班亦跌眼鏡，鑽飾璀璨起步碰撞中段亂步就沒了。

星期日大賽一場，賭就無謂，金鑽貴人上仗勝後氣管多血，今次可 ...

雖然官方訪問黎昭昇話點都希望贏返金鑽貴人一次 但歲月不饒人 福逸仲keep到有p已經算難得 至於金鑽貴人要輸就輸自己 如果膽點都係金鑽貴人穩陣啲 Q方面福逸唔會考慮 反而會留意神虎龍駒同包裝必勝呢兩隻後起之秀 神虎龍駒雖然上場華商會杯係輕磅但贏得好輕鬆 之前兩場千二無嘢睇但當時未起 依家不可同日而語 當然隱憂就係依家跑千二路程嫌短隨時有後追不及嘅可能 而包裝必勝上場跑洋紫荊短途希威森發揮不敢恭維 難怪柒頭公子要請賈傑美過嚟助陣 單係呢點誠意滿分 抽埋二檔更好跑 既然之前可以跑得贏幸運有您 呢場搏佢入Q又有幾難？

KIRIN688

星期三集中睇五六七八呢四場
第五場四班1650得意佳作今季處上升期 雖然八檔表面好似無咁好但馬本身跑後追早有證明 上場贏完都係加兩磅仲有水位 不明就係抖兩個幾月重頭做起嘅家樂飛駒 上場二千二路程有疑點唔明點解捧成大熱 抖完上從化做嘢又大閘 落返嚟1650又四檔換埋MR.BEAN有權回馬槍
第六場四班千二第一組四平八穩仍然係皇帝英明 抽十檔田雞唔玩嘢留後追實會有段睇 半冷心水就係鄉村系舊名重用嘅鄉村樂韻 上場12檔焗留返嚟輸唔夠三個馬位開始上力 呢場抽四檔形勢有利得多 呢系人自鄉村瑰寶後四年無馬贏 預計有分頭拖埋
第七場成四隻快馬放頭必有步速 先要賺形勢嘅快搏 雖然孭130磅但呢場有一半馬匹孭磅都過130磅形成個影響無咁大 抽埋三檔守中間更好跑 Q方面搏下同樣賺步速後追嘅越駿知己 呢一年出賽負磅長期超過130樓上所以成日近而無威脅 其實今季幾場就算輸都係主馬群跟返嚟 難得評磅員手鬆兩分兩分咁減終於跌穿70分 而今場終於唔駛孭重磅有利 留守中後搵到COVER足以一戰
第八場記得313場次要左一代天嬌搭正氣青驅 隻美麗第一唔揀純粹跑法得一招放 估唔到守好位都居然有威力 腎虧潘攞返嚟騎正正經經跑嘅話至少坐三望二 至於正氣青驅始終谷千二首本 11檔都要再揀

[ 本帖最後由 KIRIN688 於 2024-1-30 18:25 編輯 ]

鴻略

引用:

原帖由 KIRIN688 於 2024-1-29 09:14 PM 發表
星期三集中睇五六七八呢四場
第五場四班1650得意佳作今季處上升期 雖然八檔表面好似無咁好但馬本身跑後追早有證明 上場贏完都係加兩磅仲有水位 不明就係抖兩個幾月重頭做起嘅家樂飛駒 上場二千二路程有疑點唔明點解 ...

星期日大賽一場可謂好嘅唔靈醜嘅靈，金鑽貴人不知因氣管多血或性能變長影響，起步不夠sharp而又內移，以往得八匹馬跑，移出三疊尚可糾正，今次一堆戥腳馬發揮作用，前中段起將其塞死，結果有得衝而位置不保，下次千四機會可看俏。梁家俊又贏G1，過對面看老香港發癲，竟然同時見到有人報料講陳華棟自稱聽到馬房講金鑽貴人流鼻血，結果屬流料，陳慣常吹水不負責任。

今晚九場早開。


第五場四班1650，同意續選得意佳作，上次八檔切入二疊二卡贏馬，今次仍舊八檔仍可照辦煮碗，當然若被頂在三疊就難跑，但今季準繩，較大能力切入。勁叻仔上仗敗於前駒個幾馬位，今仗仍排好檔而負磅進一步拉開，有機會反先，一併選取。家樂飛駒前仗留後同程第四，不過同程一直留後較好，四檔未必幫很多，再追近亦不易爭Q，但夠冷則有值博率。個人的保險腳揀回都靈勇士，今季外檔強組後追一亞一季，今次對手減弱，亦有得爭。


另講第三場，近績以2至5號較好，耀寶駒上仗一檔守好位而直路衝刺平平得第三，今次轉中外檔更有影響，換潘頓成大熱，不如放棄一博。風中勁松連捷仍輕鬆續取。財駿上仗蝕位太多，今次排位大幅內移，可望跑回季初水準。金哥兒比起季初入Q已減六分，檔位不差，可博。

KIRIN688

星期日嘅兩場大賽 其中經典一哩無投注價值 集中睇另外嗰場G3 另講埋五六十場
第六場三班直路賽319場次前三馬再碰頭但變數在多左四隻初出馬加新勝同程嘅球星 搏大霧搏下兩隻初出PP 呢兩隻都有段故 其中一隻就係榮公子嘅星際快車 自從同神仙合作以嚟呢隻係第一隻歐洲PP 對上一隻名下歐洲PP應該數到愛倫時代 上手馬主就係阿加汗陣營 嗰邊啲績要到第四場跑一千先贏之後再贏兩場當地二班 睇血統仲要係澳紐嗰邊早熟份子 以嗰邊跑嘅時間嚟睇似乎會適應香港啲快地 幾個大閘有前速 今場排貼看台14檔雖然腎虧潘試左唔騎但用麥道朗唔清楚係咪神仙主意 估可能熱但應該未至於無錢分 先揀 另一隻揀嘅初出PP信和系極光彗星上手馬主就係大魔頭 喺澳洲啲細馬場只贏一場但多次上名 能力相信唔會好高如果唔係魔頭都唔會放手賣 勝在早熟但里程未必會長 上季尾已經開操但今季停左一排後上從化 埋門試谷一千閘腎虧潘教留算有啲嘢睇 今場排11檔應該輕易咬著不可擋嚟跑 要搏可能係頭兩三場
第五場三班二千米123468呢六隻符合資格跑打比但除精算謀略外其他五隻未有表現 至於精算謀略就跳程四百 路程適性靠估 倒不如索性對賭攻擊 要返博才 明顯留好過放都唔明前一場點解會放頭 抽二檔有利 另一選就喺波爾多同多多勇駒之間傾向多多勇駒 係比較近幾場賽績波爾多總係覺得去唔返上季贏馬水平 多多勇駒至少今季都有馬贏而上場中段留得比預期後返嚟追一段叫輸得有籍口 沙田二千米6戰有3P 連贏位置Q點都要拖
尾場二班105分跑泥地千二 泥地王禪勝寶駒終於孭返中磅好跑 上場步速太慢而布文任由保羅承傳慢放係一大敗筆 隔十日落返泥地千二有量化歡騰平海歡星搶放應有步速 腎虧潘騎返上去睇能否做返好戲 最強對手應該係另一隻泥地王晶晶日上 三星期前季內初出跑田草千二諗住開氣點知幾乎殺埋當打嘅錶之銀河 跑返首本路程難忽視

[ 本帖最後由 KIRIN688 於 2024-2-2 08:00 編輯 ]

KIRIN688

第八場G3百週年紀念瓶千八 超過一半馬匹喺三個幾星期前一月杯再交手 贏馬嘅越駿歡欣繼續受惠123呢三隻高分馬只比上場加3磅仲係118磅 只要唔塞車應有三甲 反而嗰場入Q嘅當年情似係一檔幫手入Q 三個月前嘅婦女銀袋同樣又係一檔入P 今次個七檔放又唔係留又唔係 倒不如搏下同馬房錶之五知 孭最輕磅跑千八始終好過孭130以上 一檔要睇蔡仔 另一選擇都係輕磅馬就係上場一月杯有揀嘅斛斗雲 嗰場受制外檔被迫望空返嚟都有第四 呢場個五檔易搵遮擋幾好跑 MR.BEAN唔放手就信佢

[ 本帖最後由 KIRIN688 於 2024-2-3 15:33 編輯 ]

鴻略

引用:

原帖由 KIRIN688 於 2024-2-2 08:04 AM 發表
第八場G3百週年紀念瓶千八 超過一半馬匹喺三個幾星期前一月杯再交手 贏馬嘅越駿歡欣繼續受惠123呢三隻高分馬只比上場加3磅仲係118磅 只要唔塞車應有三甲 反而嗰場入Q嘅當年情似係一檔幫手入Q 三個月前嘅婦女銀袋同樣 ...

近期常出現同一批馬連場角逐而前後結果倒轉，甚難捉摸。此場百週年紀念瓶，馬匹谷草對壘後轉田草，上次可參考但難給信心。

越駿歡欣連場穩定而負磅不重，走樣機會較低，但對比月前田草千六一場受讓15磅而贏新力高升半個馬位，今次倒讓1磅而多二百米對新力高升更合，新力高升無疑近仗失望，但始終底質高，計死數就算14檔要大反先也極合理，越駿歡欣難言把握。上仗排1檔跑第二的當年情，早前田草千八負於贏得輕鬆的安遇，今次再跑同程而受讓僅多4磅，出馬增多而排位一般，取位不會如上次般順利，若安遇跑出水準，未見得可以反先；安遇上仗谷草12檔兼135磅沿途甚蝕，今次田草12檔而減3磅，比贏馬多4磅，未嘗不可施回馬槍。知足常樂上仗有意外，差到不似真則敗不足據，已在大賽證明實力之馬而負123磅，該有得爭。混戰場合，臨場我會在2-5-6-7之間揀三匹。

KIRIN688

引用:

原帖由 鴻略 於 2024-2-4 06:16 發表

近期常出現同一批馬連場角逐而前後結果倒轉，甚難捉摸。此場百週年紀念瓶，馬匹谷草對壘後轉田草，上次可參考但難給信心。

越駿歡欣連場穩定而負磅不重，走樣機會較低，但對比月前田草千六一場受讓15磅而贏新力高升半個馬位， ...

腎虧潘寧願呢場坐櫈都唔攞返知足常樂嚟騎呢個疑點 只怕隻馬洩氣